Кітап білім бұлағы тәрбие сағаты 4 сынып

Қазақстан Республикасы Білім және ғылым

министрлігі №28 жалпы орта мектеп

Бекітемін Мектеп директоры:

Қ.Ж.Құрманбекова

_________________ « » сәуір 2016 ж.

Сыныптан тыс ашық тәрбие сағаты

Тақырыбы: «Кітап – білім бұлағы»

Сынып: 4 «Ғ» Сынып жетекшісі: Абишева М.

Шымкент 2016 ж.

Тақырыбы: « Кітап – білім бұлағы» Сабақтың мақсаты: Білімнің кітап арқылы берілетінін ұғындыру. Кітаптың адам өміріндегі маңызы, ғылым мен білімнің пайдасы жайлы түсіндіру. Кітапқа деген қызығушылығын арттыру. Оқулықтарды күтіп ұстауға үйрету. Көрнекіліктер: Кітап көрмесі, кітап туралы жазылған қанатты сөздер, ескі және жаңа оқулықтардың көрмесі. Жазылған қанатты сөздер: «Артық ғылым кітапта, ерінбей оқы көруге» (Абай Құнанбаев) «Кітап- ғасырдағы жол шеккен ақыл ескерткіш» (Давенанд) «Кітап маған тақтан да қымбат» ( У.Шекспир) «Кітапсыз өмір сүру қиын» (Ахмет Байтұрсынұлы)

Сабақтың барысы: Ұйымдастыру кезеңі: Оқушыларды топқа бөлу. Кітап баспаларының атауымен. Оқушылар бір-біріне жақсы тілектер айту. Бүгінгі «Кітап білім бұлағы» атты тәрбие сағатын Ахмет Байтұрсынұлының өздеріңе таныс өлеңімен бастайын. Балалар, бұл жол басы даналыққа, Келіңдер, түсіп байқап, қаралық та, Бұл жолмен бара жатқан өзіңдей көп. Соларды көре тұра, қалалық па?! Даналық – өшпес жарық, кетпес байлық, Жүріңдер, іздеп тауып алалық та? Балалар, ең әуелі жұмбақ шешуден бастайық. 1. Үндемес серік, ақылы берік. ( кітап) 2. Қабат – қабат қаттама, ақылың болса аттама. ( кітап) 3. Бір ғажап бар, тілі жоқ, сөйлесем десең міні жоқ. ( кітап) ( Оқушылар жұмбақты шешеді) Құрметті балалар, мен жұмбақпен тегін бастап тұрған жоқпын. Бүгінгі әңгімеміздің өзі кітап жөнінде болмақ. Ал, 2 сәуір – “Халықаралық балалар кітаптарының күні”, ал 23- сәуір -”Дүниежүзілік кітап күні”болып табылады. Кітап – адам баласы ақыл ойынан туған рухани байлықты сақтап, оны

ұрпақтан-ұрпаққа жеткізіп отыратын, білім және тәрбие беретін құрал. Ол адамзат жасаған ең ұлы кереметтердің бірі, халқымыз кітапты аса құрметтейді. Кітап адамның дүниетанымын кеңейтеді. Біз кітаппен күн сайын кездесеміз. Ертегі әңгімелермен сыр шертетін кітаптар біздің ең жақын ақылшымыз. Кітап адам баласының ақыл-ойынан туған байлықты сақтап, оны ұрпақтан-ұрпаққа жеткізіп отыратын, білім және тәрбие беретін құрал. Кітап - сенің ақылшың, досың, сырласың. Ең алғаш дүниеге келгенде анадан тәрбие аласың, ал алғаш мектеп табалдырығын аттап, алғаш қолыңа кітап ұстағанда кітаптан білім аласың. Алғаш жазу жаза аласың, әріп тани

білесің. Ал, оның бәрін кім үйретеді? –Ұстаз. Ендіше сол ұстаздарға тағзым етейік. І топ: Кім біледі, балалар! «Кітап» деген сөз қайдан шыққан? Қандай мағына береді? Кітап туралы не білеміз? Кітап – араб сөзі, “жазба”, ал түрікше “дәптер”,”мерзімді баспасөз басылымы”деген сөз. Кітап өмір айнасы, замана сыры, тарих шежіресі, оқу, тәрбие құралы. Түркі халықтарының көне жазба ескерткіші.( слайд) “Папирус” кітабы.( слайд) Мысырда жазуға папирус қолданыла бастады. Кітап “Папирус”деп аталатын су өсімдігінен дайындалған материалға жазылып, жұмыр таяқшаларға шиыршықтап оралды. “ Пергамент” кітабы.( слайд) Кітап басу цехы.( слайд) Түптеу цехы.( слайд) Алғашқы кітап баспасы ағаштан жасалды. Қазақ кітап баспасы Ресейге қосылған соң қалыптасты. Тұңғыш қазақ кітаптары 1800 жылы шығарыла бастады. ІІ топ: Кітаптың құрылымымен таныстыру: 1. Мұқабасы, 2. Беттері, 3. Кітаптың не туралы екендігін түсіндіретін аннотациялық анықтама, 4. Баспаның аты, шыққан жылы және авторлары, 5. Мазмұны. ІІІ топ: Мұғалім: Балалар, кітаптарда ауырады екен. Сол зиянды болдырмау үшін мынандай ережелер бар екен. Есіңе сақта!

