Интеграция тақырыбындағы өзін-өзі тану презентациясы 7 сынып

Тақырыбы: «Сүйіспеншілік-жолындағы өмір »

Дайындаған: Кулмурзаева Нурсулу

ө зін – өзі тану пәнінің мұғалімі

Жезқазған қаласы-2019жыл

Өзін-өзі тану сабақ жоспары

Мектеп: №8 гимназиясы

Мерзiм: 19.02.2019ж

Мұғалiм: Кулмурзаева Н.О

Сынып: 7 “Г”

Оқушылар саны: 19

Тақырып: «Сүйіспеншілік-жолындағы өмір»

Құндылық: Ақиқат

Қасиеттер: сүйіспеншілік, адалдық, сенімділік, қайсарлық, жігерлік

Сабақ № 8

Сабақтың мақсаты: Ақиқат құндылығы негізінде тіршіліктің пайда болуы туралы қазіргі көзқарастардың мәнін ашу,оқушыларға сүйіспеншілікпен өмір сүрудің мәнін түсінуге мүмкіндік жасау.

Сабақтың міндеттері:

Қозғалыс ұғымын қалыптастыруды жалғастыру, дененің еркін түсуі, еркін түсу үдеуін шындықпен дәлелдеу арқылы сүйіспеншіліктің адам өміріндегі қажеттілігін ұтүсіндіру;

итальян ғалымы Галилео Галилей негізгі қағидаларының дұрыс екендігі негізінде сенімділігін ,ойы,сөзі,әрекеттерін ізгілекке бағыттай алу білігін дамыту;

Шындыққа, сенімділікке, ізгілікке, жауапкершілікке, еңбексүйгіштікке, ризашылықпен риясыз қызмет етуге тәрбиелеу.

Сабақтың барысы :

Ұйымдастыру кезеңі.

Тыныштық сәті.

Баяу әуенде нұрға бөлену. Ыңғайланып отырыңыздар, денелеріңізді түзу ұстаңыздар. Аяқ-қолыңызды айқастырмаңыз. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін.

Елестетіп көріңіз: күн Нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі Нұрдан баяу ашылып келеді. Балғын және таза әсем гүл сіздің әр ойыңызды, әр сезіміңізді, көңіл-күйіңіз бен тілек-қалауыңызды шайып, жүрегіңіздің қауызын ашты.

Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы Нұрды қолдарыңызға түсіріңіз. Сіздің қолдарыңыз Нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Нұр аяқтарыңызға тарады. Аяқтарыңыз Нұр сәулесін шашуда. Олар сізді тек жақсылық жасау үшін жақсы жерлерге апарады. Олар Нұр мен махаббат құралына айналды.

Одан әрі Нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көзімізге де жетті, көзіміз тек жақсыға қарап, бәрінен жақсылықты ғана көреді. Сіздің басыңыз түгелдей Нұрға бөленіп, басыңызға тек ізгі, сәулелі ой келеді.

Нұр бірте-бірте шұғылана бастайды, сіздің денеңізден шығып, жан-жағыңызға сәуле шашады. Осы Нұрды туысқандарыңызға, мұғалімдеріңізге, достарыңызға, таныстарыңызға бағыттаңыз. Нұрды уақытша түсініспей, ренжісіп жүрген адамдарға да бағыттаңыз, олардың да жүрегі Нұрға толсын.

Осы Нұр бүкіл әлемге: барлық адамдарға, жан-жануарларға, өсімдіктерге, барлық тірі жанға таралсын... Ғаламның барлық түпкір-түпкіріне Нұр бағыттаңыз. Ойша айтыңыз: «Мен Нұрлымын... Нұр менің ішімде... Мен Нұрмын».

Осындай Нұр, Махаббат және Тыныштық күйінде отыра тұрыңыз...

Енді осы Нұрды жүрегіңізге орналастырыңыз. Нұрға толы бүкіл әлем сіздің жүрегіңізде. Оны осындай әсем қалыпта сақтаңыз.

Жаймен көзіңізді ашуға болады. Рахмет.

Сұрақтар:

1. Қандай күйде болдыңыздар?

2. Жаттығу қалай әсер етті?

Ой қорыту:

- Олай болса, оқушылар, дұрыс әрекетті пайдалана отырып, сүйіспеншілік пен ішкі тыныштық күйімізді сақтап қалайық.

2.Үй тапсырмасын тексеру.

Оқулықтағы .Түзусызықты теңайнымалы қозғалыс кезіндегі жылдамдық және орын ауыстыру. 15-18 беттегі

Сұрақтар:

Теңүдемелі қозғалыс жылдамдығы графигінің бірқалыпты қозғалыс графигінен айырмашылығы неде?

Теңүдемелі қозғалыстағы дененің кез келген уақыт мезетіндегі жүрген жолын есептеп табу үшін нені білу керек?

Теңүдемелі қозғалыс жолының формуласын қорытып шығарыңдар.

Теңүдемелі қозғалыс жылдамдығы проекциясының графигі бойынша дененің орын ауыстыруы проекциясын қалай табуға болады?

Үйге берілген есептердің шығарылуын тексеру

3.Дәйексөз.

« Шындығы бар жерді мекен ет»

Әл-Фараби.

Мұғалімнің түсіндіруі:

Адамның көкейіндегі ізгі ниет, болашақтан күтер үміт, алға қойған мақсат шындық айту арқылы арманына жете алады. Адамның арманы сұлулығы нәзіктік, сезімталдық, мейірімділікке байланысты болады. Әр адамның өзіндік арманы бар. Бірақ ол жан сұлулығына байланысты.

Дәйек сөзді талдау.

Мұғалімнің сұрақтары:

1. Шындығы бар жерді мекен ет нақыл сөзін қалай түсінесіздер?

2. Амалсыз өтірік айтуға мәжбүр болған сәттер болды ма?

3.Өз бойларыңнан ақиқат іздеген кездерің болды ма? Болса мысал келтірейік. Түйіндеме: Әр адам шындық айтуға дағдылану керек. Арман адамға күш береді, ақыл-ойына көбірек жүгінген адам ғана жақсы өмір сүре алады.Ол шынайы сұлулық деп білімге, ізгілікке және әдемілікке ие болу деп түсінді. Білім, мейірбандық, сұлулық үшеуінің бірлігі болған жерде шындық болады деп ойлаймын.

4.Жаңа сабақты түсіндіру.

$ 6. Дененің еркін түсуі. Еркін түсу үдеуі

Ауасыз кеңістікте барлық денелер бірдей уақытта түседі

Бұл тұжырымды итальян ғалымы Галилео Галилей жасаған болатын. Ортаның кедергісі болмаған кездегі денелердің түсуі еркін түсу деп аталады. Галилей өз ұйғарымын денелерді ауасыз кеңістікте түсіріп тексере…