Функционалдық тест тапсырмалары, 3-сынып оқушыларына

Қазақ тілі функционалдық сауаттылық

3 – сынып

Біз шыршалы тоғай ішінде серуендеп жүретін болатынбыз. Бір мезетте қараңғы тоғайға келіп кірдік. Тарлау соқпақ жол көрінді. Біз осы бір кішкентай ғана соқпаққа түсіп жүріп кеттік. Соқпақ бізді қалың шөбі бар алаңға алып шықты. Біз жасыл шөп үстінде демалмақ болып жата қалдық. Көзіміз ілініп кетіпті. Бір кезде иттің қатты үргені естілді. Ит қып-қызыл түлкіні қуып жүр екен.

1. Асты сызылған сөз қай топқа жатады?

А) туынды зат есім

В) туынды етістік

С) туынды сын есім

Д) түбір сөз

2. Мәтінге лайықты тақырып қойыңыз:

А) Қызыл түлкі

В) Жасыл шөп

С) Шыршалы тоғайда

Д) Жазда

3. Қарамен жазылған сөйлемде тұрлаулы мүшелерді тап:

А) соқпақ көрінді

В) тарлау жол

С) соқпақ жол

Д) жол көрінді

Жер – аспан әлеміндегі сансыз көп ғаламшардың бірі. Көлемі жағынан одан үлкен де кіші де мыңдаған ғаламшар бар. Солардың ішінде Жерде ғана тіршілік бар.

Жер өз кіндігінен айналады. Толық бір айналым 24 сағатқа созылады. Бұл - бір тәулік. Сондай – ақ Жер Күнді айналып та қозғалады. Күнді толық бір айналып шығуға 365 күн 6 сағат 9 минут 9 секунд уақыт кетеді. Бұл – бір жыл деген сөз.

4. Қарамен жазылған сөйлемде тұрлаусыз мүшелерді тап:

А) жер айналады

В) өз кіндігінен

С) кіндігінен айналады

Д) өзі айналады

5. Асты сызылған сан есімге жалғауға болатын тиісті жұрнақты тап:

А) - нші

В) - ыншы

С) - інші

Д) - ншы

Тікұшақ – қызық машина. Ол кәдімгі ұшақтар сияқты ұшады. Сонымен бірге жерден көкке тіп – тік көтеріле алады, аспанда бір орында қалықтап тура алады. Қонатын жерді де көп таңдамайды.

Тікұшақты жер бетін барлау жұмыстарына жиі пайдаланады. Тікұшақпен таулы жерлерге де қонуға болады. Ол – теңізге бақылау жасауға қолайлы машина. Шаруашылық салаларында жиірек пайдаланады.

6. Мәтіннің негізгі идеясын анықтаңыз:

А) тікұшақтың пайдасы

В) тікұшақтың жасалуы

С) барлау жұмыстары

Д) жер беті

7. Асты сызылған сөзге мәндес сөзді тап:

А) көру

В) пайдалану

С) бақылау

Д) қазу

Қыста күн жаздағыдай емес, күңгірт шығады. Қар басқан орман мүлгіп тұр. Барлық тірі атаулы аяздан қатып қалған секілді. Тек анда – санда суықтан тарс етіп айырылған ағаштардың дыбысы шығады.

Мен орман ішіндегі алаңға шықтым. Алаңның ар жағында шыршалы орман көрінеді. Барлық ағаштарда ірі бүрлер салбырап тұр. Бүршіктердің көптігі соншалық бұтақтары жерге дейін иіліп тұр.

8. Мәтіннен тәуелденген сөзді тап:

А) дыбысы, бұтақтары

В) ағаштардың, бүрлер

С) алаңға, бұтақтары

Д) дыбысы, шыршалы

9. Қарамен жазылған сөйлемнің түрін анықта:

А) жай

В) сұраулы

С) лепті

Д) жайылма

10. Асты сызылған сөзге мағынасы жуық сөзді тап:

А) сынған

В) жоғалған

С) кесілген

Д) жарылған

11. Мұғалім Айдосқа кестедегі мысалдардан туынды зат есімдерді табуын сұрады.

Ұзындық

Темір

Достық

Адам

Сызғыш

Айдос « + » белгісін неше рет қойды?

А) 2

В) 3

С) 4

Д) 1

12. Сәйкестендіріңіз.

1) Туынды зат есім а) әдепті, көктемгі, сүтті

2) Туынды сын есім ә) ойлады, биледі, көздеді

3) Туынды етістік б) дәрігер, сауын, адалдық

А) 1а, 2ә, 3б

В) 1б, 2ә, 3а

С) 1ә, 2б, 3а

Д) 1б, 2а, 3ә

13. Құс, аң сөздеріне төмендегі қосымшалардың тиістілерін қосып жаз

1) - қа 2) - тер 3) - ге 4) - дар

А) 2 мен 3

В) 1 мен 4

С) 1 мен 3

Д) 1 мен 2

14. «Алыс» сөзіне мағынасы жуық сөздер қатарын көрсет:

А) таяу, жақын, жылдам, ұзақ

В) қашық, шалғай, шет, қиыр

С) қашық, жақын, таяу, ақырын

Д) таяу, жақын, лезде, жылдам

15. Оқу, қыс, би, өнер сөздеріне жалғанатын тиісті жұрнақтарды тап:

А) –лық,-та,-ге,-ді

В) –шы,-ы,-лер,-мен

С) –ға,-ты,-ші,-лі

Д) –шы,-қы,-ші,-лі

Қоян жер сілкінісі туралы ескертті

Әдеби мәтін