Кітап жазу бала күнгі арманым тақырыбындағы мақала

«Кітап жазу – бала күнгі арманым...»

Менің кішкентайымнан кітап жазуға деген құлшынысым бар. Осы жолда бірнеше кітап жазып бастадым. Ең алғаш ертегі жаздым, бірақ байыпты қарамадым, бала болғандықтан шығар. Уақыт өте келе, тағы да кітап жаздым, аяғына дейін апармадым, себебі «кітап жазуын жазамын, кім оқиды?», «кім үшін кітап жазамын?», «менен әйгілі жазушы шығады ма, жоқ па?» сынды сұрақтар құлшынысымды сөндіріп тастады. Шынында да, кім үшін жазамын, оқырмандарым кім болады деген сұраққа әлі күнге дейін жауап жоқ. Кітап жазу барысын Tik Tok желісіне салып, оқырман жинасам болар еді, бірақ «ертең күлкі болып, барлығы мазақтап жүрсе қайтемін» деген ойлар артқа тартты.

Бір күні сыныпта оқитын қыздармен бірге кітап жазамыз деп шешім қабылдап, «Ағынның қатігез өмірі» атты шағын кітапша жазған болатынбыз, көлемі бар жоғы жиырмадан асады. Сыныптағы қыздармен кітап жазамыз деген ой бөлек әңгіме. Қателеспесем бесінші сыныпта болуы керек, қиялданып ақын боламыз, өлеңдер құраймыз, кітап жазамыз, жазушы боламыз деп талай жанталасқан болатынбыз. Бір аптадай жанталасып барлығы жайында қалды. 2023 немесе 2024 жылы Роза Мұқанованың «Мәңгілік бала бейне» әңгімесінің идеясын ала отырып «Аймен тобысқан тағдыр» атты кітап жазып бастадым. Мұқабасын салып, интернет желісінен түрлі иллюстрациялар алып қатты кіріскен едім. Жазып жатқан ноутбугымның кодын ұмытып қалып, жадын жою керек болып кітапты өшіріп алған едім. Сонда да қоймай, өзім түскен «Мейрам балалар киностудиясының» «Вирус» киносының кітап нұсқасын жазып бастадым, жартысына жетпей құлшынысым қалмады. Уақыт өте келе тағы да кітап жазамын деп «Вирус» киносының идеясын алып «Vir147» атты кітап жазып бастадым. Ол да аяғына жетпеді, бірақ «Қазақстан балалары шексіз әлемде!» фестиваліне қатысатын болып сол кітапты аяқтап кино ретінде түсірген болатынмын.Әзірге осы кітаппен тізім тоқтап тұр. Тағы да кітап жазуға

Сарышаған кенті, «Сарышаған мектеп-интернаты» КММ-нің 10 «А» сынып оқушысы Алижан Ерболат