Графикалық натюрморт тақырыбында ашық сабақ

Тасқала ауданы

Балалардың мектептен тыс жұмыс орталығы

Сабақтың тақырыбы

Графикалық натюрморт.

Өткізген: "Жас суретші" үйірмесінің

жетекшісі Жалмуханова Г.Н.

Тасқала, 2019-2020 о.ж.

Сабақтың тақырыбы: Графикалық натюрморт

Сабақтың мақсаты:

а) білімділігі: Графика және оның түрлері жайлы терең мағлұмат беру. Графикалық натюрморттың композициясын құрастыру. Сурет салудың заңдылықтарын үйрету.

б) дамытушылығы: Оқушыларға натюрморттың заңын меңгерту, ойлау, есте сақтау қабілетін және шеберліктерін дамыту;

в) тәрбиелігі: Көзбен елестетуге, ұқыптылыққа , әсемдікке тәрбиелеу.

Көрнекілігі: Сурет үлгілері,слайдтар, электронды оқулық,графикалық материалдар.

Түрі: Затқа қарап сурет салу, жаңа білімді меңгерту.

Сабақтың барысы:

І. Ұйымдастыру кезеңі: оқушылармен амандасу, түгелдеу.

«Бейнелеу өнері» әлеміне саяхатқа аттанатынын хабарлау.

«Бейнелеу өнері» әлемінде. Өнердің ең құнды түрінің бірі-бейнелеу өнері. Бұл өнер адамның көркемдік ойлау қабілетін дамытып, қызығушылығын арттырады. Сендер өмірге суретші көзімен қарай бастайсыңдар. Жай адам көзіне түсе бермейтін әсемдікті көресіңдер.

«Білімділер әлемінде" Бейнелеу өнерінің түрлері мен жанрларын еске түсіру

ІІ. Негізгі бөлім:

Жаңа сабақ. «Ертегілер елінде» әлемінде

Диктафоннан оқулықтағы бояулар туралы ертегі тыңдалады.

«Графика» әлемінде

Графика дегеніміз - қағаз немесе картон бетіне қарындаш, қылқаламмен, тушьпен салынған суреттер. Сонымен қатар қағаз бетіне салынған литография,түсті гравюралар және түсті карындаш, бормен салынған суреттер де жатады. «Графика» атауы гректің «жазамын», «сурет саламын» деген сөзінен шыққан.

Электронды оқулықтан әр түрлі графикалық материалдармен салынған суреттер жайлы және график- суретшілердің шығармаларымен таныстыру.

Қазақстан суретшілері арасында графикалық туындыларымен танымал график суретшілер баршылық. Олар Ә.Қастеев, А.Ғалымбаева, Ә.Рахманов, Т.Ордабеков.

Енді сол график суретшілердің шығармаларымен танысайық. Слайдттардан суреттерді көрсету.

-Балалар, сендер барлықтарың бүгін график- суретшісіңдер. График - суретші болу үшін график қарындашымен натюрморт салып үйренуіміз керек.

Сергіту сәті

«Натюрморттар» әлемінде

Алдымыздағы бірнеше натюрморттарға қараймыз, графика тәсілімен салынған, өз қалауымыз бойынша натюрморттардың бірін саламыз .

Натюрморт-француз сөзі, дәл мағынасы «өлі табиғат» деген ұғымды білдіреді. Оған тұрмыста күнде кездесіп жүретін заттарды, жемістерді, гүлдерді немесе алуан тағамдар бейнелейтін картиналар жатады.