Көңілді сәт сергіту тренингі балабақшаға

Психологиялық тренинг «Көңілді сәт»

Қайырлы күн! Құрметті әріптестер! Көңіл-күйіңіз қалай? Мен сіздермен қазір психологиялық тренинг жүргіземін.

Мақсаты: Қатысушылардың позитивтік көңіл-күйін көтеру, жүйке жүйесін демалдыру, бір-біріне деген құндылық, сергектік, адамгершілік қатынасын қалыптастыру және ұжымды біріктіру.

Психологтың кіріспе сөзі. Бүгінгі тренингке қош келдіңіздер! Бұл психологиялық тренинг сіздердің күні бойы жақсы көңіл-күйде жүрулеріңізге арналған. Ол үшін біз өзімізге сенім мен үміт ұялатып, жылы шырай танытсақ, барлығы ойдағыдай болады. Әр күніміздің сәтті өтуі, оны біздің қандай күйде қарсы алатынымызға байланысты. Көңіл күйіміз көтеріңкі болсын деп мен сіздермен «Көңілді сәт» тренингін жіргізгім келіп отыр. Алдымен шеңбер бойымен тұрамыз. Тренинг барысымен таныстырайын.

Тренинг барысы: Әр қатысушы өз есімдерін атап, өзін бір жеміс-жидекке теңейді. Мысалы: Менің есімім Венера. Мен өзімді жүзімге теңеймін. Өйткені ол бірде тәтті, бірде қышқыл.

(әр қатысушы өздерінің есімдерін атап, ойындағы жеміс-жидекке теңеп шығады).

Сергіту сәті

Әр қайсысы қимылмен келтіреді

Жаз айы, күн ыстық, келе жатыр едім алдымнан үлкен алма ағашы кездесті. Күннің ыстығына шыдамай әлгі алма ағаштың түбіне отыра кеттім. Басымды жоғары көтеріп едім, бір алманы көрдім. Орнымнан түрегеліп әлгі алманы алайын деп оң қолымды созып едім, қолым жетпеді. Екі қолымды бірдей көтеріп, ұмтылып тұрып әлгі алманы жұлып алдым. Кенеттен бір аттың шауып бара жатқан дыбысын естідім. Бұрылып қарап едім, қара жорға шауып бара жатыр екен. (Қара жорға әуені қосылады) Қара жорға биіне бірге билейміз.

Талдау: Өткен тренинг сізге не өзгеріс алып келді ? Бүгінгі жаттығудан қандай әсер алдыңыз ? Өзіңізге қандай жаңалық аштыңыз? Келешекте қолдануға өзіңізбен нені алып кетесіз?

Қорытынды. Бүгінгі тренингке белсенді қатысқандырыңызға көп рахмет. Сіздерге шығармашылық табыс тілеймін. Көңіл күйлеріңіз көтерілді деген ойдамын.