Кім жылдам ойынына арналған ашық сабақ мектепалды топқа

№2 Шұбарқұдық қазақ-орыс ЖББО мектебі

Тақырыбы: Кім жылдам?

Өткізген: Жұмағалиева А.Б.

Мектепалды даярлық класы

2018-2019 о.ж.

Тақырыбы: Кім жылдам?

Білім беру саласы: «Таным» Қарапайым математика

Мақсаты:

1.Білімділік: Балалардың математикаға деген қызығушылығын арттыру, апта күндерін ретімен жаңылмай айтуға үйрету.

2.Дамытушылық: Сандар жайлы түсініктерін дамыту, ойлау қабілеттерін арттыру, Сөздік қорын молайту.

3.Тәрбиелік: Отан сүйгіштікке тәрбиелеу.

Әдістері: Сұрақ-жауап, ойын, түсіндіру, көрсету, сандар, пішіндер.

Сабақтың барысы:

Ұйымдастыру бөлімі, Психологиялық дайындық. Шаттық шеңбері. (слайд)

Күннің нұрын алайық.

Алақанға салайық,

Жиналған жылы шуақты,

Қонақтарға шашайық.

-Балалар бүгін біз математика сабағынан «Кім жылдам?» тақырыбында сыныптан тыс шара өткізгелі отырмыз. Бүгінгі күнге дейін өткен сандарды, есептерді, жалпы білімімізді апайларға көрсетуге дайынсыңдар ма? Олай болса ең алдымен 1-ден 10-ға дейінгі сандарды еске түсірейік. (қазақша, орысша, ағылшынша)

Балалар бүгінгі сабағымыз 5 турдан тұрады.(слайд)

1.Кім шапшаң?

2. Тиісті сандарды жаз.

3.Логикалық есептер.

4.Ұқсас пішінді тап?

5. Математикалық диктант?

1. Кім шапшаң?

Балалар алдарыңызда 0-ден 10-ға дейінгі сандар шашылып жатыр. Сандарды рет-ретімен, қай саннан кейін қай сан тұратынын қойып шығасыздар. Біз бұған асықтарды алып отырмыз. Себебі балалар қазіргі таңда қазақтың ұлттық ойыны асық ату ұмытылып бара жатыр, сол себепті асықтарды алғанды жөн санадым.

2. Тиісті сандарды жаз?

Сандардың қатарындағы жоқ санды тауып жазу. (Плакатпен жұмыс)

3. Логикалық есептер?

- Айгүлде үш мысық,

Айнұрда екі мысық.

Қосқанда барлығын,

Болады неше мысық? 3+2=5

Жүзіп жүр төрт аққу,

Ұшып жүр екі аққу.

Қосқанда екеуін,

Болады неше аққу? 4+2=6

Алма ағашта бес алма

Қандай тәтті жесе алма.

Бесеуінде жеп қойсам,

Қалады сонда неше алма? 5-5=0

4. Ұқсас пішінді тап? (Плакатпен жұмыс)

5. Математикалық диктант сұрақтары.

-Неше басымыз бар?

-Неше аяғымыз бар?

-Бағдаршамның неше түсі бар?

-Екі сиырдың мүйізі нешеу?

-Бір қолымызда неше саусақ?

-Үшке үшті қосқанда нешеу?

- Аптаның неше күні бар?

-Бір қозы мен бір лақтың аяғы нешеу?

- 8ден соң арқашан не тұрады?

-5ке 5ті қосқанда болады екен?

6. Сабақты бекіту: