Ғарышкерлер күні ашық сабағы мектепке дейінгі балаларға

Білім беру саласы: Шығармашылық.

Бөлімі: «Сурет салу»

Тақырыбы: «Ғарышкерлер күні»

Мақсаты:

1. Білімділік: Көктем туралы білімдерін кеңейту, көктем ерекшеліктерін естеріне түсіре отырып әңгімелету. Ғарыш, ғарышкер туралы түсініктерін жетілдіру, ғарыш әлемі және құпия сырларына деген қызығушылықтарын арттыру.

2.Тәрбиелік: Балаларды батылдыққа, адамгершілікке , ұжыммен бірлесіп әрекет жасауға тәрбиелеу.

3.Түзету - дамытушылық: Ойлау, еске сақтау қабілеттерін дамыту.

Қажетті құрал жабдықтар: Демонстрациялық материалдар, слайд.

Сөздік жұмыс: Зымыран, ғарышкер.

Жеке жұмыс: Нұрсұлтанға ғарышкерлер туралы тақпақтар жаттату.

Оқу қызметінің кезеңдері

Тәрбиешінің қызметі

Балалардың іс-әрекеті

Мотивациялық – қозғаушылық

Таңғы жиын:

Қайырлы таң!

Ормандар мен далалар!

Қайырлы таң!

Достасқан бар балалар!

Қайырлы таң!

Біздің балабақшамыз!

Балалар, шеңберде тұрып амандасады.

Ұйымдастыру, іздену

Сұрақ жауап:

Балалар қазір жылдың қай мезгілі?

Көктем айларын кім атап береді?

Осы көктем мезгілінің бірінші айы қалай аталады?

Дұрыс айтасыңдар, балалар. Ал осы наурыз айында қандай мерекелерді тойладық?

Ал балалар, осы көктем ерекшеліктерін есімізге түсіре отырып, әуен арқылы көрсетсек қалай болады?

Бұлт:

Жер анаға көмегім

Жаңбыр болып төгемін,

Төмендеймін, көлбеймін

Бөгелмеймін, өрлеймін.

Тамшылар:

Бұлттар, бұлттар ойнашы

Күркіреп, дүркіреп

Бұлттар, бұлттар ойнашы

Сіркіреп, дүркіреп.

Бұлттар:

Нөсер, нөсер төк – төк

Болсын егін көп – көп.

Сулар:

Сылдыр – сылдыр сылдырлап

Су ағады сыңғырлап.

Бау – бақшаны аралап

Су ағады жағалап.

(Тамшылар кетіп бұлттың арасынан күн шығады)

Күн:

Құшағын ашып шуақты

Күнмін алтын сияқты.

Кемпірқосақ:

Мөлдіреп моншақ шашылды,

Аспан шайдай ашылды

Көкте, қызыл, жасылды

Кемпірқосақ асылды.

Құстар:

Көкке қанат қағамыз,

Көктем әнін саламыз.

Гүлдер:

Бәйшешекпіз құлпырған

Көрік берер далаға.

Жарайсыңдар, балалар, міне көктем мезгілі өзінің керемет ерекшеліктерімен қуантады.

Ал, көктемнің екінші айы қалай аталады?

Иә, бұл сәуір айында да бір үлкен мереке бар.

Ол ғарышкерлер мерекесі. Ғарышкер дегеніміз олар ғарышқа, аспан әлемінде ұшатын адамдар.

Балалар, қазақтың ғарышкерлері Т.Әубәкіров, Т.Мұсабаев ағаларымыз. Бұл кісілер еліміздің мақтаныштары.

Олар, ержүрек, батыр, халық қаһармандары.

Сергіту сәті:

Торғай

Торғай, торғай, торғайсың

Жақын келіп қонғайсың.

Жем шашайын тойып ал,

Сонда торғай тоңбайсың.