Ғажайып алаң интеллектуалды ойын сценарийі

Темірғалиева Жанар Қайратқызы,

қазақ тілі мен әдебиет пәнінің мұғалімі,

«№51 негізгі орта мектеп» КММ, Қарағанды қаласы

«ҒАЖАЙЫП АЛАҢ» ОЙЫНЫ

Оқулық беттерінен тыс

Бұл әдістемелік әзірлемеде қазақтың бас ақыны – Абай Құнанбаевтың 175 жылдық мерейтойына арналған «Ғажайып алаң» ойынының өткізілу барысы ұсынылған. Әзірлемеде ойынды өткізу ережесі, ойын барысында қойылатын сұрақтар, тапсырмалар берілген. Әзірлеме мемлекеттік тілде оқымайтын мектеп оқушыларына арналған.

«Ғажайып алаңы» ойынын өткізу барысы

Ойынның мақсаты: қазақтың дара ақыны, дана ақыны – Абайдың өнегелі өмірімен таныстыру, ақынның даналығын, рухани-мұраларын насихаттау.

Көрнекіліктер: секторларға бөлінген «Ғажайып алаң», қатысушылардың алдына қойылатын әліпби баспасы, әріптерді алмастыру бағаны, қоңырау шалуға арналған телефон, «приз жәшігі», үштіктерге арналған сыйлықтар (Ұсыныс: Абайдың өлеңдер жинағы, оқу құралдар).

Жүргізуші: армысыздар? Бармысыздар? Құрметті, жиналған қауым! Қазақтың тарихында мәңгі өшпес із қалдырған, қазақ әдебиетінің дамуына зор үлес қосқан, өмірдің қыр-сырын жырлаған, ағартушы, дана, қайталанбас бейне, қазақтың бас ақыны – Абай Құнанбаевтың 175 жылдық мерейтойына арнайы өткізіліп отырған «Ғажайып алаң» ойынына қош келдіңіздер!

Ортаға алғашқы үштікті шақырамыз. Ду қол шапалақпен қарсы алайық!

Алғашқы үштік шығады

Жүргізуші: құрметті, ойынға қатысушылар! Өздеріңізді таныстырып шықсаңыздар.

1-ші қатысушы: Мен....

2-ші қатысушы: Мен...

3-ші қатысушы: Мен...

Жүргізуші: тамаша, ендеше сіздерге ойынның ережесін қайталап шығайын.

Ойынның ережесі: әр қатысушы үштікке бір сұрақ қойылады. Сұрақтың жауабын айту үшін оқушы барабанды (секторды) айналдырады. Сектор ұпай саны көрсетілген ұяшықтарға бөлінген. Егерде барабанның ұшы ұпай санына келіп, тоқтаса, қатысушыға ұпай саны аталып, сұрақтың жауабында бар әріпті немесе толығымен жауапты айтуға мүмкіндік беріледі. Сөзде аталған әріп болса, әріп ашылады, сөздің ішінде бір әріп бірнеше рет қайталанса, ұпай саны соншаға көтеріледі. Аталған әріп болмаса, кезек екінші қатысушыға беріледі. Егер барабанда «П» бөлігіне ұшы түссе, ортаға алдын ала дайындалған «приз жәшігі шығарылады». Қатысушыға не призді, не ақшаны (200, 500 теңге) алуға ұсыныс айтылады. Тіпті болмаса «П» әріпіне дейінгі ұпай айтылып, ойынды ары қарай жалғастыруға болатындығы айтылады. Егер барабанның ұшы «Т» әріпіне түссе, онда қатысушы көмек алу үшін кез келген адамға қоңырау шалып, әріпті атауға мүмкіндік алады. «О» ұпайына түссе, кезек келесі ойыншыға беріледі. Әр қатысушы ойынға арнайы кәдесый әкеледі (Абайдың шығармашылығынан бір өлең айту, немесе ән айту, би билеу, сурет салу және т.б.).

Жүргізуші: қатысушыларымыз дайын болса, ойынның бірінші кезеңін бастайық.

Тапсырма: Абай Құнанбайұлы 1845 жылы Қарқаралының аға сұлтаны Құнанбай қажының екінші әйелінен туған. Оның арғы тегі орта жүзге жатқан. Руы атақты Олжай батырдан басталады. Сұрақ: Абай қай рудан шыққан? Жауабы: ТОБЫҚТЫ.

Жүргізуші: кезекті бірінші қатысушымызға берейік. (Қатысушының есімі), барабанды айналдырыңыз. Бүгінгі біздің ойынға қандай кәдесый дайындап келдіңіз?

Қатысушының кәдесыйы

Жүргізуші: керемет! Сізде ... ұпай. Әріпті атаңыз!

Ескертпе: егер бірінші қатысушы толығымен әріптерді атай отырып, сөзді атаса, келесі қатысушылар тек кәдесыйларын ғана ұсынады. Кезек келесі үштікке беріледі. Егер бір қатысушы үш рет дұрыс әріп атаса,…