Көліктер тақырыбына арналған ашық сабақ, арнайы педагогтерге

«Жылыой аудандық білім бөлімінің №2 Психологиялық- педагогикалық түзеу кабинеті» коммуналдық мемлекеттік мекеме

Ашық сабақ

Тақырыбы: «Көліктер»

Өткізген: Дефектолог Бағытжанова Н.Е

Құлсары қаласы

2019-2020 оқу жылы

Тақырыбы: Көліктер

Күні: 13.12.2019

Мақсаты: Балаларға көлік туралы түсінік беру. Көлік жайлы білімдерін қалыптастыру, аттарын, түрлерін ажыратуға үйрету.

Білімділігі: Балаларға көлік туралы түсінік беру. Көлік түрлерін ерекшеліктеріне қарай топтастырып (жерде, суда, әуеде), атқаратын қызмет аясына қарай салыстыра білуге үйрету.

Түзете-дамытушылық: Балалардың сөйлеу қызметін дамыту, байланыстырып сөйлеуді, логикалық ойлауды; есте сақтау қабілеттерін және қолдың ұсақ моторикасын дамыту.

Тәрбиелілігі: Әдептілікке, мейірімділікке, жолда жүру тәртібін сақтауға тәрбиелеу.

Әдіс-тәсілі: Түсіндіру, сұрақ - жауап, саяхат, ойын.

Көрнекілігі: Көлік түрлері бар карточкалар жиынтығы (су, жер үсті, әуе, теміржол); көлік суреттері; жол, теңіз, аспан, теміржол жолдары бейнеленген карточкалар; кескін суреттер.

Іс-әрекет

кезеңдері

Олигофренпедагогтың іс-әрекеті

Балалардың іс-әрекеті

Мотивациялық ынталандырушылық

Балалармен амандасу.

Балалар, бүгін бізге көптеген қонақтар келіп отыр. Көтеріңкі көңіл күймен қонақтармен «Шаттық шеңберге» тұрып амандасып алайық.

Күннің көзі ашылсын,

Көкке шуақ шашылсын.

Құтты қонақ келіпті,

Төрімізге еніпті.

Амандасу үлкенге,

Тәрбиенің басы ғой.

Ал қанекей бәріміз,

Сәлем дейік үлкенге

Сәлеметсіздер ме, апайлар!

Балалар шаттық шеңберге тұрып қонақтармен амандасады.

Ұйымдастырушылық

Ізденушілік

Балалар сабағымызды бастамас бұрын бір жұмбақ шешеіп алайық:

Жапанда бір жолаушы аузын ашып,

Аяғын келе жатыр жылдам басып,

Жарқырап маңдайында екі көзі,

Ілезде жеткізеді жерге қашық.

-Жарайсыңдар, балалар! Олай болса бүгін біз көлік әлеміне саяхат жасаймыз.

Балалар қазіргі ғылым мен техника дамыған заманда көлік түрлері өте көп.

Бәріміз тақтадағы суреттерге назар аударамыз.Көліктер әуе, су және тас жол мен теміржол көліктері болып төртке бөлінеді.Әуе көліктеріне ұшақ, тікұшақ, зымыран жатады.Су көліктеріне кеме, қайық, желкенді қайық жатады.Тас жол көліктеріне машина, мотоцикл, автобус, велосипед, т. б жатады.

Теміржол көліктеріне поезд, трамвай,метро жатады.

Көліктер еліне саяхатымызды бастайық.

"Көліктер" аялдамасы.

«Шатасқан» ойыны.

Мақсаты: Шатасқан қиынды суреттерден көліктердің суретін құрастыру.

- Балалар, мында қарандаршы, барлығы шатасып жатыр! Қиындыларды құрастырсақ көліктердің суреті шығады екен, қанекей, қандай көліктер шығады көрейік.

"Аз-көп" ойыны.