Көркем еңбек бойынша сыныптан тыс іс-шаралар жинағы

Қызықты өнер әлемі

Логикалық ойынПәні: Көркем еңбекСынып: 7

Қол жеткізілетін негізгі мақсаттары:

1.Оқушылардың интеллектуалдық ой-өрісін, білім деңгейін көтеру.

2. Оқушылардың танымдық деңгейлерін өрістету,тіл байлығын,өз ойын жеткізу.

3. Туған тілін қадірлеуге, тарихына, салт-дәстүріне, көркем еңбек пәніне деген қызығушылықтарын арттыру.

Жетістік критерийлері:

Қазақстандық және әлемдік суретшілердің туындыларын біледі.

Логикалық сұрақтарға жауап табады.

Ребустарды шешеді.

Құндылықтарды дарыту:

Оқушы бір-бірімен ынтымақтастықпен ашық пікір бөлісіп, шығармашылық көзқараспен еңбектенеді. Өнерді тану, қадірдеу құндылығын бойына сіңіреді.

Көрнекіліктер: проектор, компьютер, презентация, сыйлықтар, сыйлықтарға арналған жәшік.

Сайыстың түрі: логикалық ойын

Қатысушылар: 7-сынып оқушылары, мұғалімдер

Талап қыл артық білуге,

Артық білім кітапта

Ерінбей оқып көруге.

Абай Құнанбаев

Жүргізуші:

Құрметті оқушылар, ұстаздар бүгінгі «Қызықты өнер әлемі» атты интеллектуалдық сайысымызға хош келдіңіздер.

Ақыл – жастан, асыл – тастан

Шығады деп дарынды,

Халық айтса, халық сөзі

Әрқашан да нанымды.

Ал енді ойынымызды бастайық!

Топтар ойын алаңына орналасады. Ойынның шарттары таныстырылады.

Топтар өздерін таныстырады:

Алдымыздан кезіккен

Көп танысты көреміз

Бәріне де ізетпен,

Біздер сәлем береміз:

Сәттілік тілейміз!

І кезең.

Визуальды әлемге саяхат

1. Бейнелеу өнеріндегі қандай жанр? (Сюреализм)

2. Қандай заттардың үлгілері? (Кафельдер)

3. Осы заттарға ортақ нәрсені тап.(ұлттық ою-өрнек)

4. Бұл мүсіндер не үшін жасалған? (колонналар орнына)

5. Өнер түрі қалай аталады? (маникюр, тырнақ дизайны)

6. Бұл суретті неден жасауға болады? (2 Д, қатырмақағаздан)

7. Ортақ 3 белгісін тап. (жеміс, сату, жарнама)

8. Қандай жанр?(символика)

9. Бұлар не деп ойлайсың? (кресло)

10. Виды дизайна (қазақшаға аудару)

11. Бұл киім үлгісін кім киеді? (қыз ұзатуға, сахнаға, конкурсқа)

12. Ортақ белгісін тап (үй дизайны)

ІІ кезең

Логикалық сұрақтар

1. Ортақ 3 белгісін атаңыз (түсі, моделі, қолданылуы)

2. Қандай ерекшеліктері бар?(табиғатпен үйлесімді)

3. Сіздің ойыңызша суретші не үшін… материалдарды қоладанады?

4. Сіз сипаттап бере аласыз ба?

5. Бұл техника сізге не үшін ұнады?

6. Суретші жұмысы сізді не үшін қызықтырды?

7. Өз жұмысыңызды қалай жақсартар едіңіз?

ІІІ кезең

Сергіту сәті

1.Себеттерге бөліп сал: жемістер, жидектер, көкөністер

2. Кірпіге жол көрсет

3. Ребус (Ел іші- алтын бесік)

4. Сөзжұмбақ «Зат есім»

5. Сөздерді табайық (криптограмма)

6.Ребус (Жүзік)

7. Қай жануар бұл топқа жатпайды?(мысық)

8. Бұлар ненің төлдері?

9.Логика пойызы

10. Сөзжұмбақ «Достар»

11. Ребус «Қуыршақ»

ІҮ кезең. Қорытынды

Жеңімпаздарды марапаттау Жүргізуші:

Қайырымды жүрекпен,

Мейірімді тілекпен,

Ізгілікті ниетпен

Қамқор болып өсемін.

Өмірің болсын десең сенің сәнді

Ойланып айналаңа қара мәнді.

Адам бол! Білімді тасқын,өнері асқан

Өзіне сүйсіндірер басқа жанды.

Ойынымыз аяқталды,сау болыңыздар.

Назарларыңызға рахмет!

