Кемеңгер көшбасшы тақырыбындағы 6-сынып тәрбие сағаты

Кемеңгер көшбасшы (тәрбие сағаты)

Сабақтың мақсаты: Елбасының өмір жолы, ерекше қадір-қасиеті, тұлғалық тұғыры, ерен еңбегі туралы түсінік беру. Елбасының өмірі мен еңбегін үлгі тұтуға, елжандылыққа, отансүйгіштікке, азаматтыққа баулу. Ел болашағын ойлайтын, халқы үшін қызмет ететін, ұлттық сана-сезімі жоғары, саяси-құқықтық мәдениеті қалыптасқан тұлға тәрбиелеу. Көпшілік ортада еркін сөйлеу, өз ойларын ашық айта алу дағдысын, болашаққа деген оң көзқарасын қалыптастыру. Сабақ көрнекілігі: Cлайдтар, Елбасы кітаптары, Елбасы туралы жазылған кітаптар, видеороликтер, суреттер.

Сабақ барысы Мұғалім: Қазақстан- егеменді ел, тәуелсіз ел,

Болашаққа нық басып, буынған бел. Көкке өрлеген байрақты желбіретіп, Қуаныш пен шаттыққа қадам басты ел! Шартарапта шаттығыңдай азаттық, Ғасыр сүйіп тұрғандайын ғажап күн! Көк байрағы, Елтаңбасы, бірлігі, Шалқи берсін Әнұраны қазақтың! (әнұран орындалады)

Мұғалім: Тәуелсіздік! Қандай киелі сөз! Ата-бабаларымыз үш ғасырға жуық уақыт аңсап өткен киелі сөз! Осы тәуелсіздік жолында құрбан болған боздақтарымыз қаншама?! Олар елдің қамы, жердің қамы үшін қан төгіп, ақыр соңында солар төккен қызыл қанның арқасында «Тәуелсіздік» атты бақытты қолымызға қондыра білдік, осы киелі сөздің мағынасын ұғына білдік. «Елім, жерім! » деп қыршынынан қиылып, құрбан болған боздақтарымыздың есімдері сан ғасырлық тарихы бар еліміздің тарихынан, санасынан ұмтылмақ емес. Міне, осындай ұлтжанды, батыр азаматтарымыздың арқасында 25 жылдан бері тәуелсіз, бейбіт елміз. Тәуелсіз ел болған соң, сол елдің тізгінін ұстар, болашаққа бастар басшысы болуы керек. Сондықтан, Біздің бүгінгі ашық тәрбие сағатымыз елдің елдігін, халқының қамын ойлаған еліміздің алғашқы президенті елбасымыз, «Кемеңгер көшбасшы» –Нұрсұлтан Әбішұлы Назарбаевқа арналады. Мұғалім: Тәуелсіз ел болғанымызға биыл 27 жыл толып отыр. Тәуелсіз елді қандай адам басқарады? Ел басқаратын адам қандай болу керек деп ойлайсыңдар? (топтаcтыру)

Мұғалім: Біздің елбасымыздың бойында осындай қасиеттер бар ма екен? Оны білу үшін бүгінгі сабағымызда елбасымыздың өмірі мен еңбек жолы туралы әңгімелейтін боламыз.

«Ғибратқа толы ғұмыр» айдары (слайд)

Ел басқаратын

адам қандай

болуы керек?

1-бөлім Елбасы өмірі мен еңбек жолы компьютерден тыңдалады. (Елбасының суреті көрсетіледі) Нұрсұлтан Назарбаев 1940 жылы 6 шілдеде Алматы облысының Қаскелең ауданына қарасты Шамалған ауылында Әбіш пен Әлжанның отбасында дүниеге келген. 1960 жылы Днепродзержинск техникалық училищесін, 1967 жылы Қарағанды металлургия комбинатына қарасты жоғары техникалық оқу орнын, 1976 жылы Кеңес одағы комунистік партиясы Орталық комитетіне қарасты Жоғары партия мектебін бітірген. Еңбек жолын 1960 жылы теміртау қаласындағы Қарағанды металлургия комбинатында қатардағы жұмысшы болып бастап, домна пешінің аға газдаушылығына дейінгі жолдан өтті. 1960-69 жж- Қарағанды металлургия зауытында жұмыс істейді 1969-73 жж- Қарағанды облысы теміртау қаласындағы партия-комсомол жұмыстарында жауапты қызметтер атқарды. 1973-77 жж- Қарметкомбинаттың партком хатшысы. 1977-79жж – Қарағанды облыстық партия комитетінің 2-ші хатшысы. 1979-84 жж- Қазақстан КП Орталық Комитетінің хатшысы. 1984-89 жж- Қазақ КСР Министрлер Кеңесінің төрағасы. 1989-91 жж- Қазақстан КП ОК бірінші хатшысы, 1990 ж .ақпан- сәуір аралығында Қазақ КСР Жоғары Кеңесінің төрағасы болды. 1990 ж.сәуірінен –Қазақ КСР президенті. 1991 жылы желтоқсанның 1-і

