Интернеттің пайдасы мен зияны туралы материал

Тақырыбы: Интернеттің пайдасы мен зияны

Мақсаты : Бүкіләлемдік өрмек – интернетке байланысты тәрбиеленушілердің білімдерін нығайту, тиянақтау; интернет туралы толық ой қалыптастыру, тәрбиеленушілердің тапқырлық, ізденімпаздық қасиеттерін қалыптастыру, шығармашылыққа баулу, пәнге қызығушылығын арттыру; өз ойларын тиянақты жете айта біліп, сахнада өздерін сабырлы әрі тәртіпті ұстауды ескеріп, қарсыластарын тыңдай білуге тәрбиелеу;

Кіріспе:

Осыдан біраз жыл бұрын бұл біздер үшін аса танымал емес термин болатын. Ал, қазір? Ол өмірдің ажырамас бөлшегіне айналғандай. Бірі бар керекті желіден жүктейді. Енді бірі белгілі бір мәселе туралы пікірлер тоғыстыратын алаңға айналдырса, енді бірі ішіндегісін бүкпесіз «ақтара» салатын сырласы ретінде таниды. Ал, тағы бірі интернеттен табыс көзін тауып, кәсібін дөңгелентуде. Сонымен, интернет атты шырмауық шынымен де қоғамдық қажеттілік пе, әлде жаңа дәуірмен бірге келген желік пе?

Сіз не дейсіз?

психолог:

«Онлайн» өмірдің олқылығы көп»

– Әлеуметтік желі – бүгінгі күннің проблемасы. Себебі, ол ең бірінші уақытын босқа өткізуге жетелеп, адамның ойлау логикасы мен шешім қабылдауын тежейді. Толассыз ақпараттарды тез шолып шығамын деп, мәселелерге атүсті қарауға үйрене бастайды. Статистика бойынша, желі қолданушыларының тек 20 пайызы ғана көлемді жарияланымдарды соңына дейін оқып, ой түйіндейді, мәселе туралы терең толғанады екен.

Әлеуметтік желі виртуалды өмірден алыстатып, адамды тұйықтыққа бейімдейді. «Онлайн» өмір адамдардың құпиялылығын жоққа шығарады. Не ойлап, не кигенін, не жеп, қайда барғанын жалпақ жұртқа жариялап отырған адамдар «іштегіні сыртқа шашпа» деген қазақы ұстанымымызды тіпті білмейтін секілді. Сондай-ақ, қазіргі күні қайда барсақ та, байқап жүрміз, тіпті, той, қонақтықтарда да ересек адамдар телефоннан бас алмайды. Адамдар арасындағы қарым-қатынас үзіліп, өзара әңгімелесуден де қалып бара жатқандай. Осының барлығы телефонға тәуелділікті, желі жетегінде кету дегенді білдіреді. Ал, бұлардың бізге берер пайдасынан зияны көп екенін естен шығармайық!

отбасылық дәрігер:

Жас ағзаны уламаған жөн

– Компьютер мен телефонға ұзақ қарау – денсаулыққа зиян. Интернетке кетірген уақытты спортпен айналысу, жүгіру, турникке тартылуға арнаса, тіпті болмаса, таза ауада жүруге жұмсаса, қандай жақсы болар еді. Кіп-кішкентай баланы да алдандыру үшін қолына телефон ұстатып қоямыз. Ол бүкшиген күйі немесе көзіне тым жақын ұстап қарап отырса да, «тыныш отырса болды» деген желеумен, қолындағысын алуға асықпаймыз.

Сондай-ақ, осы күні адамдар тамақ ішіп отырғанда да қолынан ұялы телефонын тастамайды. Экранның арғы жағындағы қызыл-жасыл әлемнен құр қалмай, толассыз ақпараттарды тез сіңіру үшін жанталасады да, алдында тұрған тамақтың дәмін, түрін тіпті сезбей қалуы мүмкін. Бұл да – интернеттің ағзаға кері әсерінің бір көрінісі.

