Халықтар достастығына арналған тәрбие сағаты

«Қостанай қаласы әкімдігінің білім бөлімінің № 15 орта мектебі» ММ

Қостанай, 2018 жыл

20.12.2018 ж.

«Татулықтың тірегі – бірліктің бесігі»

мәдени сағат

Мақсаты: Оқушыларды ұлтжандылыққа, өз елін, жерін, атамекенін сүюге тәрбиелеу, елі үшін мақтаныш сезімін бойларына ұялату; Ассамблея туралы жан-жақты түсінік бере отырып ой-өрісін, ақыл-ойын арттыру; елімізде тұратын ұлттар мен ұлыстар арасындағы достық пен ынтымақты насихаттау. Аудитория: 3 сынып оқушылары - ..... адам.

Құрылғылар: Экран, проектор презентация.

Кітап көрме: «Бірлігі жарасқан ел».

Өткізу орны: оқу залы

Уақыты: ....

Жүргізуші:

Қайырлы күн құрметті оқушылар! Елбасымыз Нұрсұлтан Назарбаев «Көп ұлтты болуымыз – біздің байлығымыз, мақтанышымыз» дейді.

Қазақстан - қазіргі таңда 130-дан астам ұлт пен ұлт өкілдері достықта және келісімде тұрып жатқан көп ұлтты мемлекет. Әрбір ұлт өзінің тілін, мәдениетін, әдеп-ғұрпын, салт-дәстүрін жоғалтпауы керек. Осы мақсатта 1995 жылдың 1 наурызында Қазақстанда өмір сүріп жатқан барлық халықтардың Ассамблеясы құрылған болатын. Ассамблея – ұйым, мәдени бірлестік деген сөз. Ондай мәдени бірлестікте ұлттар өздерінің озық дәстүрлерін, мерекелерін, ұлттық киімдерін, ұлттық тағамдарын көрсетіп, насихаттап отырады. «Татулықтың тірегі – бірліктің бесігі» атаулы тақырыпта ұйымдастырып отырған іс-шарада сіздерге елімізде тұратын ұлттар мен ұлыстар арасындағы достық пен ынтымақты жеткізуге, алып көрсетуге тырысамыз.

Қазақ жері – достықтың гүлстаны,

Дарқан өлкем – мерейлі ырыс бағы.

Күрестерде, еңбекте, мерекеңде,

Мұнда сан ұлт қолдасып ту ұстады.

Ал ендігі кезекте, қошеметтеп ортаға өлең оқитын оқушыларды шақырсақ.

Оқушы:

Біз қазақпыз, батырмыз,

Байтақ ел боп жатырмыз.

Біз қазақпыз, арманбыз,

Батыр ел боп қалғанбыз.

Біз қазақпыз қаһарман

Жер салатын жаһаннан.

Біз қазақпыз, арыспыз,

Ер жүректі барыспыз.

Оқушы:

Сары, ақпыз, қарамыз

Бәрімізде баламыз

Бір қалада тұрамыз

Бір мектепке барамыз.

Ақ, қара деп бөлмейміз,

Бір жыл туған төлдейміз

Туысқанбыз татумыз

Биіктерге өрлейміз.

Оқушы:

Достық – шырағымыз

Достық ұранымыз

Достық туымыз.

Достық әніміз.

Жүргізуші:

.................................................. орындауында көңілді жадыратар әсем әнді тарту етеміз. Қабыл алыңыздар.

Ән

Жүргізуші:

Бүгінде республикада Қазақстан этностарының мәдениеттері, тілдері, дәстүрлерінің дамуына қажетті барлық жағдай жасалған. Этномәдени бірлестіктердің өзінің саны тұрақты өсуде, қазір олар 800-ден асады, оның ішінде 28-і республикалық. 15 тілде газет-журнал, 8 тілде радиобағдарламалар 7 тілде телебағдарламалар шығады. Білім беру толықтай өзбек, тәжік, ұйғыр және украин тілдерінде жүргізілетін 88 мектеп жұмыс істейді. 108 мектепте 22 этностың тілі жеке пән ретінде жүргізіледі.

Оқушылар, сіздер өз бағыттарыңызды ерте тани білулеріңіз тиіс. Ол үшін білімді болуларыңыз қажет. Осы мақсатта сіздермен «Татулық - табылмас бақыт» атты танымдық викторина өткізіп, бүгінгі іс-шарамызды әрі қарай жалғай отырсақ.

Викторина:

1. 1 мамыр қандай мереке? (Қазақстан халқының бірлігі мерекесі)

2. 1 наурыз қандай мереке? (Алғыс айту күні (Қазақстанда тұрып жатқан өзге ұлт өкілдерінің қазақ халқына алғыс айту үшін 2015 жылдан бастап тойланып келе жатқан мереке)

3. Қазақтың ұлттық аспаптары? (Домбыра, сыбызғы, қобыз, сазсырнай)

4. Екі адам арасындағы сөз жарысы? (Айтыс)

5. Бие сүтінен дайындалған қышқыл сусын? (Қымыз)

6. Татар халқының ұлттық тағамы? (Чах-чах)

7. Орыс халқының ұлттық тағамы? (Борщ)

8. Қазақтың ұлттық баспанасы? (Киіз үй)

9. Лезгинка қай ұлттың биі? (Кавказ)

10. Қамажай, қара жорға қай ұлттың биі? (Қазақ)

11. Қазақ халқының ұлттық тағамдары? (Бесбармақ, бауырсақ, құрт, ірімшік, май, қаймақ)

12. Қазақ халқының ұлттық ойындары? (Көкпар, асық ойыны, тоғызқұмалақ, күрес, арқан тарту)

13. Қандай этностарды (өзге ұлттарды) білесіздер? (орыс, татар, белорус, өзбек, қырғыз, ұйғыр, әзірбайжан, корей, неміс т.б)

Бәрекелді! Тамаша! Жарайсыздар!

Жүргізуші:

Құрметті оқушылар, қазақ және орыс театрларын қоспағанда елімізде тағы төрт ұлттық - өзбек, ұйғыр, корей және неміс театрлары жұмыс істейді. Әр жыл сайын Қазақстан этностарының тілдерінде бірнеше ондаған жаңа кітаптар жарық көреді. Жыл сайынға…