Талаптыға нұр жауар

Сайыстың мақсаты:

оқушылардың танымдық және шығармашылық қабілетін, эстетикалық талғамын, шеберлігін дамыту, игі сат, озық дәстүрлерді білу, әдептілік, инабаттылық, әншілік және бишілік өнер секілді асыл қасиеттерді бойына сіңіру.

Бағдарламада:

«Ән – көңілдің ажары». Әншілік өнер.

«Би әлемінде». Би өнері.

«Сән мен сымбат жарасып». Сәндер шеруі.

«Ақылдылық аруға жарасады». Білім сайысы.

Мұғалімнің сөзі:

Армысыздар, бүгінгі кешімізді тамашалауға келген ұстаздар, ата-аналар мен оқушыларІ

«Талаптыға нұр жауар» атты ән мен сән шеруімізді бастауға рұхсат етіңіздер.

«Өнер-таусылмас қазына, жұтамас байлық» дегендей, біздің мектебіміздің өнерлі оқушыларын қарсы алайық!

Жүргізуші:

Бастарына қонсын дәйім бақ құстары,

Күн қуатын тілейміз ғарыштағы.

Ұзақ ғұмыр, қуаныш пен нұр сыйласын,

Өмірдің тыншымайтын ағыстары, - дей отырып, «Ән – көңілдің ажары» атты әншілік өнер сайысына шақырамыз.

Жүргізуші:

Өнер, білім, өнеге тұнған дарын,

Өнерліге өз басым таң қаламын.

Өнерді әділдікпен бағалайтын,

Таныстырам әділқазы алқаларын.

Ал кімнің өнері бар қаншалықты,

Би билеп, біреуі ән салыпты.

Осы бір сайыстардан бәйге алуға,

Барлығы аянбай-ақ жан салыпты. – деп ақын жырлағандай, келесі сайысымыз «Би әлемінде» деп аталады. Ал кәне, бишілерді қошеметпен қарсы алайық!

Жүргізуші:

Тасқындатып біз бүгін жыр бұлағын,

Өзімізше өзгеріп сән құрамыз.

Бұл сайыстың келесі кезеңінде,

Сән шеруін көрсетсін аруларым!

Сонымен, «Сән мен сымбат жарасып» атты сәндер шеруін тамашалайық!

Жүргізуші:

Ақылдылық аруға жарасады,

Көзі ашыққа кім бүгін таласады.

Келесі сұрақ-жауап сайысында

Сыналар білім мен парасаты, - дегендей, «Ақылдылық аруға жарасады» атты әр сыныптың білімділерін ортаға шақырамыз.

Слайд арқылы берілген суреттерге тез жауап беру.

Ұлттық киім: шапан

Жіп иіретін құрал: ұршық

Зергерлік бұйым: шолпы

Малдың төлі: қозы

Тігінші құралы: қайшы

Музыкалық аспап: қобыз

Домбыраның бөлшегі: тиек

Түгі алынған тері: күдері

Асықтардан тұратын аспап: жетіген

Қыз баланың киімі: тақия

Жүргізуші:

«Өнер, білім, еңбекке

Жақын болар ұрпақпыз,

Он саусағы майысқан,

Шебер болар ұрпақпыз»,- дей келе қазылар алқасына жеңімпаздарды

жариялауды сұраймыз.

Жүргізуші:

Пір тұтқан әрбір халық асылдарын,

Қазақтың қара көзді бауырларын.

Тәммадайық осы кешті шеруімен,

Өнеріне табынтқан өрендердің!

Мамандық таңдау мәселелері

Мақсаты:

Оқушылардың білім шыңына талпынуда бойларында қандай қасиеттер болу керек, неге бейімделу керектігі жайлы ойларын білу, ой бөлісу;

Жеке басының сапалық қасиеттерін арттырып, кәсіптік бағдар бере отырып, өзін өзі тану аумағын кеңейту;

Оқушыларды терең білім алу жолында үздіксіз еңбектенуде еңбекқорлыққа тәрбиелеу

1. Кіріспе бөлім.

« Сен де бір кірпіш дүниеге, кетігін тап та бар қалан»

Мамандық таңдау – ертеңді ойлау

Қандай мамандық иесі екенін табу (тренинг)

Кім болам? (сұрақтар)

Мамандық – табыс көзі

Дұрыс таңдау жасау- өмірлік мұратың

Мамандық топтары(жалғастыр)

Адам – адам: педагог, дәрігер,психолог...

Адам – табиғат:агроном,бағбан, диқан....

Адам – техника: ұшқыш, жүргізуші, тігінші...

Адам – жануар: ветеринар,атбегі,шопан...

Адам – белгі-жүйе:программист, оператор...

Адам – өнер: актер, суретші, сазгер.....

