Физикалық эстафета сыныптан тыс жұмыс материалы

Физика пәнінен өткізілетін «Физикадан қалайсың, шешімін тапсаң жарайсың!» атты сайыс бағдарламасы

Мақсаты:

Оқушылардың физика пәнінен алған білімдеріне қосымша ретінде тың мәліметтер бере отырып, теорияны практикамен ұштастыра білуге үйрету.

Оқушылардың белсенділігін және логикалық ойлау қабілеттерін арттыра отырып, оларды зеректілікке, ой шапшаңдылығына, тапқырлыққа, төзімділікке және өзара сыйластыққа, сөйлеу мәдениеттілігіне тәрбиелеу.

Татулық, қарым – қатынасын нығайта отырып, оқушылардың адамгершілік қасиеттерін қалыптастыру және пәнге деген қызығушылығын арттыру.

Сабақтың түрі: Сайыс сабақ

Сабақтың көрнекілігі: Ғалымдар суреті, құрастырмалы формулалар жиынтығы, сыйлықтар.

Сабақтың барысы:

Жүргізуші :

Уа, халайық, халайық!

Бәріңе жар салайық!

Физиканың тілінде,

Бүгінгі кеш төрінде,

Есеп шешіп жарысып,

Жұмбақ шешіп аңдысып...

Көңілді кеш жасайық,

Шабыттанып шалқысып,

Ақырын басып, аяңдай

Білімге жол ашайық.

Ат салысып аянбай,

Бар өнерге басайық.

Әділқазылар алқасына:

Жүргізуші : Ғылымның кілтін білетін, оқушы жүрегінің дүрсілін сезетін, жас физиктің біліктілігін көретін, сайыскерлерге әділ баға беретін, бүгінгі сайыстың нәтижесін беретін әділқазылар алқасын ортаға шақырайық.

Қайырлы кеш құрметті ұстаздар, әділ қазылар алқасы, сайыскерлер, оқушылар және көрермен қауым! Бүгінгі біздің «Физикадан қалайсың, шешімін тапсаң жарайсың!» атты кешімізге хош келдіңіздер! Кешімізді ашық деп жариялаймын!

Жүргізуші :

Біреуінің жүрегінің түгі бар,

Біреуінің қоғамдық деген жүгі бар,

Біреуінің күмбірлеген күйі бар,

Біреуінің қатты істейтін миы бар –дей отыра, ойыншыларымызды ортаға шақырамыз! Ойынға қатысушы екі топ, әр топ бес ойыншыдан тұрады. Қарсы алыңыздар!

І. Сайысымыздың қыздыру бөлімі « Білімділік » деп аталады.

Жүргізуші : Мектептегі есте қалар,

Қызықты бір жиын болсын.

Білімдірек шәкірт озар,

Сұрақтары қиын болсын.

Сайыс шарты: сұрақ – жауап, әр топқа он сұрақтан қойылады.

Бірінші топқа қойылатын сұрақтар:

Сандыққа нені тығып қоюға болмайды? ( жарық )

Күн күркірегенде ең алдымен найзағайды көреміз бе, әлде күркіреген дауысты естиміз бе? (найзағайды)

Атом массасының өлшем бірлігіне не алынған? (кг)

Ең кішкентай заряд? (элементар заряд)

Идеал газ күйінің теңдеуін ашқан ғалым кім? ( Менделeeв)

Ареометр нені өлшеуге арналған құрал? (Сұйықтың тығыздығын)

Күш импульсі дегеніміз не? ( р – р0 = F * t н/е ^ р = F * t ( Н*с)

Дене импульсінің өзгерісі күш импульсіне тең )

Басқа денелер әрекетін етпегенде дененің жылдамдығын сақтау құбылысы, ол....? (инерция)

Жылу берілудің қандай түрлері бар? ( жылу өткізгіштік, конвекция, сәуле шығару)

10.Дененің жұмыс істеу қабілеттілігін сипаттайтын физикалық шама... (энергия)

Екінші топқа қойылатын сұрақтар:

Сұйықтың ең кішкетай бөлшегі қалай аталады? ( тамшы)

Термометрді кім жасады? ( Швед астрономы, физигі Цельсий)

Бұл кім? : өз өмірінде 40 т тамақ жейді, дүние жүзіндегі ең ақылды жыртқыш, қуаты орта есеппен 2,2Вт. ( адам )

Қысымды қандай құралмен өлшейді? ( барометр)

Дене импульсі дегеніміз не? ( Р=mv, Дененің массасы m мен оның қозғалыс жылдамдығының υ көбейтіндісіне тең болатын физикалық шама дене импульсі немесе қозғалыс мөлшері деп аталады).

Табиғатты зерттеудің қандай негізгі үш әдісі бар? ( бақылау, эксперимент, теориялық әдіс)

Бір заттың малекулаларының екінші заттың молекулалар аралық бос орындарына өзара өтуі – бұл .... (диффузия)

Электр сыйымдылығының өлшем бірлігі. (фарад )

Дене пішінінің немесе өлшемдерінің өзгеруі? ( деформация )

Дененің тірекке немесе аспаға түсіретін күші? ( салмақ )

ІІ. Жүргізуші : Бұл адамдар ардақтаған халықтар,

Физикада даңқы шыққан алыптар.

Қара, ойлан зерек болсаң балақай,

Алыптарды әрқашанда танып қал.

Ал, енді біздің сайысымыздың « Танымдылық » деген 2- бөлімін бастаймыз.

Ойын шарты: Ғалымдардың суретіне қарап, оларды тану,олардың есімін атау және қандай жаңалық ашқанын айту.