Кітап ақылдың сөнбейтін шамшырағы 1 сынып

«№29 С.Сейфуллин атындағы жалпы орта мектебі» коммуналдық мемлекеттік мекемесі

Баяндама

Кітап ақылдың сөнбитін шамшырағы

кітапханаға саяхат

Орындаған кітапханашы: Қ.Хусайынова

2018 оқу жылы

Кітап-күш.Кітап-құдірет.Рухани дүниеңді байытатын,дүниетанымыңды кеңейтетін де кітап.Кітапта ғана шекара жоқ.Алғашқы Алланың сөзі де адамзатқа кітап болып түскен.Кітаптың құндылығын қоғам мен адамның бөліп қарауға болмайды.Кітап туралы сөз болғанда міндетті түрде автор мен оқырман арасындағы алтын көпір кітапхананың орны ерекше.Рухани байлықтың алтын кені – кітапхана.

Ежелде,бізге ертегі сияқты көрінгенімен қай ел болмасын кітапханасымен мақтанған екен.Елін аздыру үшін кітапханасын өртеген.Осыдан ақ ол кездегі кітапхананың рөлін айқындай беріңіз.Есігімізде жиырма бірінші ғасыр,көштен қалмай технологияның үздік үлгілерін пайдаланып,жұмыс жүйесіне енгізу заман талабы,бірақ,қанша ғалымданып жатсақ та кітаппен онша сырласып,тілдескенге не жетсін.Бір кітапты ашсаңыз-бір әлем.

Асқар Алатаудың етегінде еркелеп жатқан әсем шаһар Алматыда еліміздің әдеби,мәдени ортасы қалыптасқан.Осы ортаның жиі бас көтерер жері де кітапхана ғой.Қала әр түрлі деңгейдегі,өз оқырманы қалыптасқан кітапханалардан кенде емес.

Алматы қаласындағы осындай ірі кітапханалардың бірі-Жамбыл атындағы Мемлекеттік жасөспірімдер кітапханасы.1976 жылы құрылған кітапхана үш жүз мыңға жуық кітап қоры,жиырма мыңнан аса оқырманы бар.Оқу залы мен мерзімді басылымдардың секторы, «Құқықтық білім орталығы» секторы,абонементтер бөлімі,ақпараттық-библиографиялық қызымет,әлем әдебиеттері мен тілдері орталығы,кітап қорын толықтыру және әдебиеттерді өңдеу бөлімі,кітап қорын толықтыру және әдебиеттерді өңдеу бөлімі,кітап қорын сақтау,кітапхананы дамыту және әдістемелік жұмыс бөлімдері бүгінде оқырмандарына заман талабына сай қызымет көрсетіп жатқан жайы бар.

Елбасымыз Н.Ә.Назарбаев Қазақстан халқына жолдауында ел тұтқасын ұстар кадрлар даярлау туралы айтқан еді.Осы орайда жасөспірімдер кітапханасы барлық мемлекеттік маңызы бар бағдарламаларды назарын тыс қалдырмай,сол бағдарламалар бойынша жұмыс істеп,оқырмандарына дер кезінде ақпарат беріп отырады.Кітапханада көпшілік іс-шаралар өткізу жақсы жолға қойылған.Оқырмандарына қырық жылға жуық қызымет көрсетіп келе жатқан қара шаңырағымызда еліміздің жақсысы мен жайсаңы бас қосып,оқырмандарымен жүздесіп отырады.Белгілі қоғам қайраткерлері,қаламы қарымды жазушыдан бастап аузын айға білеген ақындар,әнші,күйші,жыршы,өнертанушы,журналистер қауымы да оқырманмен ой бөлісер кітапхананың жиі қонақтары.Мақсат – біреу,жас өскінді сөз құдіретіне жетелеу.Кітап деген құдіретті күштің әлемін ашуға,тануға құштарлығын ояту.Білім-қару екенін сезіндіру.Рухы мықты елдің болашағы зор.Сөз қадірін түсінетін,білімнің сан саласымен сусындаған жас ұрпақтан жаман адам,нашар маман шықпасы мәлім. «Білімді мыңды жығар» деген аталы сөзімізді күнделікті ұранға айналдыру.

Кітапхананың әр бөлімі өз бағытымен жасөспірімдерге қызымет жасайды.