Қалай десек те, әлеуметтік желілер – бүгінгі заманның бір бөлшегі, біз одан бөлек ажырап, түбегейлі бас тарта алмаймыз. Тек, мүмкіндігінше кішкентай балаларға қолдануға шектеу қойып, өзіміз де тек керекті ақпаратты ғана алуды білсек екен.

теолог:

Бұл жерде білім берілмейді…

– Қазіргі таңда қоғамдық мәселелерді ел назарына ұсынуда, билік тарапына жеткізуде әлеуметтік желінің белсенділігі артып келе жатқаны рас, оны мойындау керек. Бір мәселе, желіде біреуді кемсіту, оны ғайбаттау, көпшілік алдына жариялауға келмейтін суреттер арқылы өзгенің иманын әлсірету, жазбалар арқылы шаңырақтың шайқалуына түрткі болу – адамгершілікке де, шариғатқа да сай келмейтін әрекеттер.Бұл тұстағы басты мәселе жас балаларды көбірек сақтау керек. Өйткені, әлеуметтік желі ешқандай білім бермейді. Ол тек қана мәлімет беруі мүмкін. Сондықтан, жастарды оған көзсіз еліктеуін тыю керек деп ойлаймын. Ал, үлкендер бір-бірімен хабар алысып, әлеуметтік байланыс жасау үшін ғана пайдаланғаны жөн секілді.

Жалпы, желіге тіркелу, оған уақыт арнау өз орнымен, өз шегімен, өз мөлшерімен болса, пайдалы. Ал, шектен шықса, пайдасыз ғана емес, тіптен зиян.

Ата ана:

Балаға ата-анасы үлгі болуы керек

– Менің балалармен үйде отырғандықтан бос уақытым көптеу. Әлеуметтік желілерді қолданамын. Кейбірінен тағам дайындау, киім тігу, қыздарыма сәндік бұйымдар жасауды үйренсем, желідегі кей топтардан кез келген сұрақтарға жауап аламын, білмегендерімді сұраймын. «Инстаграмнан» әнші-жұлдыздардың өмірін қызықтаймын.

Бірақ, балаларыма телефон ұстатпаймын. Үйде «вай-фай» да жоқ. Олар мектепке айфон алып баратын, ішкен-жегенін «инстаграмға» салып, лайк жинайтындар қатарынан емес. 5-6 сынып оқитын үлкен қыздарым менің аккаунтыммен кіріп, «инстаграм» қарайды. Құрбыларына лайк басып, олардың барған жерлеріне тамсанып, киген киімдерін айтып отырады. Меніңше, бұл жердегі басты мәселе – ата-ана тәрбиесінде. Қатардан қалдырмайын деп, қымбат телефон беріп, желіде сағаттап отыруын бақыламаудың соңы қайғылы жағдайға соқтыратынын естіп, біліп жүрміз. Сондықтан, балаға ең бірінші ата-анасы үлгі болуы керек. Жұмыстан келе сала, көзі ұйқыға кеткенше телефонға үңілу дұрыс емес екенін өз істері арқылы көрсете білуі керек.

әлеуметтік желінің белсенді қолданушысы:

Өмірімді интернетсіз елестете алмаймын

– Менің «Инстаграм» желісінде tort_atyrau_aiko аккаунтына тіркеліп, жеке кәсібімді бастағаныма үш жылдан астам уақыт өтіпті. Қазіргі таңда өмірімді интернетсіз елестете алмаймын. Өзім дайындаған кондитерлік тағамдарымды, торттарымды жарнамалау арқылы табыс тауып отырмын.

Өмірімнің басым бөлігін интернетке арнаймын, күндіз-түні ғаламтор шарлаумен отырамын деп айта алмаймын. Бірақ, өзге де желілерге тіркелгенмін. Айналамдағы болып жатқан жаңалықтарды, ең алдымен, осы жерден аламын. Желіге тіркелген кондитерлік топтардан өз біліктілігімді арттырамын.

Мен үшін желінің тағы бір рөлі – байланыс құралы. «Мессенджер» немесе «Ватсапп» арқылы барлық мәселені тез шешіп алуға болады. Сонысымен де құнды. Әзірше, мен үшін әлеуметтік желінің келеңсіз тұстары кездескен емес.

