Ізгі педагог Абай Құнанбайұлы туралы эссе

Жамбыл обылысы Шу ауданы

Сәкен Сейфуллин атындағы шағын орталықты орта мектебінің

өзін-өзі тану пәнінің мұғалімі: Кемелова Майра Мейрамхановна

Ізгі педагог Абай Құнанбаев

Эссе

«Баламды медресеге біл деп бердім

Оқысын,шен алсын деп бермедім»,-

Абай атамыздың осы сөзі құнын қай кезде де жоғалпақ емес.Өмір бойы оқу,білім, өнерді насихаттап өткені –болашақты алыстан бағдарлағаны .Заманның бір орында тұрмайтыны,білімсіз алға басу мүмкін еместігін барынша айқындаған ақынның басты арманы да, білімді ұрпақтың көбейгені. Өз балаларына барынша терең білім беру мақсатында мүмкіндігін де, қаржысын да аямағаны аян.Ауыл арасында шектеліп қалмай,Омбы,Семей,

Сакт-Петербург қалаларына жіберіп оқытқан.Сондай –ақ өз балаларымен ғана шектеліп қалмай ,басқа кедей-кепшіктің де балаларына мұғалім жалдап сауатын ашқан. Ішінде ерекше зейінділерін өз баласы сияқты сыртқа жіберіп оқытқан.Табиғатынан терең ойлы ақынның басты арманы-білімді ұрпақтың халқына қалтқысыз қызмет етуі еді. Басқа тоғышар байлар сияқты баласының тек жоғары қызметте болуын мақсат етпеді.

Нағыз азамат болып өсу үшін бес нәрсеге асық,бес нәрседен қашық болуын ескертеді.Өзі сияқты «қолын мезгілінен кеш сермеп» өкінішке ұрынбауын барынша ұғындыруға тырысқан.Өзінің оқуға мүмкіндігі болмасада өмір бойы өз бетінше білімін жетілдіріп отырған. Ана тілімен ғана шектелмей ,араб,парсы,орыс тілдерін жетік білуі де сол талпынысының арқасы.Семей кітапханасында айлап, апталап отыратын .Оны бір күні Михаилис атты орыс азаматы байқайды. «Л.Толстойдың романын алып тұрған қандай қазақ»деген таңданыс таныстыққа әкеледі. Ол содан өмірлік достыққа ұласады.

Кітапты талғаммен оқуды үйреткен досына «Дүниеге көзімді ашқан Михаилис» деп баға береді. Бір баласының есімін соның құрметіне қояды.

«Өмірге кірпіш болып қалану» үшін білімнің маңыздылығын баса айтқан . Абайдың төңірегіне өнерпаз жастар өзі –ақ жинақталады.Сөз өнерінің құдіретін сезіне білгендер бірте-бірте ақындық мектебін қалыптастырады.Білім туралы түрлі тақырыптағы әңгімелерді санасына сіңірудің мүмкіндігі молынан туады.Өзінің оқи алған үш жылымен шектеліп қалмай ,өз бетінше оқуының себептерін де түсіндіре отырған.

Болашақ қашан да білімді жастардың қолында екенін қазіргі таңда Елбасымыз да баса айтуда .Соған орай «Болашақ» бағдарламасымен қыруар қаржы бөліп жастарды шетелдерге оқытуда. Еліміздің өркендеп гүлденуіне қаншалықты үлес қосатынын қайталаудан жалыққан емес.