Кел төрлет жаңа жыл мерекесіне арналған сценарий

Тақырыбы: «Жаңа жыл- жаңа жыр»

Мақсаты: «Жаңа жыл» мерекесі туралы түсініктерін қалыптастыру. Мерекелік көңіл- күй ортасын ұйымдастыру. Образдық бейнелерді сомдай білуге үйрету, хормен және жеке ән айту шеберліктерін арттыру. Би қимылдарын қызығушылықпен, ырғақты сақтай білуге үйрету. Ойындар ойнату арқылы балаларды дос бола білуге үйрету.

Жүргізуші: Жаңа жылдың таңы неткен арайлы

Ақ мамыққа бөлеп алды маңайды

Жаңа жылмен құттықтаймын бәріңді

Бақыт, шаттық, молшылық әкелсін

Бәрімізге мына жылы арайлы!

(Әуен ойналып сиқыршы шығады) Сиқыршы: Сәлеметсіңдер ме, балалар! Міне, мен де сіздердің мерекелеріңізге келдім. Сіздерге жетем дегенше, орманнан өтіп бара жатып жолдан кебіс тауып алдым.Балалар! Кім жоғалтып алуы мүмкін? Сіздер маған кебістің иесін табуға көмектесесіздер ме?

Балалар: Иә, көмектесеміз.

Жүргізуші:Мүмкін, балалардың біреуі жоғалтып алған шығар.

Сиқыршы:(балалардың аяғына қарайды)Балалар, сендерге қарасам өнерлі балалар сияқтысыңдар? Кебістің иесі табылғанша сіздер менің көңілімді көтере тұруларыңызды сұраймын.

Жүргізуші:Ия, сиқыршы дұрыс айтасың, расында біздің балалар шетінен өнерлі. Бәріміз бірге сиқыршымен бірге ән айтамыз.

Ән: «Жаңа жыл»

Қане достар тұрмайық,

Қарсалайық жыл басын.

Қызықтан бос қалмайық,

Шырша жыры самғасын.

Қайырмасы:

Ал достарым, келіңдер!

Келді аяз атамыз,

Биді билеп беріңдер.

Шырша жырын айтамыз,

Шырша жырын айтамыз.

Құтты болсын жаңа жыл!

Шыршамыз тұр жараса,

Жанында аяз ата жүр.

Қуанады балаша.

Қайырмасы:

Ал достарым, келіңдер.

Келді аяз атамыз,

Биді билеп беріңдер.

Шырша жырын айтамыз,

Шырша жырын айтамыз.

Сиқыршы: Жарайсыңдар, балалар!

Жүргізуші: Сиқыршы, сіз кебісті орманнан таптың ба? Демек, орманға бару керек. Жол табу керек. Барлық індерді, апандарды қарау керек.Орманға баруымыз керек. (Күтпеген жерден залға қоян секіріп кіріп келеді.)

Жүргізуші:Ой, мынау не? Балалар сіздер танисыздар ма?

Балалар : Мынау, қоян, қоян.

Қоян:Сәлеметсіңдер ме, балалар! Сіздерді «Жаңа жыл» мерекесімен құттықтаймын!

Жаңа жылды сіздермен бірге қарсалуға мен де келдім.

Жүргізуші: Қоян қош келдіңіз!Қоян, сен кебістің екінші сыңарын көрген жоқсың бе?

Қоян:Жоқ, көрген жоқпын.

Жүргізуші:Енді, не істейміз? Қане, балалар, бәріміз бірге билейік. Мүмкін кебістің иесі табылып қалар.

Сиқыршы:Жәрайды билейік.

Би: «Гном».

Сиқыршы:Жәрайсыңдар балалар, жақсылап би биледіңдер. Бірақ кебістің иесі әлі табылған жоқ. Жүргізуші: Мен білемін, біздерге аққала көмектеседі.

Аққала: Сәлеметсіңдер ме , балақайлар! Мен көңілді аққаламын. Ойын-күлкі алып келдім. Бақыт, қуаныш сыйлаймын. Мықты денсаулық сыйлаймын!

Жүргізуші:Қош келдің, Аққала! Біздің басымызға қиындық түсіп, көмек керек. Кебістің бір сыңары жоқ.

Аққала: Мен сендерге көмектесемін, бірақ орманға барар жолды қар басып қалыпты, алдымен жолды қардан тазалап алуымыз керек.Қане, іске кіріселік.

Ойын: «Жолды қардан тазалаймыз»

Шарты:Балалар күрекке қарды салу арқылы, себетке апарып төгу.