Келіңдер, жеті нота дыбысын орналастырайық сабағы

Сабақтың тақырыбы: «Келіңдер,7 нота дыбысын орналастырайық»

Мақсаты:

Музыка туралы алған білімдерін бекіту. Музыка мен әдемілік әлеміне сүйіспеншілігін дамыту, жылдамдыққа, тапқырлыққа баулу.

Міндеті:

Өнер арқылы баланы жеке тұлға ретінде дамыту, музыкалық творчествосының өсуіне, ойларын еркін жеткізе алуларына ықпал жасау;

Балаларды ән айтуға, тыңдай білуге, өз ойларын, сезімдерін жеткізуге тәрбиелеу.

Сабақтың типі: Жарыс сабақ

Сабақтың түрі: Сыныптан тыс

Сабақтың әдісі: Сұрақ – жауап, ән айту, музыка тыңдау,7 нота дыбыстарын орналастыру.

Көрнекіліктері: Слайдты көрсетілімдер, музыка аспаптарының суреттері, мәтіндік тапсырмалар, сөз жұмбақ,ноталар қима суреттер

Сабақтың жоспары:

I. Ұйымдастыру кезеңі

II.Қима суреттер

III. Келіңдер 7 нота дыбысын орналастырайық

IV. Ән жұмбақ

V. Табиғат және музыка

VІ.Сергіту сәті

VIІ.Жанды табиғат көрмесі

І. Ұйымдастыру кезеңі:

Жарыс сабақ бастамас бұрын психологиялық ахуал туғызу «Достық сағаты»

ІІ. Қима суреттер

Табиғаттағы төрт мезгілдің қима суреттердің орнын тауып орналастыру және оны қорғау.

Ұсынылатын суреттер- жаз,күз,қыс,көктем

III. Келіңдер 7 нота дыбысын орналастырайық

Нота сызықтары беріледі, сол сызықтарға ноталарды орналастырады және аттарын табады

IV. Ән жұмбақ:

Суреттер арқылы қай ән екенін табу керек

1. «Көңілді саяхат» В.Питерцев

2. «Сыбызғы сазсырнай» Ә.Бүшікова

3. «Жүгіріп шықтым белеске» Қазақтың халық әні

V.Табиғат және музыка

Сөзжұмбақтарды шешу «Табиғат» «Әуені» «Табиғат құбылыстары»

VI. Сергіту сәті

«Буги,Вуги» би

VІ. Сөз жұмбақ шешу

1. Бас, құлақ, мойны бар,

Үп - үлкен шанағы бар.

Ысқышпен ысқанда,

Әндетіп шығар әні бар. ( Қобыз )

2. Тілшікті аспап, қобыздай асқақ.

Ерекше үні бар, бұл қандай аспап. ( Шаңқобыз )

3. Сызылған үні, сүйкімді тілі,

Үрлесең ойнайтын аспаптың бірі. ( Сыбызғы )

4. Әуеннен жеті тарау мұң шығар

Ойнап кетсең түрлі – түсті жыр шығар

Мұны білмеу мына бізге сын шығар ( Жетіген )

5. Ел қорғайтын ерлікке

Әуенімен шақырған

Батылдыққа ерлікке

Әуенімен шақырған ( Даңғыра )

6. Тоғыз белбеулі, екі тербеулі

Қос құлақты, үні ұнамды ( Домбыра )

VІІ. Жанды табиғат көрмесі.