Ханс Кристиан Андерсен ертегілері бойынша сабақ жоспары

Пән: Өзін – өзі тану

Мектебі: Новый орта мектеп-лицейі

Күні 17.09.2019ж

Мұғалімі: Қасымхан Лаура

Сыныбы: 2Ә

Тақырыбы: Х.К.Андерсеннің дана ертегілері Сабақ:4

Құндылығы: Сүйіспеншілік

Қасиеттері: Бауырмалдық, ақкөңілділік,татулық

Мақсаты: Оқушыларға Х.К.Андерсеннің дана ертегілерін түсіндіру арқылы сүйіспеншілік құндылығының мәнін ашу.

Міндеттері:

1. Оқушыларға бауырмал болудың маңыздылығын ұғындыру.

2. Оқушылар бойындағы ақкөңілділік қасиеттерін дамыту.

3. Оқушыларды бауырмалдық, ақкөңілділік, татулыққа тәрбиелеу.

Ресурстар:

(материалдар, дереккөздер)

1.bilim-all.kz

2.https://infourok.ru

Сабақтың барысы:

1.Ұйымдастыру кезеңі.

Балалар ережені есімізге түсіріп, сыныптың тәртібін сақтап, оқып - білуге талаптанып, тыныштықты орнатып, тазалықты сақтап, бүгінгі күнімізді татулықпен өткізейік.

2. Үйге берілген тапсырманы тексеру

1. №2 – сабақ. Абайдың бір өлеңін оқып, ондағы адамгершілікті, ізгілікті ойларды тауып, жазып келу.

Сұрақтар:

1. Түймеқыздың қарлығашқа қамқорлық жасауының себебі неде?2. Түймеқыз жақсылығының өтеуін күтті ме?3. Өзіңе басқалардың жасаған жақсылығын естеріңе түсіріп, айтып беріңдер.

5 Т – ережесі:

1. Тәртіп.

2. Талап.

3. Тыныштық.

4. Тазалық.

5. Татулық.

3. Дәйексөз:

(Ұл балаларға 1 рет, қыз балаларға 1 рет айтқызып,хормен бәрі бірге қайталау, дәптерге жаздырту)

«Жақсылыққа жақсылық әр адамның ісі, жамандыққа жақсылық ер адамның ісі»

Халық мақалы

Сұрақтар:

1. Жақсылық жасау деген не?2. Жақсылықты риясыз жасау дегенді қалай түсінесіңдер?3. Дәйексөзден қандай ой түйдіңдер?

4. Оқиға айту (Мұғалім сыйы). Арыстан мен тышқан

Ертегі

Бір күні арыстан ұйықтап жатқан кезде, тышқан келіп, оның үстінен жүгіріп өтеді. Арыстан оянып, тышқанды ұстап алады. Бейшара тышқан жалына бастайды:

– Егер мені жіберсең, мен де саған жақсылық жасармын, – дейді ол.

Арыстан тышқанның «жақсылық жасармын» деген сөзіне күліп, оны босатып жібереді.

Келесі күні аңшылар арыстанды ұстап алып, ағашқа таңып тастайды. Тышқан арыстанның ақырғанын естіп, жүгіріп келіп, арқанды тісімен қырқып:

– Есіңде ме, сен менен жақсылық күтпеген едің ғой. Енді, міне, тышқаннан да қайырымдылық келетінін көрдің , – депті.

Көрдің бе, кішкентай тышқан да үлкен арыстанға көмектесе алады екен.

Сұрақтар:

Әңгімедегі ойды қалай түсіндіңдер?

Кішкентай тышқан қандай әрекет жасады?

Өздерің қандай қайырымдылық пен жақсылықтар жасап жүрсіңдер?