Генератордың жұмыс тәртібі туралы материал

Сабақтың тақырыбы: Генератордың жұмыс тәртібі

Сабақтың білімділік мақсаты: Білімгерлерге генератордың жұмыс тәртібі туралы түсіндіру.

Сабақтың дамытушылық мақсаты: Білімгерлердің бойында құрал- саймандарды күтіп ұстауға, материалдар мен шикізатарды үнемді пайдалануға, еңбек қауіпсіздік ережелерін қатаң сақтауға мән бере отырып, мамандыққа деген қызығушылығын арттыру және шығармашылық қабілеттерін дамыту.

Сабақтың тәрбиелік мәні: Білімгерлерді жауапкершілікпен жұмыс жасауға, және ұқыпты,тиімді жұмыс жасауға тәрбиелеу. Қазіргі заман талабына сай маман аталуға ұмтылдыру.

Сабақтың түрі: Жаңа білімді меңгерту.

Сабақтың әдісі: Сұрақ - жауап.

Сабақтың көрнекілігі: Слайдтар, интерактивті тақта.

Сабақтың материалдық техникалық құрал-жабдықталуы: техникалық нұсқау картасы

Пәнаралық байланыс: сызу, арнаулы технология.

Сабақ барысы:

I. Ұйымдастыру кезеңі

Білімгерлердің сабаққа қатысуы мен дайындығын тексеру.

ІІ. Кіріспе нұсқау

Білімгерлерге сабақтың тақырыбын, мақсатын хабарлау.

Білімгерлерден дәнекерлеу кезіндегі қауіпсіздік ережесі сұрау.

Білімгерлерден үй тапсырмасын сұрау:

Генераторды жұмысқа дайындау:

Қақпақ және тұғырық кәрзеңкеден алынады.

Генератордың корпусыда бөгде заттар жоқ екенін және ол лайдан жуылып тазаланғанын тексеру.

Қорғаныс тетігі генераторға қосылатын жерде тор бар екенін, қорғаныс тетігі және вентильдің орнатылғанын тексеру.

Генератордағы бақылау пробкасын және су тетігіндегі бақылау пробкасын ашып қою.

Су тетігінің бақылау пробкасының деңгейіне дейін сумен толтыру, генератордың мойнынан бақылау пробкасының деңгейіне дейін су құю.

Ескерту: Ауаның температурасы нөльден төмен болса су тетігіне аязға шыдайтын ерітінді құю керек.

Генератордан және су тетігінен су ағып болған соң бақылау пробкаларын жабу, тетіктің нипелін орнату.

Шалнгпен вентиль мен қорғаныс тетігін қосу.

Әктен тазаланған және құрғақ кәрзеңкеге 3,5 кг-нан көп емес мөлшері 25-80 мм кальций карбидін салу.

Ацетилен аз мөлшерде керек болған кезде кальций карбидті азырақ салуға болады.

Тұғырықты кәрзеңкеге орнату.

III. Білімгерлерге жаңа сабақ бойынша нұсқау беру.

Генератордың жұмыс тәртібі:

Кальций карбиді салынған кәрзеңкені генератордың мойнынан салып, траверса, ілгек бұранда көмегімен қақпақты тездетіп жабу керек.

Вентильді бір қалыпта ашу.

Тетіктің төсемі жабысып қалмау үшін клапан шығыршығын басып тексеру.

Ацетиленмен шланг пен дәнекерлік саймандарды 1 минуттай үрлеп тазалау.