Кел жаңа жыл жаңа жыл мерекелік ертеңгілігі

Кел, Жаңа жыл, жаңа жыл!

Музыка. Сахнаға 2 жүргізуші шығады.

1-жүргізуші:

Уа, халайық жарандар,

Айналаға қараңдар!

Жаңа жылдық бұл тойын,

Салтанатқа санаңдар.

Қызық көріп, шат болып,

Шаттық күліп тараңдар.

2-жүргізуші: Сәлеметсіздер ме, Құрметті ұстаздар, оқушылар, ата-аналар! Біз сіздерді Жаңа 2017 ит жылымен құттықтаймыз. Сіздерге жаңа жылда, жаңа табыс, бақыт тілейміз.

1-жүргізуші: Бүгінгі жаңа жыл мерекесін көтеріңкі көңіл-күймен, әсем ән, сәнді бимен өткізуге ат салысайық.

2-жүргізуші: Олай болса, баршамызға береке сыйлар мерекелі кешіміздің шымылдығын ашуға рұқсат етіңіздер! Шырша шамын жағу құрметіне Отарбаева Назымды Рысжан әжесімен ортаға шақырамыз.

1-жүргізуші:

Келді, келді жаңа жыл

Қуана қарсы аламыз

Қол соғады дала, қар

Билейміз, ән саламыз.

Ит жылы баршаңды

Кенелтсін зор бақытқа,

Білмеңдер бүгін шаршауды

Бөленіңдер шаттыққа

Сахнаға жаңа-жылдық думанның шымылдығын ашқалы отырған 1–класс оқушысы Әлібаева Еркежанды «Жаңа жыл» әнімен ортаға шақырамыз. Қошеметтеріңіз!

2-жүргізуші: Сандуғаш бүгінгі көңілді кештің алғашқы ақ тілегін мектеп директоры Айбек ағайдан сұрасақ. Айбек ағай, келе жатқан жаңа-жылға айтар тілегіңіз?

1-жүргізуші: Құндызай сен үшін өткен жыл несімен қызықты болды?

2-жүргізуші: Сандуғаш ескі жылға ешқандай өкпем жоқ. Биыл еліміз үшін есте қаларлықтай жыл болды десем артық айтпаған болар едім.

1-жүргізуші:

Жаңа жылым жаңа бақыл сыйласын,

Көгімізде бейбіт құсы самғасын

Төгілтіңдер жаңа жылдың жақсы әнін,

Қуанышпен арайлансын ақ таңың.

«Жаңа жыл» әнімен Көркемді ортаға шақырамыз.

2-жүргізуші: Балалар, шаттыққа толы думанды кештің көрігін қыздыратын кімдер? Естілмейді?

Бәрекелді, бәрекелді! Ендеше, балалар Аяз ата мен Ақшақарда осында келіп қалған шығар. Қане, барлығымыз хормен: «Қош келдіңіз, Аяз ата! Қош келдіңіз Ақшақар!» деп айтайық. Қане! (Аяз ата мен Ақшақар сөзі)

1-жүргізуші: Аяз ата, Ақшақар балалар сіздерді тура бір жыл күтті. Бір жыл бойы сіздерге дайындаған тамаша өнерлері бар екен.

2-жүргізуші:

Жаңа-жыл жасыл шырша жаңа армандар

Жаңа-жыл жалын атқан аппақ таңдар

Шын жүректен сіздерді құттықтаймыз,

Жаңа-жылда жарқырап жаңарғандар.

Ортаға «Жаңа жыл» әнімен –класс оқушыларын шақырамыз.

1-жүргізуші:

Көңілде көп қуаныш,

Әр көңілде жақсылық

Кетер жылға мың алғыс,

Әкелген көп жақсылық.

Балалар ортамызға бізбен бір жыл бірге болған Тауық жылын шақырамыз.

2-жүргізуші:

Ал, халайық, халайық

Оны ортаға алайық

Қош айтысып қалайық,

Ескі жылды құрметтеп

Біз шығарып салайық. Хормен: Сау болыңыз, ескі жы! (музыка ойнап, ескі жыл кетеді)

1-жүргізуші:

Жүздеріңе қуаныш нұрын төккен,

Бал-бұл жанған беттерін аяз өпкен

Айналайын халайық, қарсы алыңдар,

Жаңа жылды асыға көптен күткен.

Қанекей, балалар, ортамызға жаңа жылда келіп қалған екен. Бәріміз жаңа Ит жылын қарсы алайық. Хормен: «Хош келдіңіз, Жаңа жыл» дейік. Қанекей!(жаңа жыл келеді,сөзі)

2-жүргізуші:

Байыз таппай менің мына жүрегім

Бар әлемге шуақ шашып жүремін.