Информатика алғырлары тәрбие сағаты 5 сынып

"C.Бекбосынов атындағы орта мектебі" КММ

Мұғалімі: Ибраева Жазира Курметжановна

Күні:14.11.2017ж

Сыныбы:5-8 сынып аралығы

Пәні: Информатика

Тақырыбы: “Информатика алғырлары” /сайыс/

Мақсаты:

Білімділік : Оқушылардың информатика пәнінен алған білімдерін сарапқа салу.

Дамытушылық: Оқушыларды тапқырлыққа баулып, зейінін, ой –өрісін, белсенділігін дамытып, білімге құштарлығын арттыру.

Тәрбиелік: Өз білімдеріне деген сенімділіктерін нығайту, қиындықтарды жеңе білуге тәрбиелеу.

Түрі: сайыс

Барысы:

Жүргізуші: Елбасының «Қазақстан – 2030» стратегиялық жолдауы – егемендіктің кілтін ұстар жастардың жарқын болашағына апарар үлкен сүрлеу. ХХІ ғасырдың білімді, ойлы ұрпақтары, осы жоспарды болашақта іске асырушы, еліміздің экономикасына үлес қосушы жастар деп білемін. Қазақстан болашағы – білімді ұрпағында. Ендеше, болашаққа бүгін де өз үлестеріңді қосып, еңбек еткелі отырған, сол еңбектерін, осы уақытқа дейін информатика пәнінен алған білімдерін ұшқыр ойларымен, шешендік тілмен өрнектеп ортаға салғалы отыр. Сонымен сайысқа қатысушылар, бүгінгі “Информатика алғырлары» атты сайысымызға қош келдіңіздер! Сайыста әрбір айналымнан сүрінбей, ойланып, нақты жауап берген топ қана “Информатика алғырлары” атына ие болады.

Солай,солай, достарым,

Компьютер болсын достарың.

Меңгере алсаң сен оны,

Өмірде озып тосқаның – дей келе.

Сайысымызды бастаймыз!!!

Жүргізуші: Сайысымыз 8 айналымнан тұрады:

1. Таныстыру (Әр топ өзің таныстырады)

2. Бәйге жарысы

3. Жеті жұрттың тілін біл ( полиглот)

4. "Жүйрік болсаң, озып көр"

5. Компьютермен жұмыс

6.Білгенге маржан

7. Кім жылдам?

8.Постер әзірлемесі. "Кітап және компьютер"(арасындағы байланыс)

9. Сөз тапқанға қолқа жоқ

10.Марапаттау

Сайысымызды бастамас бұрын осы сайысымызға әділ төрелігін береді деген үмітпен шақырылған әділ-қазыларды таныстырайын.

Директордың оқу әдістемелік ісі жөніндегі орынбасары-

Директордың оқу ісі жөніндегі орынбасары – Жунусова А.И.

Ал, келіңдер, келіңдер!

Біріңе-бірің еріңдер,

Біліміңді тексеріп,

Ойынға қатысып қөріңдер – дей отырып ортаға сайысқа қатысушы топтарды шақырайық!

1-ші топ Алғырлар тобы

2-ші топ Тапқырлар тобы

Ендеше сайысқа қатысушы топтар өздерін таныстырып өтсе:

1- кезең. Топтарды таныстыру:

1- топ «Алғырлар»Ұрандары: Алғырлар алғаҚарсыластан қалмаБатылдыққа бастаЖарыстардан қашпа!

Топ мүшелері:

Абдоллаева Ә.

Нариманов Б.

Рысқалиқызы Ж.

Қабыкенова А.

Топ басшысы:Абдоллаева Ә.

2- топ ТапқырларҰрандары: Біз тапқырлар тобымызОйланамыз, табамызЖеңіске біз талпынамыз

Топ мүшелері:

Алдажаров Ә.

Әзімханова Е.

Абдоллаева Қ.

Серікқалиева А.

Жанатбек М.

Топ басшысы:

Жүргізуші: Бәйгеге түсіп жарыспай

Жүйріктің бағы жана ма?

Бұл бәйге ойдың бәйгесі

Кім жүйрік ойға, сол алда –дей отырып, Бәйге кезеңін бастаймыз.

Оқушылар берілген сұрақтарға тез жауап беруі керек, әр дұрыс жауапқа 1 ұпайдан алады. Жауап жоқ болса, «келесі» деп айтуы керек.

2. Бәйге жарысы:

1)Лездік сұрақтары ««Алғырлар»» тобына:

1. Белгілі бір атпен сақталатын ақпараттар жиыны. (файл)

2. Windows-та өшірілген файлдар қайда жіберіледі? (себет)

3. Ақпараттық процестерді зерттейтін ғылым (информатика)

4. Компьютердің басты бөлігі, миы (процессор)

5. Алгоритм атауы кімнің есімімен байланысты? / араб математигі Әл-Хорезми/

6. Монитор мен адамның арақашықтығы неше см? (60-70)

7. 1М байтта қанша К байт бар? (1024).

8. Буып-түйілген файл (архив)

9. Енгізу пернесі? (enter)

10. Экранда жыпылықтап тұратын тік сызықша (курсор)

11. Пернетақтада қанша функионалдық перне бар? (12)

12. Сол жақтан бір символды өшіру үшін қандай перне қолданылады? (Backspace)

13. Қағаздағы көріністі экранға түсіруші? (сканер)

14.Paint қандай редактор (графикалық)

15. Компакт дискіні оқуға арналған құрылғы? (CD-ROM)

2) Лездік сұрақтары «Тапқырлар» тобына:

1. Файлдар жиыны. (папка)

2. Мәтінмен жұмыс істеуге арналған MicrosoftOffice-тің құрамына кіретін программа. (MS Word)

3. Вирустың кері әсерін жоятын программа. (антивирус)

4. Сандардың аталу және жазылу әдісін не деп атайды? (санау жүйесі)

5.Ақпараттық процестерді жүзеге асыратын негізгі құрал? (компьютер)

6. Бір-бірімен байланыстырылған компьютерлер тізбегі, жиыны. (желі)

7. Windows сөзінің аудармасы (терезе)

8. Сегіз биттен тұратын өлшем бірлік (байт)

9. Компьютерлік алфавит символдарының кез келген тізбегі (мәтін)

10. Мазмұндық мәні бойынша топтасқан тізбектелген қатар. (абзац)

11. Оң жақтан бір символды өшіру үшін қандай перне қолданылады? (Delete)

12. Дүниежүзілік ғаламдық тор. (интернет)

13. ЭЕМ-нің дамуы неше буыннан тұрады? (5)

14. Word Pad қандай редактор? (мәтіндік редактор)

15. Әр түрлі амалдар бойынша мәтіндік құжаттардың көркемделуін қалай атайды? (пішімдеу)