Кітап – білім бұлағы тақырыбындағы кітапхана материалы

СОЛТҮСТІК ҚАЗАҚСТАН ОБЛЫСЫ

ПЕТРОПАВЛ ҚАЛАСЫ

«№7 ОРТА МЕКТЕБІ» КММ

Елбасы Н.Назарбаевтың «Болашаққа бағдар: рухани жаңғыру» бағдарламасы аясында ел болашағы жастардың білім алуына, алдыңғы қатарлы мемлекеттердің озық тәжірибелерін оқу үрдісіне енгізу бағытында атқарылуға тиіс «100 жаңа оқулық» жобасын жүзеге асыру жұмыстары жан – жақты пысықталған болатын.

Елбасының арманы – гуманитарлық білімнің барлық бағыттары бойынша әлемдегі ең жақсы 100 оқулықты әртүрлі тілдерден қазақ тіліне аударып, қазақ елінің жастарына дүние жүзіндегі таңдаулы үлгілердің негізінде білім алуға мүмкіндік жасау, алдағы бірнеше жылдың үлесіндегі ең таңдаулы жұмыс жобалардың мақсат – міндеті болып табылады.

Білім саласындағы жаһандық бәсекеге неғұрлым бейімделген мамандарды даярлау – болашаққа жасалатын ең басты бағдар. Сондықтан әлемнің үздік 100 оқулығын Ұлы дала елінің тілінде сөйлету әрине құптарлық дүние. Ол үшін мемлекет тарапынан барлық мүмкіндіктер жасалып жатыр. Бұл ауқымды жоба өз жемісін бере бастады.

Қазақ тілі мен әдебиет пәні мұғалімі: Тасимова Айымгүл Қаршығақызы

2018-2019 оқу жылы

Сабақтың тақырыбы: Барлығы өзіңнен басталады.

Сабақтың мақсаты мен міндеттері: - оқушылардың анықтамалық құралдармен, сөздіктермен жұмыс істеу білігін дамытуға ықпал ету; - оқушылардың кітапқа ұқыптылықпен, құрметпен қарауына әсер ету; - білімге және кітап оқуға қызығушылығын арттыруға себеп болу; - оқушылардың тез шешім қабылдау қабілетін, тіл байлығын дамыту. Сабақ түрі: сайыс-сабақ.

Көрнекілігі: Кітап жайлы жазылған плакаттар, суреттер.

Сабақ-сайыс кезеңдері:

1 кезең. «Кітапхана –кітап үйі» сұрақ-жауап.

2 кезең. «Кім тез?» балалар энциклопедиясымен жұмыс.

3 кезең. Кітапты ұстау бойынша пікірталас.

4 кезең. Түсіндірме сөздігімен жұмыс.

5 кезең. «Кітап - біздің досымыз» тақырыбында шығарма.

6 кезең. Кітап тарихына байланысты сауалнамалық сұрақтар. Барысы. І. Ұйымдастыру кезеңі.

Оқушыларды ортаға шақырып, қазақ, орыс, ағылшын тілдерінде амандастырамын. Топтарға бөлу мақсатында оқушыларға қима қағаздар таратылады.

Қызығушылықтарын ояту.

Қалай ойлайсыңдар, балалар, мен неге сендерге мына кітаптардың суреттері бар қима қағаздарды тараттым.

(Оқушылар өз ойларын айтады).

Ендеше, бүгінгі тақырып не жайында болады деп ойлайсыңдар?

(Оқушылардың жауабы).

Дұрыс айтасыңдар, бүгінгі біздің тақырыбымыз

Кітап та алма ағашы,Жемісін біздер теретін.Тәтті алмаға балашы,

Кітабыңның әр бетін,- деп Мұзафар Әлімбаев атамыз жырлағандай, білім көзі, рухани қазына – кітап жайында болмақшы.(Оқушылармен топ-топпен бөліп отырғызамын.

1 топ – «Қалың елім, қазағым», 2 топ – «Евгений Онегин», 3 топ – «Братья Гримм»

Біз кітап арқылы бастауыш мектептің өзінде - ақ бүкіл адамзат өмірімен танысамыз. Кітап білімімізді молайтады, кітаптан көп өнеге мен тәрбие аламыз. Оқығаның, тоқығаның көп болса жеңбейтін жау, алынбайтын қамал жоқ. Дана халқымыз «Білекті бірді жығады, білімді мыңды жығады» деп бекер айтпаса керек демекші, «Барлығы өзіңнен басталады» атты тәрбие сағатымызды бастауға рұқсат етіңіздер.

2 - бөлім. Кіріспе.

«Тек кітап қана алға жылжуды, адамдық шыңына шығуды үйретеді» - деп Н.Ә.Назарбаев атап көрсеткендей, ілім-білімнің сарқылмас қазынасын кітаптан аламыз. Адамзат баласының жер басып өмір сүрген уақытынан, бүгінгі күнге дейінгі басты үш құндылығы: білім, ғылым және өнер. Ал осы құндылықтардың қыр-сырын түсінуге қол ұшын беретін алуан түрлі жаңалықтарды ашуға апаратын бірден-бір жолдың ордасы – кітап.ІІ. Топтарды таныстыру.

1 топ - «Қалың елім, қазағым» тобының ұраны: « Талап қыл артық білуге,

Артық білім ғылымда». Абай.

2 топ - «Евгений Онегин» тобының ұраны:«Оқу –білім қазығы,

Адамның азығы.

Оқу өмірдің сәні

Тіршіліктің шамы». С.Сейфуллин.

3-топ – «Кел, балалар, оқылық,

Оқығанды көңілге,

Ықыласпен тоқылық». Ыбырай Алтынсарин.1 кезең. «Кітапхана –кітап үйі» сұрақ-жауап.

Екі топқа кезекпен сұрақтар қойылады. Сұрақтар экраннан көрсетіледі. Бірінші топ жауабын білмесе, екінші топ жауап береді. Толық жауапқа - 2 ұпай, толық емес жауапқа – 1 ұпай.

1.Таусылмас байлық, сарқылмас қазына (кітап).

2. Кітап үйі -... (кітапхана).

3. Кітап құрылысы (кітап сырты, мұқабасы, титулдық бет, форзац)

4. Титулдық бетінде қандай мәліметтер бар? (авторы, аты, баспаның аты, шыққан жылы).

5. Аннотация деген не? (кітап туралы қысқаша мәлімет).

6. Аннотациядан басқа тағы қандай кітап туралы мәліметтер бар? (алғы сөз, безендірілуі, мазмұны).