Халықаралық әйелдер күніне арналған мерекелік іс-шара

Тәрбиелік іс-шара

«Әлемнің жарығын сыйладың сен маған»

Сынып: 1

Акмола облысы

Көкшетау қаласы № 16 орта мектебінің бастауыш сынып мұғалімі.

Канафина Жамал Рамазанқызы

Мұғалім: Армысыздар аяулы аналар!Армысыздар мейрімді әжелер,қонақтар!Армысыздар қызғалдақтай құлпырған кыздар.Сіздерді бүгінгі халықаралық әйелдер күнімен құттықтаймыз, балаларыңыздың шағын құттықтау концертіне қош келіпсіздер. Жүздеріңізден әрқашан күлкі кетпей,көңілдеріңіз көтеріңкі болсын деген тілекпен Раййананың орындауында көңілді қүн әнің өздерңізге сыйлаймыз.

ӘН «Көңілді күн»

Жүргізуші - Бүгін әлемдегі барлық әйел атауы бар адамзаттың мерекесі ,сондықтан әжелерімізді де,аналарымызды да,қыздарымызды да құттықтау үшін ортаға 1 «А» сыныбының ұлдарын шақырамын.(музыкамен «Біздің жигиттер»ортаға ұлдар шығады.)

Еркеш:

Шалқып-тасып әніміз,

Жадырасын жанымыз.

Аналар, сіздерді құттықтап,

Әндетеміз бүгін біз!

О.Мирас:

Ана біздің күніміз,

Ана біздің гүліміз

Ұландарды қуантып,

Ұзақ өмір сүріңіз.

Ерболсын:

Мәпелейсің мені анам,

Қолындағы құсындай

Құлпыра өсіп дем алам,

Құшағында қысылмай.

Аян:

Бізді өсірген апатай,

Еңбегінде зор екен.

Құтты болсын апатай,

Құтты болсын мерекең.

Амир :

Әлпештеген аялаған,

Ақ сүт берген апатайым.

Тақпақ айтып бүгін саған,

Мейрамыңмен құттықтаймын.

Рустам:

Ана өмір шырағы,

Ана өмір бұлағы.

Бесігімнің жыр әні,

Жүрегімде тұрады.

Ескендір

Аналарды сүйеміз

Ақылын ойға түйеміз

Әжені де ардақтап,

Әдеппен бас иеміз.

Халиф

Аяулы да, алтын нұрлы анашым,

Жүрегіммен мәңгі бірге боласың.

Сен – асқарсың, сен – аспансың, биіксің,

Сен – дарқансың, сен – жомартсың, данасың.

Әділ

Сіздерден өскен аналар

Батырлар мен даналар.

Құттықтаймыз мейраммен,

Құрметті біздің аналар

Мирас

Ана десем, алғыс алам халқымнан!

Ана десем, теңіз болам шалқыған!

Ана десем , ашылады қабағым,

Ана десем, әділдікті ұғамын.

Әмір

Айналайын анашым

Асқар таудай панасың

Күн көзіндей күлімдеп

Құшағыңа аласың

Санжар

Құрметті әжелер,аналар,аяулы қыздар! Сендерді мерекелеріңізбен құттықтаймыз және жигиттердің атынан сиздерді ренжитпеуге ,қорғауға ант етеміз!

Би «Біздің жігіттер »

Мұғалім : Гүлдей жайнап тұр өңі,

Мейірлене күледі.

Үйдегі бар шаруаға,

Үлгереді бір өзі.

Аналар сіздермен ойын ойнасақ.

Ойын шарты бойынша уйдегі күнделікті тірліктерің пантомимо арқылы көрсетеді.Ол үшін мына конверттерден өз қалауларыңызбен біреуін таңдаңыздар.Анасы понтомимомен конверттен берілген тапсырманы бейнелейді, балалар…