Гүлдер, гүлдер, әсем гүлдер тақырыбындағы ашық сабақ

Білім беру саласы: Таным. Қатынас.

Бөлімі: Экология негіздері.

Тақырыбы: Гүлдер, гүлдер, әсем гүлдер.

Мақсаты: 1. Шалғын гүлдері және гүлзарда өсетін гүлдер туралы түсіндіру.

1. Гүлдерді бостан-босқа жұлуға болмайтындығын айтып, экологиялық түсініктерін дамыту.

2. Табиғатты сүюге баулу.

Қолданылатын көрнекі құралдар: «Гүлдер вальсі» әуені, сынған гүлдің суреті, үлестірмелі материалдар.

Сөздік жұмыс: гүлтәж.

Билингвальды компонент: түймедағы – ромашка, қоңыраугүл – колокольчик.

Оқу іс-әрекетінің кезеңдері

Педагогтің іс-әрекеті

Балалардың

іс-әрекеті

Мотивациялық-қозғаушылық

1. Балалар, бізге біреу асығып келген сияқты. Кәне, қарайықшы?

Педагог сынған гүлді көрсетеді.

– Мен түймедағымын,

Қазір шала тірімін.

Ойнап жүріп балалар,

Таптап кетті, қараңдар!

– Балалар, мына гүлге не болғанын қараңдаршы.

– Шалғындағы гүлді

Жұлып алдым бүгін.

Неге екенін білмеймін,

Тастай салдым бәрін.

– Су құйылған стақанда ол бір күн тұрды, бірақ солып қалды. Ал гүлдер шалғында қаншама күн өсіп тұратын еді.

Қызығушылығын көрсетеді.

– Гүлді сындырып тастаған.

Ұйымдастырушылық-

ізденістік

2. Білімді өзектендіру.

– Балалар, мен сендерге шалғында болған бір оқиға туралы айтып берейін.

Бірде бір топ бала шалғындыққа барады. Шалғындықта көптеген қоңыраугүлдер, түйме­дағы сияқты гүлдер өсіп тұр екен. Балалар «Кім көп гүл жинайды?» ойы­нын ойнайды. Олар жүгірді, секірді, сөйтіп әбден шаршады. Әрқайсысы өздеріне гүлдерден өріп баскиім –гүлтәж жасап, бастарына киді. Бірақ ауыр болған соң гүлтәждерін лақтырып тастады.

Қалай ойлайсыңдар, балалар дұрыс жасады ма?

Неге гүлдерді көп жұлуға болмайды?

Педагогті тыңдайды.

Балалардың әрекеттеріне өздерінің пікірлерін айтады.

Ұйымдастырушылық-ізденістік

3. Билингвальды компонент: түймедағы – ромашка, қоңыраугүл – колокольчик.

4. «Гүлдерді аяқпен баспа!» ойыны. Шарты: педагог еденге қағаздан жасалған гүлдерді жайып тастайды. Балалар гүлдерді баспай арасынан өтулері тиіс.

П.И.Чайковскийдің «Гүлдер вальсі» әуені қойылады.

5. «Ойды аяқта» ойыны. Шарты: педагог бір ойдың басын айтады, балалар оны аяқтайды. Мысалы:

Мен шалғын гүлдерін жақсы көремін, өйткені ...(мен оларды жұлмаймын).

Біздің бақта үнемі әсем гүлдер болу үшін, мен оларды ... (баспаймын).

Аулам әдемі болсын деп, мен ...(анаммен гүл отырғызамын).

Гүлдер аулаға әдемі көрік береді және ... (ауаны тазартады).