Конституция кемел келешектің кепілі тақырыбы материалы

КОНСТИТУЦИЯ — КЕМЕЛ КЕЛЕШЕКТІҢ КЕПІЛІ

Терең тарихтан тамыр алып, еңселі босағасын бүтіндеп, егеменді ел болып шаңырақ көтерген Қазақстан қазіргі таңда қарқынды дамушы державалардың бірі. Тәуелсіз ел атанып, Әнұранымызды әуелетіп, Рәміздерімізді әйгілеп, Ата Заңымызды қабылдағалы да талай жылдың жүзі өтіпті.

Конституция – мемлекетіміздің тұрақты дамуына тікелей әсер етуші, егемендігіміздің заңдық негізі. Демократиялық мемлекеттің басқару формасын айқындап, қоғамның тыныс-тіршілігін бақылауда биліктің заңнамалық негізі нағыз саяси күшке ие.

Тарих беттеріне үңіліп, тәуелсіздік алғаннан кейінгі ел тағдырына назар салсақ, 1995 жылы еліміздің жаңа белестерді бағындырған уақыты екендігіне көз жеткіземіз. 1995 жылдың 30 тамызындағы Ата Заңымызды қабылдауы тарихи маңызы жоғары оқиға болды. Елбасы Н.Ә.Назарбаев елімізде сарапшылардан құрылған топ құрып, әлемдегі елдердің Конституцияларын зерттеп, сараптаудан өткізді. Осының нәтижесінде, Конституцияның жобасын жасап, Ата Заңымыздың негізін қалады. Жаңа Конституция қабылданған сәтінен бастап, қоғам игілігіне қызмет етіп, еліміздің экономикалық, әлеуметтік өрлеуіне жаңа мүмкіндіктер туғызды.

Айгүл НҰРАҚБАЕВА,

«Өрлеу» БАҰО» АҚ филиалы «Алматы облысы бойынша педагог қызметкерлердің біліктілігін арттыру институты» Қоғаммен байланыс және баспа қызметі бөлімінің бас маманы