Кірпіге арналған әшекейлер ашық сабақ 3 сынып

Білім беру салалары: «Шығармашылық»

Бөлім: Сурет

Тақырыбы: Кірпіге арналған әшекейлер (алма, саңырауқұлақтар)

Мақсаты: Кірпіге арналған әшекей салуға қызығушылықтарын арттыру, бояумен сурет салу дағдыларын бекіту. Ұқыптылыққа, әсемдікке тәрбиелеу.

Құрал- жабдықтар: жеке суреттер, үлгі, қылқалам, бояулар,

Сөздік жұмыстар: алма, саңырауқұлақтар

Билингвалдық компонент: кірпі – ежик, алма-яблоко, саңырауқұлақтар-грибы

Әдіс –тәсілдер: жылулық шеңбері ,жұмбақ жасыру ,көрсету-түсіндіру,сұрақ-жауап,өздік жұмыс,ойындар.

Ұйымдастыру

Жылулық шеңбері.

Кел, балалар күлейік,

Күлкіменен түлейік.

Күлкі көңіл ашады,

Көңілді болып жүрейік.

Тосын сәт.

Топқа кірпі келеді. Балалармен амандасып, достарынан адасып қалғанын айтып, балалардан көмек сұрайды.

Тәрбиеші: Балалар, қараңдаршы кірпі сондай көңілсіз, достарынан адасып қалғанға ренжулі, біз оған достарын табуға көмектесіп, көңілін көтеріп,оған сыйлық ретінде әшекей жасап берейік.

Тәрбиеші: -Кірпі қайда тұрады?

Балалар: кірпі орманда тұрады.

Тәрбиеші: дұрыс айтасыңдар, кірпі орманда тұрады, ал сендер білесіңдер ме ол нені жақсы көреді?

Балалар: Кірпі алма мен саңырауқұлақты жақсы көреді.

Сөздік жұмыс: алма, саңырауқұлақтар

Балалардан алма мен саңырауқұлақтардың пішіндерін, түстерін сұрай отырып, салыстырып, беттестіру.

Үлгі бойынша жұмыстар жүргізу.

Кірпіге сый ретінде алма мен саңырауқұлақтардан әшекей жасау жолдарымен таныстыру алма мен саңырауқұлақтардың суретін үзік сызықтарды қылқаламның ұшымен қосу арқылы салуды ұсыну.

Өздік жұмыс.

Қауіпсіздік ережесін еске түсіру.

Сергіту сәті

Алма баққа барайық,

Алма жинап алайық,

Ең үлкенін дәмдісін,

Анамызға сыйлайық.

Алма мен саңырауқұлақты.

Тәрбиешінің көмегімен үзік сызықты қылқаламмен қосу арқылы алма мен саңырауқұлақтың суретін салады.

Кірпіге әшекейді сыйлау.

«Кім жылдам?» (ойынның шартын түсіндіру)

Кірпі балалармен қоштасып, рахмет айтады.

Қорытынды.

-Балалар бүгін бізге не қонаққа келді?

- Біз оған қалай көмектестік?

-Әшекейді нелерден жасадық?

Мінеки, балалар бүгінгі оқу іс-әрекеті осымен аяқталды. Сендерге оқу іс-әрекетіне белсенділік танытқандарың үшін көп рахмет! Сау болыңдар!