Көктем аруы 2025 балабақшаға арналған ойын сценарийлері

ҚАРАҚИЯ АУДАНЫ ӘКІМДІГІНІҢ «ҒАРЫШКЕР»БАЛАБАҚШАСЫ

МЕМЛЕКЕТТІК КОММУНАЛДЫҚ ҚАЗЫНАЛЫҚ КӘСІПОРЫН

« КӨКТЕМ АРУЫ- 2018»

(Балабақшаішілік сайыс)

Дайындаған:Нурбатырова С

Жетібай ауылы

2018 жыл

Мақсаты: Қыз балалардың жан дүниесіндегі көркемдік талғамын калыптастыру; балалардың танымдық және шығармашылық қабілетін, эстетикалық талғамын,шеберлігін дамыту; көпшілік алдында өзін-өзі ұстай білуге, әдептілікке,мейірімділікке,сұлулыққа тәрбиелеу.

Көрнекілігі: Зал іші мерекеге сай безендірілген, әр түрлі суреттер,үнтаспа т. б.

Жүргізуші:Қайырлы күн! Армысыздар құрметті тәрбиешілер мен бүлдіршіндер!

Біздерде ойын - сауық басталады, Тамаша би билейді ән салады. Қошеметтеп, қол соғып отырайық, Ұмытарсыз күні бойғы шаршағанды - дей отырып

балабақша ішілік тәрбиеленушілері арасындағы «Көктем аруы-2018» сайысына қош келдіңіздер

Жүргізуші: Қыз сыны,қыз өнері,қыз әдебі,

Тал бойына жарасқан күллі әлемі.

Бір көріп таң қалдырмай сахнада,

Өмірде сақталсыншы бұл әдебі-дей отыра ару қыздарымызды ортаға қошеметпен шақырайық. .Қарсы алыңыздар!

( Бүгінгі сайысымыздың ару қыздары ) 1 - ару: «Жұлдыз» тобының өзі сыпайы, өзі әдепті, өнерлі аруымыз Темірхан Саягүлді қошеметпен қарсы алайық.

2 - ару: «Балдырған» тобының баппен сөйлеп, биязы күліп, жүзі жылы, өзі ұяң аруымыз Ниетбай Айжанды қол соғып ортамызға шақырайық.

3 - ару: «Балапан» тобының тақпақ айтып тақылдайтын, сабырлы да сұлу аруымыз Марат Айаруды қошеметпен қарсы алайық. 4 - ару: «Күншуақ» тобының өзі пысық, өзі келбетті, биші аруымыз Дүйсенбай Айдананы қол соғып ортамызға шақырайық. 5 - ару: «Қызғалдақ» тобының сөзі салмақты, ісі тиянақты, ақылды ерке аруымыз Жамбылқызы Ажарды қол соғып қошеметпен ортамызға шақырайық.Жүргізуші:Өнерпаздар өнерін салыстырып,

Бәйге үшін терлетер шабыстырып

Әділдікті қолдайтын баға беріп,

Жіберейік әділқазыларды таныстырып.

«Ғарышкер» балабақшасының директоры: Қаламбаева Гүлшат Серікқалиқызы

Бейнелеу пәні маманы: Тоқтағанова Алтынай Қаржауқызы

Білімді оқыту: Бердіқожа Бибіфатима Ханназарқызы

Осы мерекеден «Көктем аруын» тағайындауымыз қажет. Шарттарды бұлжытпай орындаған бүлдіршінді «Көктем аруы-2018» етіп тағайындаймыз.Ендеше бүгінгі сайысымыздың шарттарымен таныс болыңыздар!Сайысымыз 5 кезеңнен тұрады.

1 - кезең: Таныстыру (өздерін таныстырады)2 - кезең: Өнер (әртүрлі жанырда өнер көрсетеді)3 - кезең: Сұрақ-жауап (сұрақтарға жауап береді)

4 - кезең: Қолөнер (көктем мезгіліне байланысты) 5 - кезең: Сән үлгісі (қолдан тігілген жарасымды киім үлгілерін көпшілікке ұсынады)«Көктем аруы » байқауының үміткерлеріне ақ жол тілеп қошемет көрсетіп,сахна сыртына шығарып салайық.

І.Сайысымыздың алғашқы бөлімі«Таныстыруға» кезек берейік.Байқауымыздың бұл бөлімінде бүлдіршіндеріміз өзін өзі таныстырады

Өнер қуып арулар өтер дейміз,

Бір басына өнері жетер дейміз.

Сайысқа түскен қыздар кезектесіп,