Информатикадан Дарабоз сайыс сабағы 5 сынып

Сынып мерзімі ______________

Сабақтың тақырыбы: «Информатика дарабозы»

Сабақтың мақсаты:

Білімділік: оқушылардың информатика пәніне деген қызығушылықтарын арттыру, танымдық іс - әрекеті мен ақпараттық мәдениетін қалыптастыру.

Дамытушылық: ойлау қабілеттерін дамыту, сөз мәдениетін жетілдіру, шығармашылық ізденістерін арттыру.

Тәрбиелік: өз білімдерін дамытуға, бір – бірін құрметтеуге, информатика тарихын білуге тәрбиелеу.

Сабақтың типі: Сыныптан тыс жұмыс.

Сабақтың түрі: сайыс сабақ

Жабдықталуы: Компьютерлер, интерактивті тақта, тапсырмалар, викториналық сұрақтар.

Көрнекілігі: Слайд презентация, кеспеқағаздар.

Пәнаралық байланыс: ағылшынтілі, қазақтілі, математика, орыстілі.

Сабақтың өту барысы:

І. Ұйымдастыру.

1. Қазыларды сайлау

2. Ойын жоспарын таныстыру.

3. Жетон арқылы оқушы тандау.

10 оқушыға дейін. (алғашқы 1-10 дейінгі сандар алған оқушылар ойынға қатысушылар).

Жарыс кезеңдері:

І. “Ғажайып алаң” (Сайыскерлерге 12 сұрақ қойылады. Дұрыс жауапқа таңдаған ұяшыққа байланысты ұпай беріледі).

ІІ. “Полиглот” (Жұмбақталып 10 жасырын сөз оқылады. Сол сөзді тауып қазақ, орыс, ағылшын тілдерінде айтқан оқушыға 30 ұпай, ал екітілде айтса 20 ұпай, біртілде айтса 10 ұпай).

ІІІ. “Логикалық тапсырмалар” (Логикалық есептер беріледі, дұрыс жауапқа 10 ұпай).

ІV. “Анаграмма” (Дұрыс жауапқа 5 ұпай).

VII. Марапаттау.

Қазы алқасын сайлау. Жүргізуші: Құрметті ұстаздар мен оқушылар! «Информатика дарабозы» атты сайысымызға қошкелдіңіздер!

Компьютер – сенің көмекшің

Қаламың, әрі қағазың!

Керек емес демессің,

Аздаған болса хабарың.

Үйрену керек бәрін де – Ақпараттық заманың! – дей келе «Информатика дарабозы» атты ойынымызға қатысушыларды қошеметтейік. Енді қазір алдарыңызға жере бетасталды, барлығымыз бір-бір жеребе алайық. 1-10 дейінгі сандары бар жеребе алған оқушылар сайысқа қатысушылар. Ал қалған оқушылар артқы орындарға жайғаса беріңіздер.

Мәңгі бақи есте қалар,

Қызықты бір жиын болсын

Білімдірек шәкірт озар,

Сұрақтары қиын болсын – дей отырып, ойынымыздың «Ғажайып алаң» деп аталатын І кезеңін бастайық. Бұл бөлімде ойыншыларға сұрақтар қойылады. Жауап нақты, тез болу керек. Қай оқушы қолындағы жалаушаны бірінші көтереді, сол ойыншы жауап береді. Әр дұрыс жауапқа 10 ұпай беріледі.

1. Ақпараттың нешетүрі бар? (5 түрі бар)

2. Ақпараттық процестерді атаңыз. (сақтау, өңдеу, жеткізу).

3. Компьютердің негізгі құрылғыларына не жатады? (жүйелік блок, монитор, пернетақта, тышқан).

4. «Ақпарат» сөзі латынның қандай сөзінен шыққан? (informatio)

5. Пернетақтаның неше пернесі бар? (104 пернесі бар)

6. Алғашқы есептеу құрылғысы? (саусақтар)

7. Компьютердің миы. (процессор)

8. Жалпы желіге қосылу үшін қажетті құрылғы (Модем)

9. Адам мен компьютер арасындағықарым – қатынас (Интерфейс)

10. Вирустың кері әсерін жоятын программа (Антивирус)

11. Paint қандай редактор? (Графикалық редактор)

12. Информатика кабинетіндегі қауіпсіздік ережелерін ата?

Ұпайы аз 3-оқушы оқушыға «Ойын да жеңілсеңіз де, өмірде жеңілмеңіздер» - деп шығарып салайық.