Кестелерді құру және редакциялау ашық сабағы, 6 сынып

Сыныбы: 6 сынып Пәні: информатика Күні: 03.02.2017жыл Cабақтың тақырыбы: Кестелер, кестелер құру, кестелерді редакциялау Сабақтың мақсаты:

Білімділік: Оқушыларды кесте жасауға, ұяшықтарды қосуға, алып

тастауға және біріктіруге үйрету. Оқушыларға кестелерді қоршауды жиектеуді көрсету. Дамытушылық: Оқушылардың есте сақтау және зейіндік қабілеттерін дамыту, пәнге деген қызығушылығын арттыру. Тәрбиелілік: Уақытты тиімді пайдалануға, жүйелі ойлауға,

ұқыптылыққа, шапшаңдыққа, компьютерлік сауаттылыққа тәрбиелеу. Сабақтың типі: жаңа оқу материалын игерту. Сабақтың түрі: Аралас сабақ. Әдіс-тәсілдер: Практикум элементтері бар түсіндірмелі-көрнекілікті Сабақта қолданылатын көрнекі құралдар: ДК, Microsoft Office Word 2007-2010 бағдарламасы, интерактивті тақтада дайындалған слайдтар, кеспе қағаздар

Сабақтың жоспары: І. Ұйымдастыру кезеңі: а) оқушылармен сәлемдесу, түгендеу. ІІ. Техника қауіпсіздігі ережесін қайталау. ІІІ. Үй тапсырмасын тексеру "Келесі" ойыны арқылы. ІҮ. Жаңа тақырып. Ү. Практикалық жұмыс. Сергіту сәті ҮІ. Сабақты бекіту ҮІІ. Үйге тапсырма ҮІІІ. Бағалау.

Сабақтың өту барысы: І. Ұйымдастыру кезеңі:

Сәлеметсіңдер ме, балалар! Отырыңдар! «Жылы жүрек»

Әрбір адам мейірімді де, инабатты болуы керек. Олай болса бір-бірімізге жүректі беру арқылы, қасымыздағы оқушыға жылы бір сөз айтып сабағымызды бастайық... Мысалы: Ақерке сен-әдемісің, Мұрат сен-ақылдысың Бүгін біз MS Word мәтіндік процессорында жұмысымызды жалғастырамыз.

1. Сабақты бастамас бұрын қауіпсіздік техника ережесін айтып

шығамыз. Әрқайсысың бір ережеден айтып кетесіңдер, қайталанбауы тиіс. Сонымен, бастаймыз. ІІ. Техника қауіпсіздігі ережесін қайталау. Жауап жоспарының үлгісі:

1. Мұғалімнің рұқсатынсыз сыныпқа кіруге болмайды. 2. Тағайындалған орынға отыру керек. 3. ДК-дің мониторын қолмен ұстауға тыйым салынады. 4. Компьютерде жұмыс істеу тек мұғалімнің рұқсатымен 5. ДК-ді өздігіңмен жөндеуге болмайды. 6. ДК бұзылған жағдайда жұмысты тоқтату керек.

7. Экраннан арақашықтық кем дегенде 60 – 70 см отыру керек және

т.с.с. - Жарайсыңдар! - Сабақтың жоспары бойынша келесі тақырыпқа өтейік. ІІІ. Үйге берілген тапсырманы тексеру. Оқушылар "Келесі" ойыны арқылы сұрақтарға жауап береді

(Сұрақ бірінші партадағы оқушыдан бастап қойылады, егер жауабын білмесе, келесі дейді, сол кезде келесі оқушы орыннан тұрып жауап береді). ІҮ. Жаңа сабақ

Ал енді жұмыс дәптерін ашамыз. Бүгінгі күнді және сабақтың тақырыбын жазамыз. Кестелер, кестелер құру, кестелерді редакциялау. Бұл сабақта сіздер кесте құру әдістерін, сондай –ақ кесте безендіруді үйренулеріңіз керек.

Біздің өмірімізде мәтінді безендіру немесе құжатты кесте түрінде даярлау жиі кездеседі. Оларға: мектеп журналдары, үлгерім табелі және сіздердің күнделік парақтарың т.б. MS Word мәтіндік процессоры кесте құруды жеңілдетеді, ол өзіне бағандардың енін есептеу мәселелерін жүктейді.

Сонымен, Кесте – бұл жолдар мен бағандарда реттеліп берілген ақпарат. Жолдар мен бағандар қиылысып, ұяшық құрайды.

Кесте құрудың үш әдісі бар: (мұғалім интерактивті тақтадан көрсетеді) 1. Аспаптар панелінен «Добавить таблицу» батырмасын басу арқылы. 2. Меню жолынан «Таблица»

командаларын пайдалану. 3. Вид - Панели инструментов - Таблицы и границы командаларын орындау арқылы.

Аспаптар панелінен шекаралар белгісін пайдалана отырып, өзгертуге болады.

Осы үш әдістің айырмашылығы мынада: 1 әдіс бойынша компьютер 5 бағаннан артық емес кесте құрады. Егер үлкен санды бағандар кестесін құру керек болса, онда екінші әдісті қолданамыз. 3-ші әдісі қолмен салуды көрсетеді. Біз көбінесе екінші әдісті қолданамыз.

Сонымен, дәптерге «Меню жолы» арқылы кесте құру, безендіру және жиектеу алгоритмдерін жазып алайық. Кесте құрудың алгоритмі

1. Меню жолынан «Таблица» командасын таңдау. 2. «Добавить таблицу» батырмасын шерту.

Сызық қосу

Сызықтың

типі

Сызықтың орналасуы Сызықтың жуандығы

Сызықтың

түсі