Кабинеттің ашылу сценарийі, тәрбие жұмысына арналған материал

«Атамұра» орталығымен бірлескен «Дәстүрімнің көкжиегі » атты ұлттық жобасын ашу салтанаты

Өтетін орны –№11 ЖОМ

Өтетін күні –13.12.2019 жыл, сағат 11.00

Жүргізуші:

Дәліз салтанатты безендірілген

Ұлттық киімдер киген қыздар

Жүргізуші:

Ата салтым – асыл мұрам, ардағым,

Бабалардың жалғастырар арманын.

Сан ғасырда қалпын бұзбас қадірім,

Өткенімді бүгінменен жалғадым.

Қайырлы күн, қадірменді ақ жаулықты әжелер, қонақтар, ұстаздар, оқушылар! «Атамұра» орталығымен бірлескен «Дәстүрімнің көкжиегі» атты ұлттық жобасының тұсауын кесу рәсіміне кош келіпсіздер.

Жүргізуші: Еліміздің Тұңғыш Президенті Н.Ə. Назарбаев «Қазақстан жолы-2050: Бір мақсат, бір мүдде, бір болашақ" атты жолдауында: „Толық өркениетті ел болу үшін алдымен өз мəдениетімізді, өз тарихымызды бойымызға сіңіріп, содан кейін өзге дүниені игеруге ұмтылғанымыз жөн“, — деп айтқан болатын. Олай болса, басты мақсат- жас ұрпаққа халқымыздың игі дәстүрлерін, ізгі қасиеттерін, инабаттылық, іскерлік дағдыларын , салт-дәстүрлерді бойларына сіңіру, рухани-мəдени мұралар сабақтастығын сақтау.

Жүргізуші:

Ән орындайтын _______________________

Жүргізуші:

Бауырласқан тәніміз

Бұзылмаған антымыз.

Кең даланың ежелгі

Қазақ дейтін халқымыз,

Өзге ұлттай біздің де

Бар дәстүрмен салтымыз.

Қазақ халқында қандай салт –дәстүрлер бар екен? Оқушыларымыздан сұрап көрсек.1-оқушы:

Бесікке салу. Жаңа туған баланы бесікке салу.Бесік қасиетті,киелі,құтты мүлік, сәбидің алтын ұясы болып есептеледі.

2-оқушы:

Қырқынан шығару. Баланың туғанына қырық күн толған соң оны ыдысқа қырық қасық су құйып шомылдырады. Ол сәбидің жан-жүйесінің қалыптасып дені сау болып өсуіне деген ақ тілектен шыққан.

3-оқушы:

Базарлық(дәстүр).Алыссапарға шыққан адамдардың жақындарына әкелген сыйлығы.

4-оқушы:

Байғазы(дәстүр).Балалардың жаңа киім үшін алатын ақшалай,заттай сыйы.

5 оқушы:

Тұсау кесер.Сәби қаз тұрғаннан кейін тез жүріп кетсін деген тілекпен жасалатын ғұрып.

Айтпақшы біздің кеше ғана дүние есігін ашқан сәбиіміз бүгінде жүруге талпынып жүрген тәрізді. Бүгін әжелерімізге сол сәбидің тұсауын кестірсек.

Әжелерге сөз беріледі.

Жолың болсын деселік,

Жолыңа нұр төселік.

Жарылқасын алдыңнан,

Тұсауыңды кеселік,

Кірмеуіңді шешелік,- деп сәбидің тұсауын ала жіппен кеседі.

2- әже: Қаз, қаз балам, қаз балам

Қадам бассаң мәз болам,

Тағы, тағы баса ғой,

Тақымыңды жаза ғой.

Қаз баса ғой қарағым,

Құтты болсын қадамың!