Көңілді тапқырлар 5 сыныпқа арналған сайыс сабақ

Оңтүстік Қазақстан облысы Сарыағаш ауданы Қошқарата ауылы №79 З.Рүстемов атындағы жалпы орта мектебі Тастанова Салтанат Рахманбердіқызы Көңілді тапқырлар. Сабақтың мақсаты:

Матиматика пәніне деген қызығушылықтарын арттыру. Оқушылардың ой өрісін кеңейтіп, топпен жұмыс істеуге, логикалық ойлау, танымдық қабілетін дамыту. Шығармашылдыққа, тапқырлыққа, алған білімдеріне жауапкершілікпен қарауға тәрбиелеу. Сайыстың жоспары:

1. Таныстыру (аты, ұраны, төсбелгісі). 2. Логикалық сұрақтар. 3. Математикалық жекпе – жек. 4. Ширату. 5. Жұмбақтар шешу. 6. Сөздер құрау. Сайыстың көрнекілігі:

Тақырыптық сөздер, шарлар, ұлағатты сөздер. «Ақыл – ойды тәртіпке келтіретін – математика» (М.В.Ломоносов). «Математика – ғылымдардың патшасы», ал арифметика – математика патшасы» (К.Гаус). «Математиканың өз тілі бар – ол формула» (С.В.Ковалевская). «Ақын жанды болмасаңыз, математикте бола алмайсыз» (С.Ков). Сайыстың барысы:

Мінекей, залда тыныштық, Естілмейді дыбыс түк. Кешіккендерді тоспаймыз, Ғылымдардың ғылымы – Математика жайында Кешімізді бастаймыз. Қазылар алқасымен таныстыру. Ортаға топтарды шақырамыз. 1. Үлгілі тәртіп, жқсы оқу, Алға қойған мақсаты. Әрқашан да мектепте, Шығып жүрген жақсы аты дей келе топтар өздерін таныстырып өтсін.

2. Кім жүйрік ойға - сол алады! – деп логикалық сұрақтарға жауап береміз. 1) Екі әкесі, екі баласы үш алманы қалай бөліп жейді. (атасы, баласы, немересі). 2) Ұшақ А қаласынан В қаласына дейін 1 сағ 20 мин ұшады да, қайтарда 80 минут ұшады. Себебін түсіндір? (Екеуі бірдей 1 сағ 20 мин = 80 мин). 3) 5 жұмыртқа 12 минутта піседі, 10 жұмыртқа ше? ( 12 минута, бәрін бірге саламыз). 4) Бір жанұядағы 5 ұлдың бір бірден қарындасы бар. Жанұяда барлығы қанша бала бар? ( 6 бала ). 5) 1 тонна мақта ауыр ма, 1 тонна темір ауырма? (бірдей).

1) Төрт пен бестің арасында арасына қандай таңба қойылғанда 4-тен артық 5-тен кем сан шығады? (үтір). 2) Үш пар ат 30 км-ге шапса, әр ат қанша км шапқан? (30). 3) Төрт қойдың неше аяғы бар? (16). 4) Үш майшам жанып тұрды, екеуін сөндірсе нешеуі қалады? (екеуі, біреуі сөндірілмегесін жанып кетті). 5) Үш әкесі мен алты ұлы серуенге шықты. Олар 42 алма сатып алды, әр қайсысына алты алмадан тиді. Бұл қалай болғаны? (1 ата, 2 әке, 4 баласы).

1) Екі адам 4 сағат шахмат ойнады. Олардың әрқайсысы неше сағат ойнады? (4). 2) Сағаттың төрттен бір бөлігінде неше минут бар? (15 мин). 3) Сағат үшті көрсеткенде, оның сағатының және минутының тілдері қандай бұрыш жасайды. (тікбұрыш). 4) Сәуледе бір бүтін, екі жарты, төрт ширек алма болды. Барлығы неше алма? (3). 5) Натурал санға қандай санды қосқанда келесі сан шығады? (1).

3. Ал, балалар, балалар.

Мақал – мәтел айтайық. Асулардан асайық, Білім шыңына біз жетейік. Кедергіні жеңейік.