Кәсіпорынның дағдарысқа қарсы инвестициялық стратегиясы

Реферат

Тақырыбы: "Кәсіпорынның дағдарысқа қарсы басқарудағы инвестициялық стратегиясы"

Орындаған: Орынғали Диана

10 класс оқушысы

Тексерген: Өтешова А.Қ.

Ақтөбе, 2016 жыл

Мазмұны

Кіріспе

1. Кәсіпорынның дағдарысқа қарсы басқаруының мәні мен мазмұны

2. Кәсіпорынның инвестициялық стратегиясы және инвестициялық қызметі

Қорытынды

Әдебиеттер тізімі

Кіріспе

ХХ ғасырдың аяғы мен – ХХІ ғасырдың басы еліміздегі саяси және әлеуметтік өміріне қатты өзгерістің кезеңдері болды. Ел, өзінің әлеуметтік экономикалық және институциялық негіздеріндегі терең жүйелік дағдарыс астында қалды. Бірқатар зерттеушілер мен тәжірибиешілер, еліміздің экономикасын осындай күрделі жағдайдан басқарудың сапалы жаңа – «дағдарысқа қарсы басқару» түрі ғана шығара алады деп есептейді. Сонда, тиімді дағдарысқа қарсы басқарудағы қажеттілік, ол ең алдымен әлеуметтік экономикалық тәжірибенің болуында ғана емес.

Заманауи менеджменттің дамуы, зерттеушілерді басқарудың жаңа түрін өндіру мен ойлап табуына алып келеді. Мамандар арасында ерте бастан әлеуметтік экономикалық жүйесінің циклдік дамуы, ұйымның тіршілік циклі, басқарудың бұзылуы, басқару үдерісіндегі ынталандыру әдістемесі мен түрлі амалдардың рөлі, әлеуметтік серіктестік және т.б. секілді мәселелері талқылануда. Осы тектес мәселелердің болуы, оларды естен шығып кетуі немесе шектетілуі көптеген дағдарыс түрлерінінің туындауына алып келуі мүмкін. Басқару ғылымының мақсаты осы құбылыстар арасындағы өзара байланыс пен олардың басқару сапасы мен тиімділігіне әсерін, айқындауға бағытталған шаралар жүйесін қалыптастыру мүмкіншілігін, дағдарысты алдын алу мен төтеп бере алатындығын көрсету.

Қазіргі кезде отандық кәсіпорынның тұрақсыз экономикалық ортада жұмыс істеуіне байланысты өндірістің құлдырауы және дағдарыс жағдайларын, шығындардың көп болуына тап болады. Олардың мұндай жағдайы экономикалық және әлеуметтік тұрақтылық қаупіне итермелейді. Қуатты дұрыс жүктемеу, оларды тиімсіз қолдану экономиканың дамуына кері әсер етеді.

Бірде-бір кәсіпорын инвестициялық ресурстарды жоғалтқан кезде және кәсіпорынның несиелік қарызы асып кеткен жағдайда экономикалық қауіпсіздікті сезіне алмайды. Ұлттық экономиканың барлық саласында кәсіпорындардың банкроттыққа ұшырауының күрт өсуі, экономика секторының қамтитын инвестициялардың күрт қысқаруы, ЖІӨ өсуінің төмендеп кетуі, еңбек өнімділігі, халықтың нақты табысы, жұмыссыздықтың көбейуі, өмір сүру сапасының төмендеп кетуі, саяси кластардың экономикалық және әлеуметтік қарсы тұруға мүмкіндіктерінің жоқтығын көрсетіп отырады.

Қазақстан өзінің даму стратегиясын өтпелі кезеңдегі ауыр өзгерістерден аман алып шығып, болашаққа жаңа қарқынмен аяқ басу жолында. Бірақ, оның барлығы оңайлықпен келетін шаруа емес. Көптеген кәсіпорындар дұрыс ұйымдастырылмаған менеджменттің салдарынан нарық заңдарына төтеп бере алмай, бұрынғы стереотипті ұстанып экономикалық дағдарыстарға ұшырауда. Дағдарыстың негізі қаржылық тұрақтылықтың болмауы. Басқару менеджменті жоқ кәсіпорындарда “төлемқабілетсіздік” ұғымдары кеңінен пайдаланылатын болды.

Қазіргі уақыттағы экономикалық әрекет етушіліктер кәсіпорынның басшыларының айқынсыздық не тұрақсыздық жағдайларында үнемі шешім қабылдауын жүктейді.Көптеген кіші, орта және ірі кәсіпорындардың тек қарапайым уақытша қиындықтарды бастан өткізбей, әртүрлі дағдарыс жағдайларына үнемі кездесіп отырды. Осы жағдайлардың нәтижесінде тұрақсыздық немесе банкроттылық орын алуы мүмкін. Сондықтан осындай басқару әдістері мен формаларын іздеу және кеңінен енгізу мәселелері өзекті болып отыр.