1. Кітапты ұқыпты, таза ұстау керек. Өздеріңнен кейін оны көптеген балалар оқитынын есіңнен шығарма 2. Кітапты төсекте жатып, ас ішіп отырып оқыма, кітап оқуды үлкен ой еңбегімен оқу керек 3. Кітапты қалай болса солай оқыма. 4. Кітапты жыртуға, сызуға болмайды. 5. Кітапханада шулауға болмайды, өйткені басқаларға кедергі келтіресің. 6. Кітап бетіне сурет салма! ІV топ: Мақал-мәтелдер 1.Оқу - білім азығы, Білім – ырыс қазығы. Білім басы - бейнет, соңы - зейнет. 2.Кітап білім бұлағы-білім өмір шырағы 3.Кітап-ақыл ойдың айдыны 4.Кітапсыз үй-терезесіз бөлме

5.Кітап жинай берген мұрат емес,оқыған мұрат 6.Көп жасаған білмейді,көп оқыған біледі 7. Өнер - ағып жатқан бұлақ, Ілім - жанып тұрған шырақ. 8.Кітап - алтын қазына. 9.Кітап-ғылым - тілсіз мұғалім. Шығармашылық кезеңі: Көрініс: «Кітап мұңы» Енді Т.Дәуренбеков ағаларыңның «Кітаптар мұңы» әңгімесіне құлақ асайық. Мектептің отын қоймасына біреу бір құшақ кітап әкеліп тастады. Есік қайта жабылуы мұң екен, шеткеірек түскен бірі басын көтеріп алды. «Қайда келдім?» дегендей жан-жағына қарап сәл отырды да, жанында жатқан көршісін түртті. Ол қозғала қоймап еді, жұлқып-жұлқып қалды. Еңбекке баулу: -Ей, тұрсаңшы! Қайда келдік? Тірімісің өзің? Дүниетану: -Ой, мазамды алма. Бүйткен тірлігі құрысын! Мұнан да парақтарымның пәре-пәресі шығып ұшып кеткені жақсы еді. Өзін-өзі тану: -Не боп қалды? Жалғыз сенің басыңа келді деймісің бұл қасірет. Биылғы оқу жылын зорға аяқтап шықтық. Басыңды көтер. Жөн сұрасайық. Кімсің өзің? Сыртың бүп-бүтін ғой. Әдебиет: -Сыртымды қайтесің?! – деді анау жер таяна орнынан әрең тұрып. Сыртым бүтін болғанмен ішім түтін. Әдебиет оқулығымын. Мен үшін авторлар түн ұйқысын төрт бөліп, қанша қызмет етті десеңші! Баспа қызметкерлері әрбір

әрпімді жекелей теріп, көз майын тауысып па еді? Сонда кім үшін? Балалар оқысын, сауатын ашсын, адам болсын деген ізгі ниет еді ғой бәрінікі. Мен де, қолымнан келгенше, өз бойымдағы білімді беріп, балаларды адамгершілік парасатқа тәрбиелеуге тырысып бақтым. Сөйткен күнім не болды? Сорым қайнағанда, Адырбай деген баланың қолына түсіп, бір жыл болмай мына күйге ұшырадым. Егер, күтіп ұстаса, келер жылы мені басқа балалар оқымас па еді? Қайтейін, өткен күнім есіме түссе, сай-сүйегім сырқырайды. Іші бауырымнан сау жерім қалмады. Жыртылмаған,, шимайланбаған, сия тамбаған парағым кемде-кем. Бейнелеу өнері: Біздің де оңып тұрған жеріміз жоқ, әріптесім. Ендеше, мұңдас болдық. Мен «Бейнелеу өнері» оқулығы боламын,- деді бірінші кітап. Сотқарбай деген баланың меншігіне тидім. Әдепкіде оқулық болып болып, мектеп босағасын аттамағаныма қуанған едім. Оным көпке бармады. Бірнеше күн өтпей-ақ, Сотқарбай көзімді бақырайтып қойып, суретімді сиямен бастырып-бастырып сызып тастады. Онан көтеріп жүруге ауырсынды ма, кейде өзіне керекті бір беттерді жыртып алатынды шығарды. Оқу жылы аяқталған күні мектеп ауласында доп қылып тепкілеп- тепкілеп, сілікпемді шығарды да, тастап кетті. Информатика: -Әріптесте

Қазақстан тарихы: -Дұрыс айтасың, «Информатика»,- деді қаракөлеңкелеу жерде жатқан бір кітап. -Менің оқушым үйінде парақтарымды жыртып алып, кептер жасап ойнағанда қой демейді ғой үлкен ағасы. Сондағы сылтауы: «Оқу жылы аяқталды» -деді. Русский язык: - шындығын айтқанда, әркім өз дүниесіне ұқыпты болуы керек қой. Ондай балалар жоқ та емес,, бар. Бар емес-ау, көп. Алайда олардың бір кемшілігі –Адырбай мен Сотқарбай сияқтыларға достық ақыл айта алмай келеді. Мысалы, менің өзім сияқты құрдасым болды. Екеуіміз – мектеп кітапханасына бір күнде түстік. Қызық болғанда, сыныпта да парталас болдық.. Міне, оқушы деп оның иесін айт. Қазақ тілі: - Ондай баланың қолына түссең, арманың болмас шіркін! Кітабыңа шаң жуытпайды. Керек бетін белгілеу үшін,