Қорытынды:

Қалай десек те, әлеуметтік желіден біз еш ажырай алмаймыз. Ол – бүгінгі күннің бір бөлшегі. Тек «лайк» үшін лайықты тірлік жасамаса да, көпшіліктің назарына зәру болып телефонға телмірген, интернетпен таңын атырып, кешін батыратын «әлеуметтік мүгедек» болудан сақ болғайсыз!

Тақырыбы: Қазақстанның жеті кереметі

Мақсаты: Тәрбиеденушілерді Қазақстанның тарихи мұраларымен таныстырып, мәдениетке деген қызығушылығын арттырып, Елін ,жерін құрметтеуге тәрбиелеу.

Кіріспе: Таңбалы тас суреттері Қола дәуірінің тасқа салынған суреттері көрген адамды таң қалдырады. Ертедегі адамдар күнге күйген жылтыр тау жартастарына жануарларды, адамдарды, арбаларды, соғыс көріністерін қашап салды. Бұл адамзаттың рухани мәдениетін, анық дүниетанымын білдіретін аса маңызды деректер жиынтығы саналады. Қазақстан жартастағы суреттер, петроглифтердің саны және әр алуандағы жөнінен әлемдегі ең бай жерлердің бірі Тамғалы жартастағы таңғажайып суреттерді археологтеріміз әбден зерттеді. Нәтижесінде олар дүниежүзі мәдениетінің қазыналы қорына қосылды. Ол суреттерде ежелгі адамдардың өмірі, көне тайпалардың салт-дәстүрі, діни нанымдары, аңшылық пен соғыс існе байланысты бейнелер бейнеленген. Алматы обылысындағы таңбалы тас суреттері - бүкіл әлемдік мәдени жәдігерлер қатарында.

Қазақтың жеті кереметі.

1. Таңбалы тас суреттері

1. Таңбалы тас суреттер

2. Алтын адам

2.Алтын Адам

3. Қазақтың киіз үйі

3.Қазақтың киіз үйі

4. Домбыра

4.Домбыра

5. Ясауи кесенесі

5.Иассауи кесенесі

6. Маңғыстау жерасты мешіті

6.Маңғыстау жерасты мешіті

7. Астана - Бәйтерек

7.Астана - Бәйтерек

Алтын Адам

1960 жылдардың аяқ кезінде археолог ғалымдар Есік қаласына жақын жердегі обадан «Алтын киімді адамды» тапты. Ол мұнан 2500 жылдай бұрын жерленген жас жігіт екен. Марқұмға кигізілген бас киімнің, етігінің қонышының сыртына алтыннан жасалған түрлі ұсақ аттың, барыстың, таутекенің, құстардың бейнелері жапсырылған. Олардың саны төрт мыңдай Есік қорғанынан табылған олжа бүгінде әлемге әйгілі. Алматыдағы Тәуелсіздік монументіне де негіз болып отыр. Осы күнге дейін сақталып келген Алтын адам да қазақтың жеті кереметіне енді.

Қазақтың киіз үйі

Киіз үй- көптеген ғасырлар бойы Еуразияның ұшы-қиырсыз жазирасын басқарған ежелгі халықтың көшпенді тұрмысы мен өмір салтына мейлінше қолайлы болған баспана түрі. Соңғы қола дәуірінің өзінде-ақ (б.з.д. ІІ мыңжылдық тың соңы - І мыңжылдықтың басы) Еуразия даласында доңғалақ үстіндегі алғашқы жылжымалы тұрғын жайлар пайда бола бастады.Орта ғасырларда платформаларға орнатылған, ондаған жетек малы сүйреткен орасан зор жиналмайтын киіз үй-ордалар кезіп жүрген. Арба үстіндегі тұрғын жай (күйме) - киіз үйлердің осындай салтанатты түрлері Қазақстанда ХҮІІ ғасырға дейін қолданыста болды.

