Физика пәнінің білгірлері сыныптан тыс іс шарасы

Кеш тақырыбы: “Физика пәнінің білгірлері”

Мақсаты: Оқушылардың теориялық білімдерін зерделеу, өмірде қолдана білуіне дағдыландыру. Пәнге қызығушылығы мен таным белсенділігін арттыру.

Мұғалім: Қанекей балалар! Дыбыстық хабарламаға назар аударайық!

Дүниедегі құбылыстың мәнінде,

Табиғаттық қозғалыстың бәрін де,

Мүмкін емес физикасыз түсіну,

Физика дүние кілті бүгінде.

Түсіріп аспан заңын жұмыр жерге,

Бақтырып жұлдыздарды ескен желге.

Жансызға жан бітіріп, қолға салып,

Физика кереметті көрсетті елге.

Бірі өшіп, кітаптардың бірі тозған,

Қай жүйрік Архимедті басып озған.

Жалынды патриот, батыр ғалым.

Ғасырлар түкпірінен басып озған.

Физика - табиғаттың тілі екен ғой,

Көз тартар табиғаттың сыры екен ғой.

Салған ән, айтылған сөз, ішілген ас,

Бәрінің бағынары физика ғой.

Ұққанға табиғаттың сыры терең,

Дегенге оқып, зерттеп, көрем, білем,

Демесең болсын егер еңбегім еш,

Әуелі физиканы оқы дер ем.

Бүгін де физика барлық жерде,

Құрылыста, техникада, өндірісте.

Сырларын бұл ғылымның меңгеріңдер,

Шәкірттер ынта қойып үйреніңдер!

І – жүргізуші : Армысыздар, бүгінгі кешке жиналған қауым!

Бүгінгі біздің “Физика пәнінің білгірлері” атты кешімізге Қош келдіңіздер!

ІІ – жүргізуші: Армысыздар, ағайын,

Ағайын тілін табайын.

І – жүргізуші : Есенбісіз ұстаздар,

Шаршамайтын қыс – жаздар.

ІІ – жүргізуші : Құрметке ие үлкендер,

Алда жүзген желкендер.

І – жүргізуші : Ізетке ие інілер,

Інілер еті тірілер.

ІІ – жүргізуші : Кешке келген сайланып.

Отырам деп жайланып.

І – жүргізуші : Көрермендер аман ба?

Отырған анау ойланып.

ІІ – жүргізуші : Бәріңізге бір сәлем

Онда кешті бастайық.

Екеуіміз асып – саспайық.

Сөз кезегін келесі

Қатысушыларға тастайық.

Кеште өздеріне арналған

Топтар шықсын қасқайып.

І – жүргізуші : Үлгілі тәртіп, жақсы оқу

Алға қойған мақсаты.

Әр қашанда мектепте

Шығып жүрген жақсы аты

– «Жұлдыздар» тобын қарсы алыңыздар! Қол шапалақтап, қошемет көрсетейік!

Топ мүшелері:

ІІ – жүргізуші : Оқу менен білімге,

Зейін қойған әріден.

Физик, тілші, дәрігер,

Табылады бәрінен.

- «Планеталар» тобын қарсы алыңыздар. Қанекей, қошемет көрсетейік!

Топ мүшелері:

Іжүргізуші:Шын жүйрік шабысынан танылады,

Нақты білім, терең ой саналады.

Баға берер Әділқазы ортамызда,

Сіздерге құрметпенен қол соғылады

ІІжүргізуші: Армысыздар, қымбатты төрешідер.

Сайысын әрбір топтың көрерсіздер

Таразының екі басын тең қойып,

Сіздер де әділ баға берерсіздер-

дей келіп сайыскерлердің білімі мен өнеріне баға беретін әділ қазылар алқасымен таныс болыңыздар.

І – жүргізуші : Сайыс кезеңдерімен таныс болыңыздар

І. «Білім минуты» сұрақ-жауап сайысы

ІІ. «Формулалар сыры» кестемен жұмыс

ІІІ. «Ойлан, тап!» физика заңдарын жатқа айту

ІV. «Кім жүйрік?» тұрақтыларды сәйкестендіру.

V. «Кім алғыр!» «Пантомимо» – құбылысты көрсету.

VІ. «Ән және заң» әннің физикалық мағынасын ашу.

VІІ.«Шешендік өнер» пікір сайыс

ІІ жүргізуші: Сынның да сыны бар ғой сыналатын,

Әр түрлі білім сырын ұға алатын.

Жылдамдық керек мұнда әрі өткірлік,

Сыналып әр секундпен жүре алатын.

ІІ жүргізуші: Ал енді сайысқа қатысушылар! Алғашқы «Білім минуты» сұрақ-жауап сайысын бастаймыз

Әр екі командаға 10 сұрақтан беріледі, сұрақ оқылғаннан кейін өз жауабын дұрыс деп білген команда алдындағы жалаушаны көтеріп, жауап беруге рұқсат алады. Әр команданың тек 1 рет жауап беруге құқылы. Егер жауап дұрыс болмаған жағдайда, сол топтың жанкүйерлеріне жауап беруге болады. Әрбір сұраққа 30 сек, 5 балл

«Жұлдыздар» тобына сұрақтар

1.«Физика» гректің қандай сөзінен алынған, мағынасы. (фюзис-табиғат)

2. Ток күшінің өлшем бірлігі (Ампер)

3. Дүниенің бірінші ұстазы кім?(Аристотель)

4. Ет, балық, банкілерді тұздау қандай құбылысқа негізделген?(диффузия)

5. И.Ньютонның тартылыс заңын ашуына не себеп болды? (алма)

6. Атмосфералық қысымды немен өлшейді?(барометр)

7. Жұмыстың өлшем бірлігі? (Дж)

8. Балқу температурасы жоғары металл (Вольфрам)

9. Жаңғырық қайдан пайда болады? (дыбыстың шағылуынан)

10. Автобус кілт тоқтағанда қандай қозғалысқа түсесің? Неге? (еңкейеміз, инерция құбылысына байланысты)

Планеталар тобына сұрақтар:

1. Температураны өлшейтін құрал (Термометр)

2. Молекулалары белгілі тәртіппен орналасқан зат күйі (қатты)