Кітапхана колледждің ақпарат орталығы туралы мақала

Әбдіжапбар Нұрсұлу Берікқарақызы

Шиелі индустриалды-аграрлық колледж кітапханашысы

Кітапхана-колледждің ақпарат орталығы

Кітапхана - дүниеде ештеңе теңестірілмейтін білім бұлағының көзі. Қоғамның өсуі, адамзаттың өсіп-өркендеуі кітаппен тығыз байланысты. «Кітап - білім бұлағы» демекші, осынау білімнің тұнық та мөлдір бұлағынан шәкірттерді сусындатып, олардың рухани дүниесін молайтып, тағылымы мол тәрбие ошағына айналып отырған кітапхананың оқу орнында алар орны орасан зор.Біздің Шиелі индустриалды аграрлық колледж кітапханасында қазіргі таңда 14074 кітап қоры бар. Оның ішінде әдеби кітап-1629 дана, техникалық кітап- 7301 дана, 5065 дана жалпы пән оқулықтарымен қамтамасыз етілген. Электронды оқулықтар – 63 дана. Кітапханада Wi-fi жұмыс істеп тұр. Жылдамдығы 100 Мбит/с дейін. Кітапхана жатақхананың ашылуына байланысты кешкі сағат 20.00 дейін жұмыс жасайды.

Биыл біздің колледжге 60 жыл толып отыр. Қазан айында коллеждің 60 жылдығы аудан көлемінде аталып өтті. «Білімнің мерейлі мекені» атты кітаптың тұсауы кесілді.

60 жылдан аса тарихы бар оқу орнының кітапханасында көптеген іс-шаралар өткізіліп, көрмелер ұйымдастырылады. Қазіргі кезеңде мәдениет саласы адамдардың өскелең талабын қанағаттандыруға, рухани байлығын, жалпы қабілетін дамытуға, жоғары эстетикалық талғамын қалыптастыруға тиісті болса, бұл міндеттерді іске асыруда кітапханалардың алатын орны ерекше. Өткізіп жатқан іс-шаралар, кітап көрмелері баршылық, ал біздің мақсатымыз-оларды тек бір атқарылды деген белгі үшін емес, жалпы оқырмандар сусындайтындай, ой-пікір туғызатындай етіп өткізу. Кітапхананы шынайы мәдениет ошағына айналдыру.

Жас ұрпақтың санасында туған халқына деген құрмет пен мақтаныш сезімін ұялатып, ұлттық рухты сіңіру, сондай-ақ ана тілі мен әдебиетін, тарихы мен өнерін қастерлеп, халықтың салт-дәстүрін аялай, ардақтай білуде тәрбиелеу кітаптың еншісінде. Колледж кітапханасы кішкентай болғанымен, атқарар қызметі үлкен. Кітапханаға оқушылар келіп, қажетті әдебиеттерін жазғызып алып отырады, білімдерін толықтырады. Бұл орын оқушылардың шығармашылық жұмыстарымен шұғылдануына көп ықпалын тигізеді. Елміздің азаматтары қазіргі заманға сай білімді, мәдениетті, өнерлі болуы қажет. Ол үшін терең білім, ғылым жаңалықтарын, өткен тарихымызды, өнерімізді білу үшін кітапты көп оқу керек.

Кітап –адам өмірінде маңызды роль атқарады. Ол елді, жерді сүюге, талапты, кішіпейіл болуға, мейірімділікке, төзімділікке баулиды.Кітап жаман әдеттерден аулақ болуға үйретеді.…