Көңілді доптар қимылды ойындар жинағы

«Ақтөбе облысының білім басқармасы» ММ

Мұғалжар ауданындағы психологиялық-педагогикалық

түзеу кабинеті КММ

ЕДТЖ нұсқаушысы: Исағалиева Күнслу Қуанышқызы

Ұйымдастырылған оқу іс әрекеті: Денешынықтыру.

Білім беру саласы: «Денсаулық».

Тақырыбы: «Көңілді доптар».

Мақсаты: Доппен орындалатын жаттығуларға үйрету. Секіруге, допты қағып алуға, ұстауға, биікке лақтыруға, дәлдеп түсіруге бейімдеу. Ойын арқылы, бұлшық ет қызметін арттыруға, ептілікке , шыдамдылыққа үйрету. Салауатты өмір салтын сүруге, балалармен қарым –қатынаста болуына, адамгершілікке үйрету.

Спорт құралдары: Үлкен доптар, кіші доптар, ұсақ доптар, шығыршықтар, себет, таяқшалар, ысқырық т.б.

1. Сабақтың тақырыбымен таныстыру. Доптық ойындардың ережелерімен, мақсат-міндеттерін таныстыру.

2. Сапқа арналған жаттығулар.

3. Дене қыздыру жаттығулары. Өкше ұшымен жүру,

Жартылай отырып-тұру.

Жүгіру, арнаулы жүгіру жаттығулары.

Тынықтыру жаттығулары.

Орнында жасалатын жаттығулар.

4.Негізгі бөлім: «Доптық ойындар».

Шаттық шеңбері: Шеңбер болып тұрайық,

Алақанды ашайық .

Күннен жылу алайық,

Жүрекке жылу салайық.

Бір бірімізге сыйлайық.

4.Бір қолмен допты жоғары лақтырып, қолды шапалақтап, бір қолмен қағып алу. Допты жоғары лақтырып, екі қолмен қағып алу.

5. «Тордан допты өткіз» ойыны. Балалар екі бөлініп тордың екі жағында тұрады. Тор балалардың қолын созып тұрған биіктікке сәйкес тартылған. 1-ші бала тордың ар жағына лақтырады. Қағып алған бала өзінің жанында тұрған балаға допты лақтырады, ал өз кезегінде допты тордың ар жағына кері қайтарады.

6. «Кедергілер арасынан доп алып жүру». Б.қ тұру. Қойылған таяқшалар арсынан, белгі бойынша допты ұстап, мәреге жету. Қайтарда баяу жүгірумен б.қ оралу. Кедергілер арасынан допты алып, жүгіріп шеңберге салу.

7. «Шығыршыққа түсір» ойыны.

Балалар екі топқа бөлініп тұрады. Алаңның ортасында шығыршықтар қойылады. Екі жақта сызық сызылады. Балалар сызық бойымен тұрады. Белгі бойынша, екі жақта бірінші тұрған бала , шығыршықтың біреуіне дәлдеп лақтырады. Доп шығыршықты қозғамай, дәл ортасына түсіру қажет.

8. Сергіту сәті: 1,2,3 Аяқты алға созайық,

Тік көтеріп қозғайық.

Қораздарға ұқсайық,

Қане сапты түзейік.

Тіземізді бүгейік,

Ыршып алға түсейік.

Ыршып артқа түсейік.