Факультатив сабақтарға арналған сыныптан тыс жұмыс 4 сынып

Түсінік хат

Қазақстандықтардың алдында тұрған аса маңызды міндет-”Мәңгілік Ел” жалпыұлттық идеясын жүзеге асыру.Бұл туралы ел Президенті Н.Ә.Назарбаевтың: «Біз үшін ортақ тағдыр – бұл біздің Мәңгілік Ел, лайықты әрі ұлы Қазақстан! Мәңгілік Ел – жалпы қазақстандық ортақ шаңырағымыздың ұлттық идеясы. Қазіргі таңда ұлттық рухтың оянуы ұлттық тарих, мәдениет,салт-дәстүр жаңа көзқараспен қалыптастырды. Ата-бабаларымыз ұрпақ тәрбиесіне ерекше мән берген. Өз ұрпағын адал еңбекке, өнер-білімге тәрбиелеп, өмірге бейімдеп, жанұяның, Отан намысын қорғауға тәрбиелеуі үлкен ұлағаттылықты байқатады. Әр халықтың тәлім-тәрбиесі ұлттық құндылықтың маңызды белгісі. Құндылық-тәрбие мен оқытудағы адамгершілікке бағытталған мұраттар. Оқушының ұлттық қасиеттері: меймандостық, кісілік, сыйластық, имандылық, кішіпейілділік, салауаттылық,инабаттылық, қайырымдылық, ізгілік, еркіндік, өнерпаздық, шешендік, ақынжандылық, сыпайлылық, мәдениеттілік, шығармашылық, рухани-байлық, махаббат т.б сияқты қасиеттері арқылы ерекшеленеді. Әр баланың тіл байлығы мол өз ойын еркін айта біліп,дұрыс,шешен сөйлей білу керек.Осы мақсатта тіл дамытудан 3-сыныпта «Шешен сөйлей білейік»атты таңдау курсын алдым.Кешегі мен бүгінді танып білу қ

Жаңа қоғамға жаңа ұрпақты оқыту және тәрбиелеуде тілді меңгерту,қазақ тілінің қолданыс аясын кеңейту мемлекеттік міндет болып отыр.Тіл адамның бір –бірімен пікір алмасу құралы болғандықтан тілдің қоғамдағы маңызы ерекше.Олай болса ,сөйлеу тілін дамыту барысында тілдің қатынастық аса маңызды түрі-ауызша сөйлеп үйрену жатады.Ол сөздерді байланыстырып айту арқасында жүзеге асады.Тіл дамытудың негізі міндеті-оқушының мәнерлеп оқуға үйретуден,сөздік қорды байытуда,сөзді дұрыс қолданудан,сөйлемдерді байланыстырып жазудан,орфографияны меңгеруден т.б. білік дағдылардан тұрады.Бастауыш сыныпта бұл білік дағдылар тілдік қызметтің негізінде көбінесе қазақ тілі,ана тілі сабақтарында қалыптасады.Балаға тілді дамыту пәнін оқыту арқылы оларды оқуға,сауатты жазуға және тіл арқылы қарым-қатынас жасау қызметінің барлық түрлерін тыңдау,патриоттық сезімін ояту,өз ойы мен пікірін еркін жеткізе алатындай етіп тәрбиелеу. Баланың тілін дамыту сабағы сөйлеуге үйрету арқылы олардың бойына тілдік мәдениетті қалыптастыру.Бұл әрекет мектепте қажырлы еңбектің арқасында жүзеге асады

Мақсаты: Сөйлеу тіл мәдениеті машықтарын меңгерген коммуникативтік биіктілігі артқан,логикалық ойлауы өз деңгейіне сәйкес дамыған,мәдениетті сөйлеуге бейімделген оқушыны тәрбиелеу және қазақ тілі сабақтарында ақпараттық қарым-қатынастай құзырлығы дамытып,пәнді сапалы меңгерген тұлға қалыптастыру.

Міндеттері:

1.Тіл мәдениеттерін дамыту

2.Өз бетінше жұмыс жасай білуге үйрену

3.Ұлттық және жалпы әлемдік рухани құндылықтарын сақтауға тәрбиелеу

4.Әлеуметтік жағдайда тілдік қарым-қатынастарын арттыру

5.Қазақ тілі және әдебиет пәндері бойынша білімдерін арттыру