Функционалдық сауаттылыққа арналған іс-шара сценарийі

Тақырыбы: Функционалдық сауаттылық-сапалы білім. (бастауыш сынып апталығының ашылуы).

Мақсаты:

Түрі: дәстүрлі емес

Көрнекіліктері: макеттер, ертегі кейіпкерлері, слайд.

Кейіпкерлер: Мерей, Әли, ормандағы аңдар (Жолбарыс, қоян, түлкі, қасқыр) , маймылдар, сұрақ белгісі.

Барысы:

Фанфары

Маймылдар биі.

(Ішке Мерей мен Әли кіреді (аң-таң, адасып келе жатады.)

Маймылдар: Әли мен Мерейді қоршап алып , ой мынау балалар қандай әдемі, киімдері де әдемі екен.Сендер кімсіңдер? Қайда бара жатырсыңдар? Қолдарыңдағы мына төртбұрышты зат не? деп Мерейдің сумкасын тартып қалады, ішіндеші кітаптар шашылып қалады. Мерей жылайды. Әли Мерейдің кітаптарын жинап, оны жұбатып маймылдарға мән –жайды түсіндіреді.

Әли: «Мектеп –деген білім ордасының, Бастауыш патшалығы» бізді қонаққа шақырып еді. Біз жолдан адасып, осы жерге тап болдық. Сендер өте мейірімді екенсіңдер, бізге жол көрсетіп жіберіңдерші.

Маймылдар. 1 Маймыл шығып: Сендердің өте ақылды, бала екендерің көрініп тұр. Сендер өте сыпайы бала екенсіңдер. Біз сендерге көмектесеміз, қорықпаңдар жолды да көрсетеміз. Сендердің іздеген патшалықтарың анау тұрған қалың орманның арғы шетінде орналасқан. Бірақ бұл орманнан өту өте қиын, сендерге жолда орман аңдары кездесуі мүмкін. Сендер өздеріңнің қорыққандарыңды білдірмеңдер. Дәл қазіргідей сыпайы, ақылды қалыптарыңда болсаңдар болды.

Сөйтіп маймылдар Әли мен Мерейді ұзақ сапарға шығарып салады. Әли мен Мерей орман ішінде келе жатады. Маймылдар айтқандай оларға бірінші қоян кездеседі.

Қоян: Бұталардың арасынан ытқып-ытқып секіріп, қоян ортаға шығады. «Ой мына балалар кімдер? Қайда бара жатырсыңдар?» -деп сұрайды

Мерей: Біз жолдан адасып келе жатқан оқушылармыз. Бізді «Бастауыш патшалығы» қонаққа шақырып еді. Мейірімді қоян сен бізге жол көрсетіп жіберші.

Қоян: Жарайды көмектессем көмектесейін, сендердің де жүздерің жылы екен. Бірақ менің бір шартым бар. Егер соны мүдірмей орындасаңдар көмектесемін.

1 сұрақ: Дыбыстар нешеге бөлінеді?

Әли: Біздің залда достарымыз отыр, олардан көмек сұрайық.

Сұрақ белгісі: (залда отырған 1-сынып оқушыларынан сұрайды.) Жауап: (дауысты және дауыссыз дыбыстар)

Қоян: Ой қандай сүйкімді баласыңдар. Әли, Мерей сендер дұрыс келе жатырсыңдар. Тура жүре беріңдер. Алдарыңнан үлкен жолбарыс кездеседі, сендер жолбарыстан қорықпаңдар. Ал жақсы Әли, Мерей жолдарың болсын.

Әли мен Мерей жолға шығады, қоян айтқандай алдарынан жолбарыс шығады.

Жолбарыс: Сендер кімсіңдер? Қайда бара жатырсыңдар? қолында тауып алған үлкен асқабағын арлды-берлі домалатып таңдана қарап тұрады.

Мерей: Біз бастауыш сынып оқушылары Әли мен Мерейміз. Біз «Бастауыш патшалығына» қонаққа бара жатырмыз. Бізге жол көрсетіп жіберші.

Жолбарыс: жарайды көрсетсем көрсетейін, бірақ сендер маған мына заттың не екенін айтып беріңдер.

Әли: бұл сұрақтың жауабын залда отырған біздің досымыз Айым жақсы біледі.

Айым ортаға келіп өз жұмысын көрсетіп, таныстырады.