Көңіл күй шаттығы бойынша сабақ жоспары, 1-сынып

Тақырып: көңіл күй шаттығы

Құндылық: ішкі тыныштық

Қасиеттер:ақниеттілік, ақкөңілділік, кеңпейілділік

Сабақтың мақсаты: оқушыларға адам өміріндегі әлемді жағымды қабылдаудың маңыздылығын түсіндіру арқылы ішкі тыныштық құндылығының мәнін ашу.

Сабақтың міндеттері:

Оқушыларға риясыз қызмет ету, қуаныш, шаттық екенін түсіндіре отырып, ақниеттілік қасиеті туралы түсінік беру.

Оқушыларды жағымды ойлауға баулу арқылы кеңпейілділік қасиетін дамыту.

Оқушыларды ақниеттілікке, ақкөңілділікке, кеңпейілділіккетәрбиелеу.

Сабақ барысы:

Ұйымдастыру кезеңі 5Т

Тәртіп, талап, тыныштық, тазалық, татулық ережесі

Ресурстар:

(құралдар, мәліметтер)

Үй тапсырмасын тексеру

«Ақ тиін мен қасқыр» ертегісін оқып келу

Дәйексөз

Шуақты болса әр таңымКүлімдеп күнім батады Халық аузы

Мағынасын қалай түсінер едіңдер?

2- рет қыздар, 1-рет ұлдар, барлығы қосылып -1рет. Дәптерге жазу.

Әңгімелеу Мұғалім сыйы. Бүгін мен сіздермен қатар «Алтын» деген қыз жайлы айтып беремін.

Алтын кешке қарай ойыннан үйге шаршап келді де, сабағын оқымастан төсегіне жата қалды. Оны көрген 6 жасар інісі Бағылан:Әпке, сен неге кеш келдің, сабағыңды оқыған жоқсың ғой – деді. АлтынғаСаған не керек? Бізге үй тапсырмасын берген жоқ.- деді. Алтын ақталып.Мен анама айтамын. Сен ертең екі алсаң әкем сені Астанаға демалыста апармайды - деді інісі қоймай. Бірақ Алтын інісінің сөзіне құлақ аспай, ұйықтап қалды. Таң ата бере анасы сабаққа оятты.Алтынжан, тұра ғой құлыным! Бүгін сендердің сыныптарыңмен мұражайға баратын күндерің ғой - деді анасы Алтынның маңдайынан иіскеп.Ту - у - у, апа таң атпастан сөйлеп ұйқы бермедің ғой. Сәл ұйықтай тұрайыншы. Мен мұражайға барғым келмейді - деді Алтын. Бірақ анасы қояр да қоймай оятып, жуындырып, таңғы асын беріп сабаққа жіберді. Алтын сабаққа ашулы келді. Сыныптасы Маржанның амандасқанына жауап та қатпады. Сыныптасы Арманның:- Алтын артық қаламың бар ма?- деген сұрағына: - Мен қаламды сен үшін сатып алдым ба?- деп дөрекі жауап қатты.

Алтын не себепті сабағын оқымады?

Алтын не себепті дөрекілік көрсетті?

Алтынның әрекеті жайлы не айтасыңдар?

Сен таңертең сабаққа қандай көңіл күймен келесің?