Ислам діні ұлтымыздың рухани негізі, 10-сынып семинары

Семинардың мақсаты:Негізгі діндер мен конфессиялардың пайда болу тарихынан және олардың қазіргі уақытта қоғамыздағы таралуынан мағлұмат беру.Діндердің қызметтерінің негіздерін ашып көрсете отырып қатысушылардың дүниетанымын кеңейту, діннің құрылымы негізінде қоғамдағы діни ағымдарды ажыратып ой-өрістеріне, сана сезімдеріне т. б қабілеттерді жастардың бойына сіңіру.діннің қызметімен таныстыра отырып, діни салауаттылығын көтеру арқылы рухани-адамгершілік қасиеттерге баулу.

Соңғы жылдары лаңкестіктің бір түрі – діни экстремизм кеңінен таралуда. Діни ұйымдар басқа мемлекеттің сыртқы және ішкі саясатына, адамдардың психологиясына әсер етуде, қауіпті сипат алып келеді. Оның қауіптілігі сол, діни экстремистік ұйымдар қандай да бір елдегі қалыптасқан тәртіпті бұзуға әрекет жасайды және бұл істе өзінің қатарына жастарды тартуы. Елбасымыз халыққа жолдауында айтылғандай:«Ұлттық қауіпсіздік» Тәуелсіз мемлекетіміздің өмір сүруінің басты кепілдігі болса, оны қорғау әрбір қазақстандықтардың қасиетті борышы болып табылады. Елбасымыз Н. Ә. Назарбаевтың «Дініміз –Ислам, түбіміз –түрік, мәзһабымыз – имам Ағзам» - деген сөзін жаңғыртуымыз керек. «Діни білім – тәрбие бастауы» Дін –адамды туралық пен әдемілікке жетелейтін жол, адам өмірін тәртіпке келтіретін жүйе. Сондықтан да дін тәлім-тәрбиесі әрбір адам үшін пайдалы және қажеттілігін жоймайды.

Мұқағали Мақатаев өлеңінен

Қаймағы бұзылмаған қайран дінім,

Қаймағың быт-шыт болды қайдан бүгін?!

Құбылаға бет алып қол қусырып,

Сәждеге бас қоятын қайда күнім?

Сатпаймын, сатқан емен дінімді мен,

Өлмейтін, өшпейтұғын күнім білем.

Таппайтын күнде тыным, түнде тыным,

Мұсылман Мұхаммедтің үмбетімін.

Мұсылман елдерінде азғындық жолдарға, атап айтқанда ұрлық-қарлық, зиянды заттарды пайдалану, тәртәп-тәрбиесіздік көрсетуге шек қойылған. Қайыршылық жоқ, адамдар бір-бірімен жақсы қарым – қатынас орнатқан. Мұның себебі не? Бұл ислам тәрбиесінің құдіреті, әрі бұл бүкіл әлем мойындап отырған құндылық. Материалдық байлық жаратумен қатар рухани тәрбиеге мән беру қажеттігінің айқын мысалы. Біздің киелі қазақ жерінде осы құндылықтардың бәрі салтанат құрған.

Ислам діні – ұлтымыздың басты рухани және ел болып, тамырымызды тереңге жайуымыздың негізі, ата – бабамыздың ұстанған, қастер тұтқан жолы ретінде құрметке лайық.