Кемел елдің болашағы жас маманның қолында мақаласы

Біздің өміріміздің мәні де, сәні де — бала. Салтанаты, махаббаты, мәртебесі де – бала. Бала — біздің болашағымыз, еліміздің ертеңі, келешегіміздің келбеті. Ол — әр шаңырақтың шаттығы, қуанышы, баға жетпес бақыты. Сондықтан бала тәрбиесі — бүгінгі күннің өзекті мәселелерінің бірі. «Тәрбие басы –тал бесік» — дейді халық, ал баланың дұрыс өсуі, дұрыс тәлім — тәрбиеге бейімделуі - алдымен отбасына, содан соң балабақша мен мектептегі тәрбиеге байланысты.

Елбасымыз Нұрсұлтан Әбішұлы Назарбаев: «Еліміздің ертеңі бүгінгі жас ұрпақтың қолында, ал жас ұрпақтың тағдыры ұстаздардың қолында»- дегенін барлығымыз білеміз. Әркім өз білімдерін, дағдыларын,іскерліктерін өз бетімен дербес жетілдіре алады. Адамның қабілетінің дамуына еңбексүйгіштік, табандылық, өжеттілік, шыдамдылық, ынталылық, өзін – өзі билей алушылық көмектеседі. Адам қабілетінің дамуына таланттың ашылуына оның білімінің шалағайлығы, жұмыс дағдысының болмауы, жалқаулық, еріншектік кедергі келтіреді. Адамның өз бойындағы талантты ашуға ең алдымен көп ізденуі, көп оқуы, білімді болуы және уақытты нәтижелі пайдалана білуі көмектеседі. Талантты ашудың бірден – бір жолы – білімділік, ізденімпаздылық. Адам басқалардың мінез – құлқын, жұмыс нәтижелерін талдап, өз мінез – құлқын, жұмыс нәтижелерін және жетістіктері мен сәтсіздіктерінің себептерін білуге болады. Үнемі ақпараттарға шолу жасау, өзара сабақтарға қатысу да өз жемісін береді.

«Менімен бірге көптеген жас мамандар жұмыс істеді. Адам неше жерден педагогикалық жоғары оқу орнын бітірседе, неше жерден дарынды болсада, егер ол жақсы тәжірибеден пайда алмаса, ол ешқашан жақсы педагог бола алмайтынына көзім жетті. Мен тәжірибелі педагогтарда оқыдым»-деп А.С.Макаренко айтпақшы, менің жаңа бастаған бөбектер бақшасында жас мамандар жетерлік. Жас маман ретінде логопед мамандығының қиындықтары да бар. Мен ол қиыншылықтарды тәжірибе арқылы, әдіскердің берген көмегі,бағыты арқылы жеңіп келемін. Жаңаша оқыту технологиясымен танысып, үйреніп келемін. Жеке тұлғалық қасиеттерін қалыптастыруға жол ашып, әрбір баланың бейімділігіне, қабілетіне қарай саралап, деңгейлеп отыруды өз тәжірибемізге қолданудамын.

Абайдың білім-ғылым жөніндегі «… білім-ғылымды үйренгенде ақиқат мақсатпен үйрену керек, … білім-ғылымды үйренуге адамның ішінде екі қару бар: бірі ойласу, пікір алысу, екіншісі сақтау, қорғау» деген отыз екінші…