Адам – зерттеушілік:

Адам – экономика :

Адам – саясат:

Мамандық дегеніміз не? Әр топ өз ойын айтып, жауап береді:

«Мамандық» сөзіне анықтама беру. Мұғалім толықтырады

Профессия- мамандық дегенді білдіреді.

Мамандық- қарапайым өмір сүру көзі болып табылатын және қандай да бір дайындықты, жауапкершілікті талап ететін еңбек қызметінің маңызды бөлігі.

Біреулер үшін – ол ойға алған арманның орындалуы, отбасы дәстүрін жалғастыру, келесі біреулер үшін – жаңалыққа, дербестікке талпыныс, үшінші біреулерге — әйтеуір бір мамандық алу керек болған соң. Мамандық таңдау- тағдырыңды таңдау деген сөз. Кейінгі өмірде өкінбейтіндей, өз қабілеті мен бейімділігіне сай кәсіп түрін таңдау… Бұл өте жауапкершілікті және маңызды іс. Мамандықты таңдау үшін, адам ең алдымен өзін, өз бейімділігін тануы қажет. Өз — өзіне «Мен кіммін?», «Осы өмірдегі менің орным қандай?», «Қалай өмір сүремін?» деген сұрақ қоюы керек. Мамандық таңдауда әр адам өзінің қызығушылығына, қабілетіне, бейімділігіне, қалауына сүйену керек. Сондай- ақ өз мамандығының сұранысын жоғалтпауына көңіл бөледі. Бұл мамандықтарға деген бірқалыпты тұрақты сұраныс деп аталады. Өзінің сұранысын, қызығушылығын жоймаған кең тараған мамандықтарға дәрігер, мұғалім және құрылысшы мамандықтарын атап өтуге болады. Ал, өзекті мамандықтар қатарына жоғары технология, байланыс, коммуникация, экономиканы басқару мамандықтары және еңбек сұранысына қажетті жаңа мамандықтары жатады. Мынау көп салалы өмірде мамандықтың түрі көп. Әрине таңдау жасау оңай емес. Ең бастысы – адам еңбекке қабілетті, зейінді болуы

2. «Білеміз бе?»

Мына мамандықтардың қайсысынан хабарымыз бар

І. Қазіргі уақытта жойылып кеткен мамандықтар

ІІ. ХХ ғасырда пайда болған мамандықтар

ІІІ.Соңғы 10 жылдықта пайда болған мамандықтарды

Білетін, естіген, көрген мамандықтарымызды теріп жазамыз және дәлелдейміз

3. Әр оқушы осылардың ішінен өздерінің келіспейтін тұжырымдарын таңдап алып, ой-пікірлерін дәлелдейді.

Мамандық бір-ақ рет біржола таңдалады

Мамандық таңдау қалтаның қалың болуына байланысты

Отбасы және достарынның ақылына сүйеніп мамандық таңдауға болады

Қартайғанда да мамандық таңдауға болады

Жақсы білім алу үшін қымбат оқу орнына түсу керек

Ақша болса, мамандық қажет емес

Мамандық таңдауда психологтің көмегі қажет

Мамандық таңдаудағы басты өлшем – қызығу мен қоғамдық сұраныстың сәйкестігі

Таңдайтын мамандығымды қалталы ақшам анықтайды

Мамандық таңдау – күн көріс қамы

4.Оқушыларға сауалдар жолдау

Сұрақтар:

1.Мамандық таңдауда ең бастысы не: қабілет пе, дарын ба әлде мамандықтардың қоғамдағы беделі ме?

2.Ауыл экономикасын көтеру үшін, ауылға ең алдымен қандай мамандықтар қажет деп ойлайсыңдар?

3.Белгілі бір кәсіптің иесі болу үшін міндетті түрде жоғары білім алу қажет пе?

4.Әрбір жеке адам бақытты болу үшін, тоқшылықта өмір сүру үшін не істеу керек?

5.Еңбек нарығындағы бақталастық туралы не білесіз? Сіздің мамандығыңыз нарық заманында бақталастыққа төтеп бере ала ма?

6.Кез келген қоғамда адам өмірде өз орнын табу үшін өз жанына жаққан кәсіпті меңгеріп, белгілі бір мамандық иесі болуы шарт. Ел болашағы бүгінгі өскелең ұрпақтың, яғни біздің қолымызда.

7.Адам өз мамандығын таңдаған кезде, нені басшылыққа алу керек?

8.Жақсы маман болу үшін адам нені білуі және үйренуі керек?

9.Сіз қандай маман болуды армандадыңыз?

10.Адам өзің белгілі бір мамандыққақашан, қалай дайындауы керек?