Ғажайыпқа толы жаңа жыл ертеңгілігі сценарийі

Тақырыбы: «Қош келдің, Жаңа жыл, елімізге!»

Балалар залға көңілді әуенмен кіріп .шеңбер құрып тұрады.

Жүргізуші: Армысыздар құрметті ата-аналар , балабақша ұжымы және бүлдіршіндер ! Сіздерді кележатқан жаңа жыл мерекесімен шын жүректен құттықтаймыз.Жаңа жылды мерекелеу үшін осы әсем шырша жанына барлығымыз жиналып отырмыз. Жылда жақындап қалды.

Жүргізуші: Ақ көңілім айналды аппақ қарға,

Көңілдене қосыл сен ән мен жырға

Қыс қызығы басылмай ұласады,

Қуанышы көп болсын жаңа жылға –дей отырып, жаңа жылдық кешімізді бастауға рұқсат етіңіздер.

Балалар бүгін сендер,сәнді киініп, әдемі болып кетіпсіңдер, мына жерде барлық аңдар ,сүйікті ертегілеріміздің кейіпкерлері де жетіпті. Ал бүгін балалар қандай мереке?

Балалар: Жаңа жыл!

Жүргізуші: Жаңа жылдық мерекемізді ашуға құттықтау сөз

«Нұрбалапан» бөбекжайының меңгерушісі: Кадимова М.Т

сөз беріледі.

Жүргізуші: Нұрландырып маңайды

Шырша шамы жағылсын

Жаңа жылдың құрметіне

Ақ тілектер ағылсын!

(Шырша жағылады)

Жүргізуші:Кел,, жаңа жыл, жаңа бақыт ырысым.

Жақсылықтың жаршысы да нұрысың.

Адамдардың асқақтаған арманы,

Ақындардың таусылмайтын жырысың

Жүргізуші: Балалар, біздің шыршамыз бар, әдемі киінген балаларымыз бар, ата-аналарымыз, көрермендеріміз де бар екен,енді біздің жаңа жылдық мерекемізге кім жетіспейді?

Балалар: Аяз ата, Ақшақар.

Жүргізуші: Қуаныңдар ағайын, тамсаныңдар!

Сүйіншімен маңайға жар салыңдар.

Аяз ата келеді Ақшақармен

Қол соғып қошеметпен қарсы алыңдар

(осы кезде музыкамен асыға күткен Аяз ата мен Ақшақар келеді)

Жүргізуші:Армысыз Ата! Армысыз Ақшақар!

Аяз ата сөзі: Армысыздар ма ұлдарым

Армысыздар ма қыздарым!

Қандай жарқын жүздерің,

Қандай әсем билерің.

Асулармен алыстым

Асау желмен жарыстым.

Шыршымызға асығып,

Өздеріңмен табыстым.

Ақшақар сөзі: Сүйсіндірер маңайды.

Ақшақармын арайлы,

Жалт-жұлт еткен жүзімнен,

Күміс сәуле тарайды.

Ақшақармын аппақпын,

Қалай тыныш жатпақпын.

Менсіз қыстың сәні жоқ.

Әнмін,жырмын,тақпақпын.

Жүргізуші: Жаңа жылға арналған

Кімнің қандай әні бар?

Айналайық шыршаны

Кімнің қандай сәні бар.

Ән: «Шырша жыры»

Жүргізуші: Қош келдіңіз Аяз ата! Сәл отырып демалыңыз.Келгеніңіз қандай жақсы болды.Өзіңізбен бірге Жаңа жылды тойлайық.Балалардың сіздерге арналған өлең тақпақтары бар.

Нұрасыл: Жылдың әнің бастайын

Аяз-ата кеп қалды

Майысады жас қайын

Көтере алмай көп қарды

Ескендір: Жаңа жыл келгенде

Қуанып қарсы аламыз

Аяз ата келгенде

Билейміз,ән саламыз.

Олжас: Жаңа жылды қарсы алдың,

Мініп алып күймеге

Менде бүгін ән салдым

Араластым биге де

Б.Алияр: Оралдың өлкеме,

Жаңа жыл армысың,

Оранды ақ көрпеге,

Асқар тау, қырлы шың.

Дәулет: Ақ қырауға малынған

Сақалы да мұрты да

Аяз ата сағынған

Салем берді жұртына.

Ерке: Безендіріп шыршаны

Жыл қуантты баршаны

Той маскарад басталды

Аяз оны басқарды.

Торали: Ақша қар,ақша қар

Аппақ болып қонасың,

Тоса қалсам қолымды

Алақаныма толасың.

Жүргізуші: Жаңа жыл- бұл жаңа жыр

Нұрдан ләззат ала біл

Ақын жазар жаңа жыр,

Жырдан тында терең сыр.

Ал достар,бізге ескі жылдын реніші жоқ шығар.

Құрметпен ортаға ескі жылды шақырайық.

Доңыз жылы сөзі: Аппақ бүгін қар далам

Ақ дастархан жапқандай

Жасыл шырша жанына

Тышқан жылы қош келдің!

Сәлем саған баршадан!