Интеллектуалдық ойынға арналған ашық сабақ, 1 сынып

Интеллектуалды ойын.

Тақырыбы: «Мерген» интеллектуалды ойын.

Мақсаты: Дарынды оқушылармен жұмыс жасауда ақпараттық технологияның мүмкіндігін пайдалана отырып, оқушылардың танымдық, ақпараттық құзыреттілігін қалыптастыру.

Барысы:

Сәлематсыздар ма, құрметті ұстаздар, оқушылар!

«Мерген» интеллектуалды сайысына қош келдіңіздер! Сайысқа қатысты оқушыларды таныстыру.

«Мергеннің өзі де мерген, қолы да мерген болуы керек» дегендей, бүгінгі сайыста сендер өз мергендеріңді танытасыңдар. Сайыс барысында сендердің білімдеріңді, яғни мергендіктеріңді саралап, төрелігін айтатын, әділ баға беретін, әділқазы алқасын таныстырайын.

Сайыс бес кезеңнен тұрады:

кезең: «Нысананы көздеу»

Алдарыңызда үш алаң тұр.

Қызыл алаң- «Ұлылар ұлағаты», бұнда ұлы адамдар туралы білгендеріңді ортаға саласыңдар.

Көк алаң- «Тапқыр болсаң, шешіп көр». Өз еліміз туралы білімдерің сарапқа салынады.

Жасыл алаң- бұл ерекше алаң,«Айгөлек» біздің досымыз деп аталады.

Әр оқушы өзі қалаған нысананы көздей отырып, нысанада берілген ұпайға сәйкес сұрақтарға жауап береді. Ұпай саны сртқан сайын, ондағы сұрақтар да күрделене түседі.

Ескерту: бірінші кезеңде өз қанжығасына аз ұпай жинаған оқушы сайыстан шығарылады. Сондықтан ұпайды көп жинауымыз қажет.

Сайыскерлер, сендерге сәттілік тілеймін.

Қызыл алаң. 1- сұрақ-10

Ұлы Абайды әлемге танытқан жазушының есімі кім? (М.Әуезов)

2-сұрақ-20

Қазақтың аса көрнекті «Жаман тымақ», «Ақ білек» кітаптарының авторын ата. Қартқожа атты кейіпкері бар жазушының есімі. (Ж. Аймауытов )

3-сұрақ-30

Таулардан өзен ағар сарқыраған,

Айнадай сәуле беріп жарқыраған.

Жел соқса, ыстық соқса бір қалыпты,

Аралап таумен тасты арқыраған.

Бұл үзінді қай өлең жолынан алынған, авторы кім?

Көк алаң. 1-сұрақ-10

Суретте берілген қала Қазақстанның қай өзенінің жанында орналасқан? (Есіл)

2-сұрақ-20

Каспийдің тірі алтынын ата. (Бекіре)

3-Сұрақ-30

Қазақстанның оңтүстік-шығысында тұйық көл. Аумағы жағынан КАспий, Арал теңізінен кейін үшінші орында. Оның батыс бөлігі тұзды болса, шығыс бөлігі тұщы су. Бұл қай көл? (Балқаш)

Жасыл алаң. 1-сұрақ-10

Үш түйеқұс ұшып бара жатыр. Аңшы біреуін атып алды. Нешеуі қалды? (Тұйеқұс ұшпайды)

2-сұрақ-20

Бұл кім? (суретпен жұмыс)

3-сұрақ-30

Мозайка алты бөліктен құрастырылған. Сендер бір бөлігін ала отырып жасырылған суретті табуларың керек.

2-кезең. «Сөз мергені»