Менің жұмысының мақсаты - кәсіпорынның дағдарысқа қарсы басқаруының мәні мен мазмұнын анықтап және кәсіпорынның инвестициялық стратегиясы мен инвестициялық қызметін зерттеу болып табылады.

1. Кәсіпорынның дағдарысқа қарсы басқаруының мәні мен мазмұны

Нарықтық экономика жағдайында кәсіпорынға қоршаған орта тарапынан көптеген дағдарыс төнуі мүмкін. Бұл дағдарыс бәсекелестік күрестің шиеленісуі, техникалық және бағдарламалық құралдарды заңсыз пайдаланумен, елдегі саяси және экономикалық тұрақтылықтың болмауымен байланысты. Сондықтан, кәсіпорын менеджеріне негізгі қызметінен, яғни кәсіпорынды басқарудан басқа да, дағдарысқа қарсы басқаруды қамтамасыз ету сұрақтары жүктелетіні сөзсіз. Бұл мәселе терең және көп қырлы болғандықтан, біз зерттеу жұмысымызда кәсіпорынның тек экономикалық дағдарысқа қарсы басқарудың қаматамасыз ету сұрақтарына тоқталамыз.

Қаржылық-экономикалық дағдарыстар, әдетте, өнеркәсіп кәсіпорындарға кері әсерін тигізеді: негізгі капитал тозады, еңбек өнімділігі азаяды, жас және білікті мамандар өндірістен кетеді.

Кәсіпорын алдына өзіне тән өндірістік қызметтерді орындауына байланысты өзінің жағдайын бағалау мен болжау сияқты, яғни кәсіпорынға әсер ететін ішкі және сыртқы факторлардан қорғау, қауіптілік индикаторларының мониторингі жүйесін құру, олардың шектерін анықтау, қатерлерге қарсы шаралар қабылдау сынды, өзекті мәселе туады.

Әрбір кәсіпорын үшін өзінің экономикалық дағдарысқа қарсы басқарудың қамтамасыз ету сұрақтары, тек қана дағдарыс жағдайында ғана емес, тұрақты экономикалық ортада да экономикалық дағдарысқа қарсы басқарудың міндеттері өз көкейкестілігін жоймайды.

Кәсіпорын тұрақты қызмет ету жағдайында экономикалық дағдарыстын сұрақтарын шешуде басты көңілді өндірістің және өнім өткізудің қалыпты қарқынын сақтауға, материалдық және қаржылық залалдардың болмауына, ақпараттардың компьютерлік базасының бұзылмауына, теріс пиғылды бәсекені болдырмауға бағыттайды.

Дағдарыс жағдайында кәсіпорын әлуетінің (өндірістік, технологиялық, ғылыми-техникалық және кадрлық ) бұзылуы оның қызметіне қауіп тудырады. Бұл ретте, ұдайы өндіріске мүмкіндік болмай қалады. Кәсіпорында инвестициялардың басты көздері — амортизациялық аударылымдар, таза табыс және қарыз қаражаттары болғандықтан, дағдарыс жағдайында, айтылып кеткен инвестиция көздерінің тартылып қалуы мүмкін. Кәсіпорын әлуетін біртіндеп жаңалау (инновацияларды игеру, тұтыну сапасы артық тауарлар шығару) алдыңғы қатарлы ғылыми-техникалық, конструкторлық, технологиялық және инвестициялық құралдарды игеру арқылы жүргізілетіні белгілі. Ұдайы өндірісте осы құралдарды ұзақ уақыт бойы қолданбау кәсіпорынның дамуын тоқтатады.

Қазақстан Республикасының егемендік алған кезеңінен бастап, «экономикалық дағдарыс» термині елдің құқықтық — нормативті құжаттарынан берік орын алды. Осындай нормативті құжаттардың қатарына ҚР-ның «ҚР-ның Ұлттық қауіпсіздігі туралы» Заңы, ҚР-ның экономикалық қауіпсіздігінің Мемлекеттік стратегиясы жатады. Ұлттық заңдылықта экономикалық дағдарыс талаптары мен түсінігі, біздің ойымыз бойынша, анық көрсетілмегендіктен, біз «экономикалық дағдарыс» түсінігін жан -жақты қарастыруды үйғардық.

ҚР-ның «ҚР-ның Ұлттық қауіпсіздігі туралы «Заңында экономикалық қауіпсіздік «ҚР-ның ұлттық экономикасының тұрақты дамуына және экономикалық тәуелсіздігіне кері әсер ететін үрдістер мен факторлардан, ішкі және сыртқы жағдайлардан қорғалған жағдайы» деп көрсетілген .

Кәсіпорындағы экономикалық дағдарысқа қарсы басқаруын қамтамасыз ету үшін меншікті корпоративті ресурстар пайдаланылады:

Капитал ресурсы;

Персонал ресурсы;

Ақпараттар және технологиялар ресурстары;

Техника және жабдықтар ресурстары;

5. Құқық ресурстары: патенттер, лицензиялар, экспорттық квоталар.