ХХІ ғасыр көшбасшысы сайысына арналған ашық сабақ

Көкшетау қаласы

№15 жалпы білім беретін негізгі мектебі

/сыныптан тыс жұмыс/

Тақырыбы: «Қазақстанның болашағы – білімді ұрпақ»

Дайындаған: бастауыш сынып мұғалімі

Маемирова Т.Б.

2017-2018 оқу жылы

Тақырыбы: ХХІ ғасыр көшбасшысы

Мақсаты:

Білімді, жан-жақиы болуға үйрету. Білуге, үйренуге деген қызығушылықтарын арттыру.

Жарыстыруға, жарыста жеңімпаз болуға ұмтылуын дамыту. Оқу, алған білімдерін, ой белсенділіктерін ортаға салу.

Білімді дарынды озық болуға тәрбиелеу.

Көрнекілік: тірек сызба, сұрақтар жинағы , сигналдық белгілер, сағат, үнтаспа, пәндер жарысына байланысты бағыт картасы, сөзжұмбақтар, ребустар, әр оқушыларының эмблемалары т.б.

Сабақтың түрі: Модульдік білім сайысы.

Бүгіндегі жастарға оқу міндет,

Тек қана оқу менен өнер білмек.

Білімге ел боп аңсап құмарланса,

Жетілмек аз-ақ жылда жоғары өрлеп, - демекші құрметті оқушылар ұстаздар! Бүгін сіздер 4-сынып оқушыларының «Қазақстанның болашағы – білімді ұрпақ» модульдік білім сайысына қатысып отырсыздар. Бұл сайыста білімділер оза алады. Бүгінгі сабағымыздың ұраны ретінде қазақтың ұлы ақыны Абай атамыздың бес асыл сөзді топ атына қойдық.

І-топ; «Талап» (орнынан тұрып, көрініп, қайта отырады)

ІІ –топ: «Еңбек»

ІІІ-топ: «Білім»

ІV-топ: «Қанағат»

V-топ: «Ақыл»

Осы топтар өз аттарын таныстырады.

І-топ; «Талапты бала талпынған құстай»

ІІ –топ: «Қиындықтың бәрін еңбек қана жеңбек»

ІІІ-топ: «Білімдіге дүние жарық

Білімсіздің күні кәріп»

ІV-топ: «Қанағат ет, пайда қуып аттанба,

Әділ бол, сәнқойлықтан сақтанда»

V-топ: «Ақыл – адам көркі

Ақылдық сабыр серігі»

Пән аттарына қатысты өлең шумақтары айтылады.

Қазақ тілі

Ата-анамыз әлдилеп,

Жүбатқан бізді баба тіл.

Сол туған атауы –

Ежелгі біздің қазақ тіл.

Әдебиеттік оқу

Ақыл – ойын дананың

Әдебиеттен аламын.

Ана тілім ардақты,

Ақ сүтіндей анамның

Математика

Математика сабағын

Жақсылап ұғып аламын.

Падишасы ғылымның,

Мәнінен ой табамын.

Дүниетану

Табиғат: адам үшін жаралыпты,

Бар қызық табиғаттан таралыпты.

Менің Қазақстаным:

Гүлдердің ертемен

Қауызын ашқанын

Көктемнің көкпеңбек,

Мөп-мөлдір аспанын

Таулардың қол жетпес асқарын,

Ұнатам бәрін де,

Ойткені ол Отан –

Ұлы Отан

Танысып алдық, Білім сайысының бағасын әділ-қазылар береді.

1-бөлім: «Бәйге» ауызша сұрақтарға жауап беріледі. Оқушылар тақтадағы сандардың біреуін таңдайды. Таңлаған санның сұрағына дұрыс жауап берілсе, сол сан тапқантопқа қосылады. Пәнге байланысты сұрақ қойылады, және арасына 3 «Тірі сұрақ» болады. 2-уі «көрермен сұрағы», 1-уі үнтаспада жазылған сұрақ.

Сол жақтағы 20- «Әдебиеттік оқу» Қазақ ордасының ең соңғы ханы кім болған? (Абылай хан, шын аты: «Әбілмансұр)

Ортадағы 20 – «Тірі сұрақ» (көрермен сұрағы) Президенттің туып-өскен жері? (1940 ж. Қарасай ауданы, Шамалған ауылында үниеге келді)

Оң жақтағы 20 – «Дүниетану» Жер бетінің қағазға кішірейтіліп салынған бейнесі ? (карта)

Сол жақтағы 30 – «Математика» Тіктөртбұрыштың ауданын қалай табамыз? (Ұзындығы мен енін көбейтеміз)

Ортадағы 30 – «Менің Қазақстаным» Елтаңбаның авторлары кім? (Шот –Аман Уалиханов, Жанарбек Мәлібеков)

Оң жақтағы 30 «Қазақ тілі» Жатыс септіутің сұрағы, жалғауы? (Кімде? Неде? –да, -де, -та,- те)