Көкөністердің пайдасы тақырыбындағы тәрбие сағаты

Күні:

10.02.2022 жыл

Сыныбы :

5 «Б»

Өткізген:

Шәбден Жұмәділ Қайсарұлы

Тақырыбы:

«Көкөністердің ағзаға тигізер пайдасы»

Мақсаты

Денсаулық адам баласының азбас қазынасы, өмірінің тірегі екенін ұғындыру. Көкөністердің адам денсаулығына тигізер пайдасы туралы білімдерін кеңейту.

Міндеті

Салауатты өмір салты қағидаларын ұстана отырып, өз денсаулықтарына көңіл бөлуге шақыру. Тапсырмалар арқылы оқушылардың танымдық қабілетін, ойлау, сөйлеу дағдыларын дамыту, денсаулық туралы түсініктерін кеңейту.

Сілтеме

Салауатты өмір салты-бұл ең әуелі денсаулықты сақтауға және нығайтуға бағытталған сауықтыру жолындағы белсенді іс-әрекет.

Денсаулық сақтау шаралары:

Қимыл белсенділігі: бұл салауатты өмір салтын қалыптыстырудың негізгі шарты болып табылады. Ол өмірлік маңызды мүшелердің және мүшелер жүйесінің қызметін жақсартады. Сондықтан салауатты өмір салтын қалыптастыруда үлкен рөл атқарады. Қозғалыс белсенділігін дұрыс ұйымдастыру организмның өсу мен дамуына белсенді ықпал етеді, организмның жұмысқа қабілеттілігін жоғарылатады, әр түрлі ауруларға төзімділігін арттырады.

Организмді шынықтыру: әр түрлі аурулардың алдын алу үшін организмді үнемі шынықтыру қажет. Шынығудың арқасында организм қоршаған ортадағы температураның күрт өзгеруіне бейімделеді және организмнің жұқпаларға қарсылығын жоғарлатады. Шынықтыру емшараларын таңдау кезінде адамның жасы, денсаулығы, шынығуға бейімделу дәрежесі жәте т.б жеке ерекшеліктерін ескеру қажет.

Дұрыс толыққанды тамақтану: денсаулықты сақтауда уақытымен және дұрыс тамақтанудың маңызы зор. Жүріп бара жатып, кітап оқып отырып, теледидар алдында тамақтануға болмайды. Майлы, тұзды, тәтті тағамдарды шектеген жөн. Тамақты аса көп жеуге, ұйықтар алдында тамақтануға болмайды. Тағам әртүрлі сапалы экологиялық таза болуы тиіс. Төрт мезгіл тамақтануды сақтай отырып, белгілі бір сағаттан аз қабылдаған дұрыс.

Сабақ кезеңдері

Тәрбиешінің іс – әрекеті

Оқушылардың

іс – әрекеті

І.Ұйымдастыру

Оқушылар арасында ынтымақтастық атмосферасын қалыптастыру

Шаттық шеңберіне тұрғызады.

Топқа біріктіру

І.Денсаулық (Денсаулық – ел байлығы)

ІІ.Спорт (Шынықсаң – шымыр боласың)

ІІІ.Дәрумендер (Ас – адамның арқауы)

Оқушылар шаттық шеңберіне тұрады

ІІ.Қызығушылығын ояту

Сұрақ бізден - жауап сізден

Адам денсаулығына не қажет деп ойлайсыңдар?

Денсаулық пен тамақтану арасында қандай байланыс бар?

Дәрумендерді қайдан аламыз, қандай түрлері болады?

Адамның салауатты өмір сүруіне не кедергі болуы мүмкін?

Гимнастикалық жаттығулардың қандай пайдасы бар?

Берілген сұрақтарға жауап береді.

III.Мағынаны тану

І. Ойлы болсаң, озып көр

Көкөністер мен жемістер адам денсаулығына қажетті дәрумендердің қоры. Дәрумендер-тағаммен белгілі мөлшерде түсетін қалыпты зат алмасуға, өмір сүруге керек органикалық зат.

Адам ағзасына керекті дәрумендер.

«Көкөністер айтысы» көрініс.

ІІ. Тапқыр болсаң, тауып көр.

(Денсаулыққа байланысты мақал-мәтелдердің жалғасын тап, мағынасын түсіндір)

1. Бірінші байлық - ......

2.Көзің ауырса қолыңды тый, ...... ......

3. Ұйқы – тынықтырады, ...... - ....... ......

4.Тазалық – саулық негізі, ...... - ...... ......

5.Жан ауырса – тән азады, ...... ...... ...... ......

6.Жалқаулық - ...... ......

7.Әлсіз денеге - ...... ......

8. Сұрап алған аурудың ...... ......

ІІІ. Мықты болсаң,шешіп көр.(Жұмбақ шешу)

1.Бойын жерге жасырған, бұрымы бар жасылдан.

2.Қалың киімді ұнатады, шешіндірсең жылатады.

3.Аласа ғана бойы бар, қабат-қабат тоны бар.

4.Әр желінің асты толған көк қоян,

жаз болғанда көк қоянды жеп қоям.

5.Тігіп алып көк шатыр, қызыл күрең доп жатыр.

6.Аласа талда, алуан алма, а лқызыл болмай аузыңа салма.

Топтық жұмысты орындайды

Сахналық көрініс көрсетеді

Мақал-мәтелдің жалғасын тауып, мағынасын түсіндіреді

Жұмбақтардың шешуін табады