Домбыра

Ендігі сөз қазақ халқының жан сезімі, жан серігі - домбыра туралы. Домбыра - халық даналығы. Ол халқымыздың өмір тәжірибесі мен табиғат, адам, әлем туралы білімдерін, ескі діни наным-сенімдері мен философиялық көзқарасын бейнелеп, оларды атадан-балаға, ұрпақтан-ұрпаққа жалғастырып отырды. Домбыра - көшпелі елдің көнекөз шежіресі, көпті көрген қарияның көкірек күйі. Ол халықтың тарихи тағдырымен тамырлас. Тарихтың хатқа түспеген талай беттерін паш етіп, халқымыздың тарихнамасына айналады. Ғалымдар осыдан кемінде 2 мың жыл бұрынғы бейнелердегі қос шекті аспаптың қазақ домбырасыме ұқсастығын айта келіп, оның Қазақстан жеріндегі байырғы көшпелілер арасында ең көп тараған аспапты бірі болғандығын дәлелдейді. Домбыра дәстүрінің дамуы ХІХ ғасырда шарықтау шыңына жетті. Мәдениетіміздің дәстүрінде көптеген кәсіби күйші-композиторлар қалыптасып, күйшілік дәстүр көптеген мектептерге бөлінді. Бұл күйші-композиторлар өзіндік стильдік ерекшелігімен, қағыс техникасымен, музыкалық тілімен, орындау шеберлігімен оқшауланып, өнерімізде жарқын із қалдырды. Домбыра - әр дәуірде мәдениетімізде дарынды тұлғалардың дүниеге келуіне мүмкүндік туғызды. Сондықтан, домбыра да қазақтың жеті кереметі қатарында.

Ясауи кесенесі

Түркістан - Орта Азия мен Қазақстан халықтарының материалдық және рухани өмірінде маңызды орын алған Шығыстың көне қалаларының бірі. 1500 жылдығын тойлап өткен Түркістан - руханият ордасы, оған ерекше мәртебе беру қажет. Бірақ бүгінгі сөзіміз Қ. А. Иассауи ғимараты туралы. Ахмет Иассауи Оңтүстік Қазақстанның Сайрам (бұрынғы Испиджаб) қаласында 1103 жылы дүниеге келген. Ол алғаш білімді жергілікті дінбасы Арыстан бабтан алады. Өзінің ана тілінен басқа арабша және парсыша сөйлей білген. Қыпшақ, қаңлы, қоңырат және көне түркі тайпалары арасында Ислам дінін уағыздаушы Ахмет Иассауиді рухани басшы санаған халық оны «Әулие ата» атап кеткен. Қожа Ахмет- өз өмірінде ақ өлеңмен жазылған көп хикметтерді дүниеге келтірген пәлсапашыл ақын. Біздің қолымызға жеткен екі жүзден асатын хикметі бар. 63 жасынан бастап, соңғы 12 жылын ол жер астында жатып, күн сәулесін көрмей өткізді. Бүкіл Шығысқа әмірін жүргізген атақты қолбасшы Ақсақ Темір далалықтар мен қалалықтар қосылып пір тұтатын, күніне жүз мәртебе тағызым етіп, мінәжат қылатын Қожа Ахметке зәуілім ескерткіш тұрғызуды қолға алды. Ескерткіш құрылысын Темір қарамағында игі істермен көрінген Мәулен Ұбайдулла Садырға жүктейді. Кесене нақты әрі га

Маңғыстау жерасты мешіті

Бекет Ата жер асты мешіті- Оңтүстік Үстірттің Маңғыстау ойысына тірелген тұмсығының үзіліп қалған Оғыланды шоқысына қашалған тарихи-сәулет ескерткіші. Үш - төрт қанат киіз үйдің көлеміндей үш бөлме. Дерекке сүйенсек, Бекет ата 1750 жылы туылып, емші, көріпкел ғана емес, физика, математика, астрономия заңдылықтарын жақсы білген ғұлама ретінде аты танылған. Бұхарада оқып, ілім жинаған соң, өз өңіріне қайта келіп, бес мешіт салдырады. Жергілікті дін ғұламаларының арасында атақ-даңқы өсіп, Пір атанады. Пайғамбар жасында дүние салады. Бекет атаның мүрдесі осы…