Графикалық және дыбыстық файлдарды енгізу, 6-сынып

Сабақ №1

Сабақтың тақырыбы: Графикалық және дыбыстық файлдарды ендіру

Сабақтың мақсаты: PowerPoint-тың графикалық және дыбыстық мүмкіндіктерін қолдану

Сабақтың міндеттері:

Сабақтың мазмұнына байланысты міндеттер:

графикалық және дыбыстық файлдарды слайдқа енгізе алады;

өз бетінше слайд құруға дағдыланады;

тақырып бойынша білімдерін пысықтап, практикалық шеберліктері қалыптасады;

Дамытуға байланысты міндеттер:

өз пікірін ашық айтып, ойларын ортаға салады;

бір-бірінің пікірін, ойын тыңдау арқылы сөйлеуге дағдыланады;

бір-бірімен ой бөлісіп, сынайды, сауатты бағалайды;

Топтық жұмысқа байланысты міндеттер:

топтағы оқушылар бірін-бірі тыңдайды;

топтық ережелерді сақтай отырып жұмыс жасайды;

техника қауіпсіздік ережесін сақтайды.

Сабақтың типі: жаңа білім беретін сабақ

Сабақтың түрі: аралас сабақ

Сабақтың әдісі: Идеялар тақтасы, Жигсо І, түртіп алу жүйесі.

Сабаққа қажетті құралдар мен көрнекіліктер:

1. Құралдар: интерактивті тақта, магнит тақтасы, ActivSlate құралы, компьютер, А1 қағазы, маркер.

2. Көрнекіліктер: слайд көрсетілімі, қима қағаздар, кері әсер парағы, өзін-өзі басқару дәптері, стикер.

Сабақтың барысы:

Ұйымдастыру кезеңі

а) оқушылармен сәлемдесемін, оқу құралдарын түгелдеймін.

ә) Топқа бөлу. Топ ішінде номерленеді.

Итермелеу сатысы.

PowerPoint-тың қандай мүмкіндіктерін білесіңдер? (Идеялар тақтасына жазады)

Топтық ереже құру.

Конструкциялау сатысы.

І. Жанұя тобы.

1. Топ ішінде номерленеді.

2. Топтағы №1 оқушыға - «Презентация құру», №2 оқушыға - «Презентацияны безендіру», №3 оқушыға - «Дыбысты программалау» тақырыбында мәтіндер таратылады.

3. Мәтін «түртіп алу жүйесі» бойынша оқылады.

ІІ. Жұмысшы тобына топтасады.

Мәтіннің мазмұны айтылады.

Талқылау картасына жазады.

ІІІ. Жанұя тобы.

1. Топ ішінде талқылайды.

2. Әр топтағы бір оқушыға стикер парағы жапсырылады.

3. Топтан стикер парағы жапсырылған оқушы жауап береді.

Нұсқалау сатысы.

Компьютерде таратылған мәтін бойынша практикалық жұмыс орындайды.

Бағалау.

Саусақтармен белгі.(Басбармақ жоғары қарап тұрса – өте жақсы, оңға немесе солға қарап тұрса – жақсы, төмен тұрса - орташа)

Бүгін мен бәрін түсіндім?

Мен сенімсізбін?

Маған сабақ ұнады?

Менің бүгінгі бағам?

Кері әсер парағы.

Суретте берілген оқушыдан өзіңді белгіле.