Кенесары Қасымұлы көтерілісі туралы ашық сабақ, 8 сынып

Пәні: Қазақстан тарихы

Тақырыбы: Кенесары Қасымұлы- тұлға және саясаткер.

8-сынып.

Сабақтың тақырыбы: Кенесары Қасымұлы- тұлға және саясаткер.

Сабақтың мақсаты: Кенесары Қасымұлының тұлға ретіндегі сипатын аша отырып, қазіргі күн тұрғысынан баға беру.

Міндеттері:

Білімділік:Кенесары Қасымұлы бастаған 1837-1847 жылғы ұлт-азаттық қозғалыстың себеп-салдары, қозғаушы күші, нәтижесі, тарихи маңызына түсінік беру.

Дамытушылық: Оқушыларды Кенесары көтерілісінің маңызын аша отырып, басқа да ұлт-азаттық көтерілістермен салыстыра алу, оқулықты пайдаланып кесте, тірек-сызба жасау және өз ойларын дәйектерге сүйене отырып жеткізе білу қабілеттерін дамыту.

Тәрбиелік: Оқушылардың бойында Қазақстандық ұлтжандылық қасиетін қалыптастыру, өз елінің өткен тарихына деген құрметке және тәуелсіздіктің құнын білуге тәрбиелеу.

Сабақтың түрі: Аралас сабақ

Қолданылатын әдістер: Сараптау, тестпен жұмыс, логикалық тапсырмалар

Көрнекілігі: С. Датов, К. Қасымұлы, Абылайхан, Исатай мен Махамбет портреттері, ХІХ ғ. Қазақстан картасы

Сабақтың барысы:

Ұйымдастыру кезеңі

Оқушылар қатарлары бойынша топтарға бөлініп отырады.Оқушыларды түгендеу. Сынып ішінен сараптамашыны тағайындау, оның міндеті оқушылардың сабаққа қатысуына сараптама жасап, үздік топты анықтау болып табылады.

Үй тапсырмасын сұрау. Тақырыбы: «1837-1847 ж.ж. Кенесары Қасымұлы бастаған ұлт-азаттық қозғалыс.»

Слайдтағы өлең жолдары оқылады:

Арқада Көкшетауға жер жетпейді,

Басқа жер көңілді ондай тербетпейді.

Ту тіккен Абылай ата кең далада,

Қазақта хан Кенеме ер жетпейді,- деп Мағжан Жұмабаев жырлағандай Кенесары Қасымұлы бастаған ұлт-азаттық қозғалыс тақырыбы үйге оқуға берілген болатын. Ендеше қазір топтар үй тапсырмасын бізге түсіндіреді. 1-топ Кенесарының патша үкіметіне қарсы күресу себептерін сипаттайды. 2 –топ Кенесарының Қоқан жеріне шабуыл жасау себептерін сипаттайды. 3-топ Кенесарының Қырғыз жеріне келу себептерін түсіндіреді.

Сараптамашының пікірін тыңдап, нәтижеленеді.

Үй тапсырмасын сұраудың екінші бөлімінде 1-топ Кенесарының хандық билігіне сипаттама жасайды. 2- топ Кенесарының көтерілісін Исатай мен Махамбет көтерілісімен салыстырады. 3- топ Кенесары көтерілісін Сырым Датұлы көтерілісімен салыстырады.

Сарапшының пікірін тыңдап, үздік топ анықталады.

Енді ойымызды жинақтап, біраз сергіп алайық. Ол үшін мен сіздерге логикалық сұрақтар қоямын.

Тауық екі аяғымен тұрғанда 4 кг болса, бір аяғымен тұрғанда неше кг болады?

Мына әріптердің орыс алфавитіндегі ретін дұрыс көрсетіңіздер:

Ъ, Ы, Ь

Үстелде екі алма тұр біреуін 4- ке бөлсем барлығы неше алма болады?

Енді сабағымыздың екінші бөлімі «Кенесары Қасымұлы- тұлға және саясаткер» тақырыбына тоқталайық. Мен сіздерге Кенесары Қасымұлының тұлғалық сипатын келесі тірек схема арқылы жасап келдім. Енді сіздер тақырыпты үйден оқып келгендіктен, Кенесары кім деген сұраққа жауап бере алады деп ойлаймын. Сондықтан Кенесары Қасымұлының мен жасаған сипатына келісетін болсаңыздыр дәйек сөздер арқылы дәлелдеп, сипаттап берулеріңізді сұраймын.

Топтасу жасау: Кенесары кім?

Кенесары Қасымұлының тұлға және саяси қайратер екеніне көзіміз жетті. Енді қазір үш топта «Егер Кенесары Қасымұлы жеңіп, тірі қалғанда не болар еді ...» деген сүрақ төңірегінде ойымызды айтып көрейік.

Бүгінгі сабағымыздың қорытындысы ретінде 10 сұрақтан тұратын тестке жауап берейік.

І нұсқа

1.Кенесары Қасымұлы өмірге келген уақыт.

А) 1803 ж. В) 1802 с) 1801 ж.

2. Кенесарының қарындасы, жақтасы кім?