Көлік түрлері бойынша мектепке дейінгі материал

«Көксу ауданының Балпық ауылдық округі әкімінің аппараты» мемлекеттік мекемесінің«Жұлдыз» бөбек жай-балабақшасы»КМҚК

«Көлік түрлері»

(Ұйымдастырылған ашық оқу қызметі)

«Қызғалдақ» ересек тобы

Тәрбиеші : Жакипова Т.К

2019-2020 оқу жылы

Күні :25.10.2019ж

Білім беру саласы: Әлеумет

Бөлімі : Қоршаған ортамен таныстыру

Тақырыбы: Көлік түрлері.

Мақсаты: Көлік түрлері туралы түсінік беру.

Міндеттері: Жол белгілері, бағдаршам белгілерімен таныстыру,көлік түрлері туралы түсініктерін кеңейту.Көлік түрлерінің қолданысы әуе,су, жерде жүретін көліктер,көліктің құрылысына, әртүрлі көлік құралдары мен оларды ажыратуға білімдерін жетілдіру.

Жолда жүру ережелері, бағдаршам түсінің «Жаяу жүргінші өткелі» жол белгісі белгілеріне қарай өту дағдыларын дамыту.

Көлікті жүргізетін адамдарға құрметпен қарауға тәрбиелеу.

Күтілетін нәтиже:

Жасайды: Көлік түрлеріғ жол белгілері, бағдаршам белгілері, жолда жүрудің қарапайым ережелерін біледі.

Түсінеді: бағдаршам белгілерінің түсіне сәйкес ,жаяу жүргіншілер өткелінен өту, керектігін түсінеді.

Қолданады: Бағдаршамның белгілерін біледі.Көлік түрлерінің қолданысы (әуе,су, жерде жүретін көліктер) туралы біледі.

Әдіс-тәсілдер: сөздік, көрнекілік, ойын.

Қолданылатын көрнекі құралдар: Көлік түрлері бейнеленген суреттер,ойыншықтар, жұмыс дәптері.

Сөздік жұмыс : Жүк мәшинесі,жедел жәрдем, өрт сөндіруші,бағдаршам белгілері.

Билингвалды компонент : Көліктер-машины, бағдаршам-светафор.

Ұйымдастыру кезеңі.

Жылулық шеңбері:

Арайлап таң атты

Алтын сәуле таратты

Жадырайды даламыз

Жайнай түсті қаламыз

Қайырлы таң достарым

Қайырлы таң қонақтар!

Ойын : «Кім қандай көлікпен келді»

Балаларды шеңбер бойына тұрғызып таңертең қандай көлікпен келегендерін сұраймын. Допты лақтырып көлік түрлерін атауларына ұсыныс жасаймын. Мысалы: автобус,машина, жедел жәрдем т.б. сұрай отырып көлік жүргізетін адамдар туралы әңгіме жүргіземін.

Негізгі бөлім:

Балаларға көліктің қоғамдық жеке және жүк көліктері болып бөлінетінін түсіндіремін.

-Мәшинені жүргізетін адамда кім деп айтамыз?

-Жұргізуші ең алдымен нені білу керек ?

Балаларға көлік түрлерінің суреттерін көрсете отырып бұлардың барлығын бір сөзбен қалай айтуға болатынын сұраймын.

Ойыншық мәшинелерді көрсете отырып олардың атын атап , атқаратын қызметін сұраймын.

-Мынау не? (Автобус)

- автобус қандай жерлерге барады ? ( ауылға, қалаға)

Ал мынау не ? (Трамвай)

-Трамвай қандай жолмен жүреді?

-Трамвай темір жолмен жүреді, трамвайға адамдар бір жерден екінші жерге бару үшін отырады.

Трамвай үлкен қалалы жерде жүретіндіктен ауылды жерде біз ондай көлік түрлерін көрмейміз.

Ауылды қоғамдық көліктің бірі автобус жүретінін байқаймыз.

Ал балалар айта қойыңдаршы трамвай мен автобустың қандай ұқсастығы бар екен?

Екеуінің де кабиналары бар, іші кең терезелері де үлкен, екеуі де адамдарды тасиды,бірақ трамвай автобус сияқты кез-келген жерге бара алмайды өйткені оның дөңгелектері әртүрлі.

Трамвай кез-келген жерге бару үшін не керек деп ойлайсыңдар ?

-Әрине темір жол керек екен.

Темір жолмен тағы да қандай көлік түрлері жүреді екен ?

Пойыз .

Дұрыс айтасыңдар пойыз да темір жолмен жүреді, ол алыс жерлерге жылдам жетеді.