Кім жылдам интеллектуалдық ойыны алгебра пәнінен

Тақырыбы: «Кім жылдам» атты интеллектуалдық ойын. Мақсаты: Оқушыларды дайындай отырып, математикалық ой-өрісін дамыту, білімді, дарынды, озық болуға тәрбиелеу.

Армысыздар құрметті ұстаздар мен оқушылар және ойынға қатысушы сайыскерлер!«Халықтың кемеліне келіп өркендеп өсуі үшін, ең алдымен, азаттық пен білім қажет» деп Шоқан Уәлиханов, «Ғылым майданының қатардағы жауынгері тек үнемі оқу, іздену, талпыну, тану, өмір мектебінен өту арқылы ғана оның ірі қайраткері дәрежесіне дейін көтеріледі» деп Қ. Сәтбаев айтып кеткендей, еліміздің болашағы тек қана білімді жастар екені даусыз.Олай болса, 6 сынып оқушылары арасында өткізгелі отырған «Кім жылдам» атты интеллектуалдық сайысымызды бастаймыз.

Ғылымдардың патшасы атанғансың

Евклид, Фалес, Пифагордан бата алғансың.

Төзбейтін өтірікке, жалғандыққа

Жасықтан емессің сен, қаталдансың

«Ақыл ойды тәртіпке» келтіретін

Нағыз пән – математика атанғансың! – дей келе ортаға «Кім жылдам» ойынына қатысушыларды шақырамыз. (2 команда) Ұпай есептеу үшін әділқазы мүшелерін сайлау.

Алдымен қатысушы оқушыларды таныстыру.

Сайыс 5 бөлімнен тұрады. І бөлім – «Бәйге» ІІ бөлім – «Тіл - өнер» ІІІ бөлім – «Дода» ІҮ бөлім – «Тапқырлық» Ү бөлім – «Жорға» Мәңгі бақи есте қалар,

Қызықты бір жиын болсын.

Білімдірек шәкірт озар

Сұрақтары қиын болсын – дей отырып, ойынымыздың «Бәйге» деп аталатын І бөлімін бастаймыз.

І бөлім «Бәйге». Бұл бөлімде ойыншыларға сұрақтар қойылады. Жауап нақты, тез болу керек. Қай оқушы қолындағы карточкасын бірінші көтереді, сол ойыншы жауап береді. Әр дұрыс жауапқа 1 ұпай беріледі. Сұрақтар:

Математикалық өрнек дегеніміз не? (санды және әріпті өрнектер)

Бұрыштың түрлерін ата (сүйір, доғал, тік)

Толық бұрыш неше градус. (3600)

Бөлшектің түрлері. (дұрыс, бұрыс, аралас, ондық)

Процент дегеніміз не?

Пропортция дегеніміз не?

2 ғасырда неше жыл бар? (200)

Бір нүктеден шығып, екі сәуледен құралатын геометриялық фигура. (бұрыш)

Кез – келген екі нүкте арқылы нені жүргізуге болады. (түзу)

Масштаб дегеніміз не?

Бұрышты өлшейтін құрал. (транспортир)

Екі теріс санның қосындысы.

Танбалары әр түрі сандардың қосындысы.

Екі нүкте арқылы неше түзу жүргізуге болады? (1)

Қандай өрнекті әріпті өрнек деп атайды?(құрамында әрпі бар өрнекті әріпті өрнек деп атайды)

Координаталық жазықтықта неше ширек бар? (4)

Таңбалары әр түрлі сандарды бөлу.

Ноль санын қатысты амалдар қолдану.

ІІ бөлім «Тіл - өнер».

Білім деген биік шың,

Бақытқа сені жеткізеді.

Білім деген ақылшың,

Қиындықтан өткізер – дей келе, «Тіл - өнер» деп аталатын ІІ бөлімде жұмбақ, мақал – мәтел не өлең жолдарынан айтылмай қалған сөзді тауып, орысшаға, ағылшынға аударасыздар. Бір тілде жауап берсе 1 ұпай, екі тілде жауап берсе 2 ұпай, үш тілде жауап берсе 3 ұпай.

Осы бөлімнен кейін ұпайы аз 4 оқушы ойынмен қош айтысады.

Жоқ өзінде бас та, қас та, мойын да,

Ұзындығы жазулы тұр бойында. (сызғыш, линейка, a ruler)

Түйеқұс таразыда бір аяғымен тұрғанда 12 кг. Тартады. Ал егер екі аяғымен тұрса, қанша тартады? ( он екі, двенадцать, twelve)

Өзі сөйлей білмейді, салған ізі сөйлейді.(қалам, ручка, pen)

Ел құлағы нешеу? (елу, пятьдесят, Fifty)

Отыз тістен шыққан сөз – неше рулы елге тарайды? (отыз, тридцать, sooty)

Қабат-қабат қаттама, ақылың болса аттама (кітап, книга, book)

Ұпайы аз 4 оқушы шығады. ІІІ бөлім. «Дода»

«Ең қиыны жарыстың «Дода» келді,

Мықтылары қалыпты жеңсін енді.

Тез жауап бер ойланып тұрып қалмай

Осы ойыннан көреміз ерен ерді» - дей келе, сайысымыздың бөлімі «Дода» бөліміне келіп жеттік. Енді «Дода» бөлімінде білімдеріңізді ортаға салуға мүмкіндіктеріңіз бар. Бұл бөлімде 4 тақырып беріледі. Әрбір оқушы көрсетілген ұпайлар бойынша 1 тақырып таңдайды. Дұрыс жауап берсе, сол ұпай қосылады. 1 Қазақтың байырғы есептері 20 30 40 50 2 «Ақбота» есептері 20 30 40 50

3 «Кенгуру» есептері 20 30 40 50

4 Викториналық сұрақтар 20 30 40 50

Қазақтың байырғы есептері: 20-ұпай. Наурыз кезі. Ат жарыс өтуде үш пар ат 60км шауып өтсе, әр ат неше км-ден шабады? (60 км) 3-ұпай. Түйеқұс екі аяғымен тұрғанда бір пұт тартса, бір аяғымен тұрғанда қанша тартады? – деп атасы немересіне қарады. (бір пұт) 40ұпай. Жасы 100ге келген қарттың туған күні 25 рет ғана болған. Оның туған күні қашан? «29 ақпан) 50ұпай. Екі адам тоғыз құмалақты екі сағат ойнайды, әрқайсысы неше сағаттан ойнайды? «2 сағ»