Түсінде үлкен теңіз көреді. Буырқанып, дөңбекшіп жатқан теңізді бірінші көруі. Түсуге жүрексінеді , бірақ бір күш суға қарай сүйрей жөнеледі. Жүрегі өрекпіп суға түседі. Суға түскен соң су тізесінен келеді, белінен келеді, мойнынан келеді. Бір кезде көрінбей кетеді. «Тұншығамын-ау » деп қорқады. Бір ғажабы еркін тыныстап келеді. Аяғы теңіз түбіне бір тиіп, бір тимей келе жатып, су түбінен мылтық тауып алады. Кәдімгі аңшының ұзын мылтығы. «Жақсы болды ғой, Әбішке апарып беріп, қуантайын » деп мылтықты иығына асынып алады. Екі басы иіліп жерге тиеді, сонда да Әлжан ана мылтықты тастамай аршындай басып теңіздің екінші жағына шыға келеді. Түсін туысқандарына жорытқанда «Түсің жақсы екен. Құдай сендерге ұл береді!» дейді. Көп ұзамай Әлжан ана жүкті болады. Сөйтіп Алматы облысы Қаскелең ауданының шамалған ауылында 1940 жылы 6 шілдеде болашақ елбасы дүниеге келеді.

(Бала Сұлтанның оқушылық өмірі, зеректігі ордалы жылан ортасына тап

болуы туралы әңгімеленеді. )

Көрініс Автор:Таңертеңгі ас кезі. Жайылған дастархан басында Әлжан ана мен Сұлтан отырады. Сұлтан: Жеңеше, мен бір керемет түс көрдім. Анасы: Ол қандай түс, балам? Сұлтан: Түсімде мына Алакелдінің жотасына бір қап тұзды арқалап шығыппын. Тұзды жотаға алып шыққаным сол, ауыл жаққа қарасам менің класым да мектептегі балалар да, осы Шамалған ауылы да төмен жақтан көрініп тұр. Соны өзім арқалап шыққан тұз толы қаптың үстінен қарап отырып көрдім. Анасы : Балам, сен өте үлкен адам болады екенсің, дәрежең жоғары болады екен. Тұз деген жақсы нәрсе. Алла тілеуіңді берсін, балам! Мансабың жоғары, өрең терең, несібең аса мол, еңсең биік болады екен!

(Осылайша анасы ақ батасын беріпті. Екеуі шығып кетеді) 3- бөлім «Отбасым –алтын діңгегім» (отбасы, бауырларының суреттері көрсетіледі.) 1-оқушы:Әбіштің отбасында Сұлтаннан кейін Айсұлтан атты бала дүниеге келеді. Ол бала кішкене кезінде шетінеп кетеді де, одан кейін Сатыпалды дүниеге келеді. Балалары тұрмағасын ырымдап кіндік шешесіне қырқынан шыққанша еміздіріп, сатып алған есеппен Әбіш пен Әлжан ақша төлеп өздері алады. Сол себепті есімін ырымдап «Сатыпалды» деп қояды . Одан кейінгі бауырлары Болат пен Әнипа. 4-бөлім «Қамқор әке, мейірімді ата» (жары Сарамен, қыздарымен немерелерімен түскен суреттері көрсетіледі. ) 2оқушы: Елбасының жары Сара Алпысқызы «Бөбек» қайырымдылық қорының негізін қалаушы. «Өзіңді өзің таны» балаларға рухани- адамгершілік білім беру және тәрбие беру идеясының авторы. Бүгінгі таңда Елбасы 3 қыз, 7 немере, 2 шөбере сүйіп отырған қамқор әке, мейірімді ата! 5-бөлім «Металлургтен басталған еңбек жолы» (Металлург болып жұмыс жасаған кездегі суреттер көрсетіледі) 3 -оқушы: Елбасы еңбек жолын 1960 жылы Теміртау қаласындағы Қарағанды металлургия комбинатында қатардағы жұмысшы болып бастайды. Әке- шешесі мұндай ауыр жұмыс істеуіне қарсы болады. Әкесі барып балқыға